#أبراج_الخميس28يوليو2022🔮 القمر ينتقل لبرج الأسد ♌

القمر بينتقل لبرج الأسد♌ الناري🔥 كوكبه🌍 الشمس..

عطارد في برج الاسد حتى 4 آب أغسطس .

الشمس في برج الاسد حتى 22 آب أغسطس .

الزهرة في برج السرطان حتى 11 آب أغسطس .

المريخفي برج الثور حتى 20 أب أغسطس

زحل متراجع بالدلو

المشتري متراجع في برج الحمل من 27/7 حتى 23/10 ..

اورانوس متقدم بالثور

نبتون متراجع بالحوت

بلوتو متراجع بالجدي

 

#الحمل ♈

مهنياً:القمر بالاسد الناري الصديق يوم مالي مصاريف وعزائم ومصالحات ودفع .. ظبط حساباتك لان ضغوط المالية كتيرة وفي دفع على مستلزمات وشي بخص دين .. خلص ضروري وتحل مشكلة وترتاح من وضع صحي المهم انت بحاجة لشوية تركيز لتوصل وتنجح وهدوء اعصاب ولا تكركب حالك .. ناطرتك اجواء حلوة وعزيمة ورح تحملك تطورات بتخص المال وتحسن ممكن هالفترة بشكل منيح وحلول لامور قانونية او قضائية وممكن البعض ناطر قبض لمبلغ من بيع او قرض او شي معنوي .

عاطفياً💕💕:مرق يومك على خير يمكن في قدامك مشكلة بدا حل ومواجهات كانت موجودة عم تلاقي صعوبة بحلها حاول لا تترك الامور بدون حلول جذرية وامورك بتتحسن بعد هاليوم .. لا تخاف ركز هاليوم بس وممكن يصير لقاء واتصالات واجواء افضل من المسا او شريك جديد هاليومين ..

صحياً:ضغط نفسي وجسدي وعكة صحية عند البعض خفف عن حالك هاشي .

 

#الثور ♉

مهنياً:القمر بالاسد الناري يوم جيد في عزائم وتنقلات ومناسبة وخبر مفرح وشي مالي كمان .. يومك في مشوار حلو او سفر واتصالات عم تكتر وعم تتواصل مع ناس كتار وشخص غالي عليك .. الحظ بساعدك وبيدعمك وبوفر الظروف الملائمة لتنجز اعمالك يوم في طاقة وتحسن وتحركات وشي جديد وعم تجهز الاختبار وفي نقاشات ولقاء مهم وامورك افضل بيوم مميز وداعم .. تحسن مهني مالي أجتماعي وناس جديدة عم تتقرب منك وحلول وانفراج ..

عاطفياً💕💕:حاول تستغل هاليوم وتطلع من حالة الفتور والبرودة وتكون مرن اكتر بتعامل وتعالج بعض توترات والمشاكل بعلاقتك .. جذاب وساحر والقلب بدق من جديد في تقارب وتجاذب وبتلاقي الحب ورومنسية واجواء حلوة بلقاءات واتصالات ولتمتلك قلب الشريك .. فرصة لاعجاب وحب جديد عند البعض ..

صحياً:بحاجة لطاقة ايجابية اكتر وهاشي مابتلاقي الا عند اشخاص غالية عليك وبتشيل الهم ..

 

#الجوزاء ♊

مهنياً:القمر بالاسد الناري شغل وقصص بالبيت وناطر شي مهم هاليومين وبدي منك لا ترد على كلام ناس .. مضغوط اليوم بقصص كتيرة وناس كتار ومسؤوليات والتزامات وبتشغلك كمان امور مالية واقساط حاول تعيد حساباتك من جديد ..كون حذر من المحيطين وركز منيح لتوصل وتنجح ولا تخلي حدا يشكك فيك وبقدراتك وعندك لقاء مهم وتتطورات مهمة بالمجمل بتخص شغل وعلاقات وناس مهمة وعزيمة ومن المسا انت افضل ..

عاطفياً💕💕:رغم تعب والارهاق الي عم تعاني منو عاطفياً ممكن يكون في مبادرة لتلاقي حل وعندك رغبة تحط نقاط على الحروف بلقاء او اتصال وحل لامور عالقة بس دائماً عم تلاقي تأجيل وتأخير او طرف الاخر مو جاهز ولازم تتريث اليوم ولا تحسم الامور وخفف عنك هاضغوط والقلق الي مو مبرر .. ممكن بتشوف شخص غالي عليك وتواصل وشخصية مهمة ولقاء أو اتصال وتطورات جديدة من المسا ..

صحياً:اعطي اهتمام لصحتك وامورك بتتحسن للافضل نشالله هاليومين بس البعض عندو طبيب او مشفى يمكن لاب او اخ .

 

#السرطان ♋

مهنياً:القمر بالاسد الناري يوم مميز بكترة العلاقات وناس الي عم تكون حدك وعم تساعدك اذا بدك وعم تتلقى اتصالات لعزائم او مشوار وممكن تعم شي جماعي وعم يكون في محبة واعجاب وناس غالية عليك بيومك ويمكن عم تحقق امنية او هدف مهم رغم المسؤوليات الي بعدا عم ترافقك ضمن البيت والاهل بدا رواق شوي وممكن حدا من اهلك بقدملك خدمة وفي قصة اوراق بيوم وعم تحسن امورك المالية بعد ضغط مالي ومصاريف على الاهل والبيت وعلى عزائم المسا الوضع متعب ومانك مرتاح ..

عاطفياً💕💕:تحسن بالوضع وحاول تفصل علاقتك العاطفية عن الامور العائلية وفي شي مهم ومصيري ونقاش عم يصير .. بدي ياك تتجنب المواجهات وتصعيد اثناء نقاشاتك والبعض يمكن عم يحكي شخص جديد او عم تتجدد الامور مع شخص قديم وتطورات حلوة واجواء اكثر رومنسية وشغف ..

صحياً:خبر بخص حدا مقرب وانتبه صحياً لمسا .. عندك طاقة لتتحمل وتتخلص من شي تعبك والبعض بيشفى من مرض .

 

#الاسد ♌

مهنياً:القمر بينتقل من الصبح على برجك طاقة ايجابية وبتكون متحرر بشكل افضل أفتح صفحة جديدة وحاول تحل امورك لترتاح اكتر ويوم في نشالله افضل لصالحك وبلاخص على صعيد الشخصي وصحي واتصال ناطرك وحكي وخبر منيح وراحة نفسية من الكركبة الي كانت يوم في شغل في التزامات وخبر بخص وضع شغل وفي امور مالية بتشغلك المسا او ممكن يجيك مال ومصاريف ..

عاطفياً💕💕:الحظ معك وتغييرات لصالحك وفيك تقدم على اي خطوة تغير من وضعك لان ماكان منيح افتح صفحة جديدة وجدد بأسلوب بعلاقتك وممكن يصير تفاهم على بعض نقاط المتعبة بلاخص المرتبط لترجع الثقة الي نفقدت وتخفف الشكوك الي عم تزيد وخليك هادي بقراراتك .. الاعزب والمرتبط اوقات حلوة واعجاب وتفاهم والبعض ممكن يوصل لخطبة بلايام الي جاي بلاخص المرتبط جديد ..

صحياً:عم تعمل تغييرات شكلية او عملية وفي خبر صحي ولازم تخفف اكل بوقت متأخر ..

 

#العذراء ♍

مهنياً:القمر بالاسد الناري شغل والتزامات وامور صحية عم تشغلك يومك لازم تفكر صح بلاخص اذا في عروض شغل او صديق عم يطرح عليك شي لا تستعجل بشي لان ممكن توقع بأخطاء وحسابات حاول تنتبه له شي وتكون هادي بطبعك مشان ماتعصب وتنفعل يوم في روتين متعب ممكن تتأخر بعض الانجازات لكن هاشي مؤقت لا تاكل هم ممكن عندك التزامات ودفع مالي حاول تنجز هاشي حتى ماتسمع كلمة من حدا وبنفس الوقت أنتبه ضغوط تأثر على صحتك وهتم بوضعك الاجتماعي والعائلي..

عاطفياً💕💕:الاعزب امورك افضل والمرتبط احسبها صح بحاجة لمين يقدر وضعك ويهتم فيك..لا تستعجل على شي وتعب راسك شيل هالافكار سلبية الي عم تراودك بين الحين والاخر لو كان في عراقيل كتيرة الانفراج وتحسن قريب وكلشي بوقتو حلو .. ممكن في تتطور بعلاقاتك عبر الأتصال وتواصل وممكن صداقات كتيرة بهاليوم واجواء بتتحسن ..

صحياً:تحسن صحي ببلش والبعض مشاكل الضغط او شي جنسي بلاخص الرجال ..

 

#الميزان ♎

مهنياً:القمر بالاسد الناري حظ وطاقة ومصالحات وناس جديدة وبتلاقي حلول وانفراج بأمورك و بتمتلك القدرة على تخطي المشاكل وقصص تعبتك في تحسن نفسي وراحة وشي بخص شغلك وبيتك بتستعيد مكانتك او مكان جديد ومصالحات بيومك بعد قطيعة وتوتر وزعل يوم حلو بلقاءات وتعارف واوقات ممتعة وقصة بتخص الاطفال وشراء ومصاريف و مال عندك بيومك ..

عاطفياً💕💕:الحظ داعم الك لترجع كلشي ويكون عندك تطورات بوضعك العاطفي وتحقق مصالحات ودعم ايجابي القمر عم يدعم بيتك العاطفي بعلاقات جديد او حب ممكن يرجع .. واذا كانت علاقتك متوترة هدي وفرصة لحلول مرضية وتسوية وتطور بوضعك العاطفي اذا قدرت تسيطر على انفعالاتك من جديد .. والبعض عندو لقاء واجواء وتعارف جديد .. استغل يومك لان ممكن تحصل على اتصال او رسالة وأشارة بتوصل ..

صحياً:بتعاني شوية التهابات وممكن عملية او تجميل عند البعض ورح تبلش تطلع من وضع صحي ..

 

#العقرب ♏

مهنياً:القمر بالاسد الناري بتشغلك امور العيلة والبيت وقصة احد الأخوة .. ضغط ومسؤوليات بشغلك وبيتك وقصص عائلية بتشغلك وماعم تلحق بيوم في مزاجية وتقلب بلامور وماعم تعرف القصص من وين بتطلع .. عندك شي مفاجئ واضطراري او اوراق او موعد ضروري .. تواصل بشكل عام شوي صعب هاليوم روق ولا تحمل القصص اكتر مابتستاهل ولا تتسرع وتجنب الأنفعال وتوتر والبعض عندو قصة عقار او تغيير ونقل لمكان او تجهيز ومن المسا انت منيح وبلاخص بالعاطفة ..

عاطفياً💕💕:بتحس حالك مو فهمان ع شريك والبعض قصص عائلية بدا حلول عم تدخل بوضع العاطفي ..

عم تعاني اهمال وروتين متعبك بعلاقتك ماعم تكون مرتاح نفسياً وبلاخص اذا شريك بعيد عنك او في زعل او عم يغيب لوقت طويل عنك بدي منك تركز وتحط حد للقلق الي عم تشعر في هالفترة .. عم طالب بحقوق عاطفية وعندك عتب على شي ااي عم يصير .. البعض بعد عن الماضي افضل الك وأنتبه لعلاقتك و روق على شريك ولا تقدم على خطوات او تهور مانك حاسب حسابو منيح لان الامور من المسا رح تتحسن ..

صحيا:لا تهمل وضع واذا حسيت باي عارض صحي شوف طبيب او أخصائي ..

 

#القوس ♐

مهنياً:القمر بالاسد الناري الصديق يوم منيح بتواصل واتصالات ولقاءات وعزيمة ومال بيومك .. عم تكون متحرر من ضغوط وعم تساعد وخدمة لشخص او شخص مقرب استغل يومك بشي حلو وفي قصة سيارة او موبايل وسفر قصير وعم ترتاح من عبء عليك وفي دعم من شخص مقرب ..مال ومصاريف بيومك وممكن تشتري او تغير شي وعندك فرصة لتكسب خبرات جديدة او شي بخص عقار او بيت وفي تقدير لجهودك لترتاح من قصص تعبتك واتصال بدو شوية رواق ..

عاطفياً💕💕:تواصل وخبر حلو وعلاقة بتشغلك .. يومك منيح بين لقاءات واتصالات وبتقضي وقت حلو ويمكن كمان تطلع مشوار وتغير جو وممكن مفاجئة بيومك .. فرصة ليكون في تفاهمات ولتطلع من حالتك نفسية الصعبة واكيد نشالله بكون يومك حلو و واعد بأمور أيجابية او عم تتلقى دعم وصدفة حلوة بتحسن من علاقتك بشكل اكبر .

صحياً:حافظ على صحتك ولا تعب حالك واي عارض صحي عليك بأستشارة طبيب.

 

#الجدي ♑

مهنياً:القمر بالاسد الناري يومك مضغوط شغل وقصص مالية واهل حاول تنتبه من امور صحية ولا تعب حالك لان تعبت من الأرهاق وضغط .. رتب بيتك المالي وشوف شو الك وشو عليك وروق ليستقر وضعك من المسا لتبلش تطلع من هالوضع وفكر بمورد مالي جديد ولتتخلص من تراكم الضغوط المالية والمصاريف الي عم تطلعلك من هون وهون مرق هاليوم ع خير لتتجاوز ضغط مالي ونفسي ..

عاطفياً💕💕:شراكات عاطفية كتيرة وعلاقات متعددة .. في برود وفتور واهمال بدي منك تخفف شكوك ولا تشغل حالك بلافكار المتعبة ولا تخلي سوء تفاهم صغير يعمل مشكلة كبيرة .. أنتبه على علاقاتك وحاول تقضي وقت حلو مع الشريك بأتصال او لقاء ولاجواء منيحة لا تخاف لمهم خففلي شكوك .. والبعض علاقات اخرى عم تتطور وسرية منها وممكن موعد او اتصال والمسا افضل لتلاقي حلول ..

صحياً:صحة شريك او زوج وحاول بعد عن الاجواء الصاخبة وتشنجات واضبط اعصابك وانتبه ضغط الي عليك هالفترة يسبب تعب صحي ..

 

#الدلو ♒

مهنياً:القمر بالاسد الناري مشاكل البيت وشغل بعدا مرافقتك وناس مقربي هدي اليوم وتحسن تدريجي .. أنتبه لكلامك ولانفعالاتك بيوم لازم تعتمد في على حالك يمكن ماعم تعرف القصص من وين عم تطلعلك ويمكن في امر طارئ وعم تتقابل بمواجهات او حدا طالع عائق قدامك وهاشي عم يدايقك .. بعد عن المواجهات وحاول تساير ولا تعطي أهمية لحدا ولا تكبر الامور اكتر من لازم او تتسرع بشي .. والبعض يوم داعم لتدخل اتفاق او شراكة جديدة..

عاطفياً💕💕:بدك تساير كتير وتكون دبلوماسي شريك مشغول وفي شوية جفا او بعيد بالمشاعر .. المرتبط بدي منك تهدي وتروق وأنتبه للانفعال والعصبية بيومك حتى ماتكبر القصة وتوصل لطريق مسدود حاول تعيد حساباتك بهاليوم لتتوصل لراحة والاستقرار بيومك وامورك بتتحسن .. الاعزب شراكة عاطفية رغم بعض العرقلة الي صارت بس كلو خير نشالله بلايام الي جاي .. تطورات بعلاقاتك واجواء عاطفيه عم تزيد واتصالات طويلة عم ترجع ..

صحياً:بحاجة لراحة ونوم والبعض في وخذ بالصدر ومشاكل ضغط وحاسس بدوخة ..

 

#الحوت ♓

مهنياً:القمر بالاسد الناري لا تتسرع بيومك وانتبه لعلاقاتك ومن المواجهات وبعد عن اي توتر بدو يتعبك .. عم تعاني من تاخير وبتحس ماعم تظبط الامور متل مابدك .. لا تشتغل شي بيوم ضعيف الحظ وطاقة وروق بعلاقاتك ونقاشاتك وقصة بتصير بشغلك ومع العيلة بتعبك صار لازم تحط حد له شي لان ممكن يتسبب بسوء تفاهم مع حدا من أهلك او مع صديق او مقرب هدي وروق ولا تكبر القصة ومرق هاليوم على خير ومن المسا امورك افضل بتبلش ..

عاطفياً💕💕:شوية رواق هاليوم وفترة قادمة مهمة .. ماعم تكون مرتاح وعم تفقد الأمل بالحلول .. ماتعطي اهتمام لحدا مو مهتم لان ماحدا بيستاهل بيوم بتكون محبوب في وجذاب وملفت لنظر بس محتاجة للخطوة الأخيرة .. اي علاقة عم تعبك بعد عنا بلاخص انك تعبت من اشخاص منافقة وماهما غير المصلحة .. انت بحاجة لشخص يفهمك ويصدق بكلامو ومشاعره وهاشي عم يتعبك وعم يعرضك للاستغلال .. فترة قادمة فيها استقرار وممكن البعض يجهز حالو لارتباط او شي رسمي بس اليوم أهتم بحالك وبعلاقاتك ولا تفكر كتير ماحدا بيستاهل ..

صحياً:بحاجة لتاخد وقت من راحة الجسدية والفكرية وبعد عن الاجواء المتوترة وعن ناس السلبية بحياتك لترتاح صحياً من ضغوط ..