رصد نيوز
#الحمل ♈
مهنياً: خلص كلشي ولا تتأخر يومك في ضغوط عم تتعرض الها وفي قصة او وضع عم يكركبك شوي .. وضع البيت زاعجك وناس متعبتك ضغوط بهاليوم وقصة حدا من اهلك بتشغلك .. كمان في نقاش بأمور مالية وممكن حابب تشتغل شي او تطور بشغلك واحتمال حدوث تغييرات قريبة او نقل بشغلك او مكان سكنك ..كون واثق بحالك ومن خياراتك لتوصل وتنجح شوية رواق بقصص العيلة بس ولمة حلوة او سهرة عائلية ..
عاطفياً 💕 💕 :قلبك مو مرتاح ومتشائم وقصص عم تدخل بعضها شريك عم يخليك قلق ومشاعرك مو مستقرة أتجاهه .. حاول تركز على امورك العاطفية ولا تخلي شريك يأثر عليك سلبي الحب بشكل عام عندك عم يتعبك اكتر مو عم يريحك .. بالمجمل في تطورات وفي اخبار حلوة قريباً بس هديلي وضعك هاليومين بالعاطفة وبالعيلة ..
صحياً:تقلبات بوضعك الصحي وخبر صحي لحدا بالعيلة وبداية كريب .
#الثور ♉
مهنياً: مال واتصالات مهمة وحركة وطاقة .. عم تلاقي امور عم تتيسر وقصة متعبتك عم تنحل بسلاسة وبلاخص بالايام الي جاي .. اختبارات بيومك جهز حالك وضب ايدك مالياً علاقات اجتماعية وناس جديدة وبتفكر تبيع او تشتري شي وممكن تنعزم وسفرة قصيرة وركز على امور دراسة وأنتبه من الحوادث والاعطال او صحة حدا مقرب او من العيلة ..
عاطفياً💕💕:عم تكون متعاطف بهاليوم وقصة بتخص شريك .. امورك عم تتحسن وفي تبادل للاهتمام بهاليوم وفرصة للقاء او تعمل اتصال طويل .. لاعزب امورك افضل وممكن يصير ارتباط والمرتبط فرصة لتحسن علاقتك اليوم .. المتزوج روق وكلشي برواق بينحل غيمة سودة وبتمر لا تهتم ..
صحياً:ممكن ضغوط والمسؤوليات تأثر على وضعك صحي حاول الا تفكر كتير ولا تستهلك طاقتك نفسياً.
#الجوزاء ♊
مهنياً:امور مالية عم تشغلك حتى ممكن تسمع او تتلقى خبر بخص المال ناطرو كل هاشي لصالحك وتقدير لجهودك وفيك ضب ايدك لانو بس كان معك مصاري عم تفرد ايدك كتير وماعم تعرف تتعامل مع المال.. بتجيب شي جديد وشراء وتحسن علاقاتك وشي بشغل ممكن يساعدك مالياً .. البعض عندو سفر ولقاء مهم يوم مالي بين دفع وقبض وعزائم وصحة ..
عاطفياً💕💕:حاول تتجاوز بعض العراقيل وضغوط بعلاقتك ولازم تعرف كيف تتعامل بهاليوم حتى تتجاوز اي مشكلة بأقل الخسائر اذا بدك تحافظ على شريكك فترة بسيطة وبتمر وبتبلش تستقر قريباً جداً لمهم تعرف كيف تتعامل مع الشريك وتحسبها صح .
صحياً:توتر صحي كان مرافقك بالفترة الاخيرة وممكن البعض عمل عملية وداعيات هاشي بعدا موجودة راحة والاهتمام صحي هالفترة كتير مهم لتخلص
#السرطان ♋
مهنياً:طاقة ايجابية وتحسن بوضعك وبعلاقاتك وممكن اذا عم تخطط لشي او نقل فالامور جيدة .. لا تخاف و اي مشروع عمل عم تفكر في او بدك تفوت في بكون منيح وبتتحسن امورك المالية قريباً .. بعد فترة كتير تعبت فيا عندك انفراج وتحسن وخبر ناطرك وعزايم وثقة بتعود من جديد واليوم بتكون بحالة جيدة وحلول ناطرتك المهم لا تخلي شي تاني ياثر على شغلك .. البعض في خبر ناطرك نشالله لصالحك ..
عاطفياً💕💕:بادر الشريك المشاعر وأستغل يومك .. جذاب ورومنسي وشريك بحاجتك وممكن يصير لقاء وجلسة واذا بعيد عنك لا تتردد بتقرب منه .. يوم مهم على صعيد القرارات المهمة والمصيرية وحسم بعلاقتك .. استغل يومك ولا تتسرع الوضع على شفى حفرة نتبه بلاخص المتزوج ..
صحياً:عم ينتابك شعور نفسي بالمرض لا تخلي هاشي يسيطر عليك حتى ماتوقع في عنجد وتبلش العوارض بالظهور ..
#الاسد ♌
مهنياً:لا تخلي الملل وضجر يسيطر عليك وحاسس بكأبة هاليوم بلاخص انو في اشخاص عم تخذلك او لقاء اوتصال ماعم يجيب نتيجة .. ورقة حكومية او اتصال وتواصل مع حدا مهم ولا تتأخر بأعمالك او ع دوامك ولا تستعجل او تغامر بشيء ومرق هاليومين على خير بدون انفعال واستفزاز ..في ضغط ومسؤوليات وعلاقات اجتماعية وناس بتحبا .. أستغل وقتك قد مافيك والبعض بجهز لسفر وتنقلات وممكن ناطر مساعدة من شخص..
عاطفياً💕💕:سرية وضعك العاطفي شي مهم لهيك لا تعطي ثقة ولا تأمن .. برغم من العيوب الي بشريك واوقات في قلت أهتمام وبتحس مو فارقة معو شي الا انو من جواتو بحبك .. مابدي بعض الكلام الي مو مستاهل يأثر ع الوضع ويسبب توتر وتكبر القصة لا تخلي حدا يستغل حبك بلاخص الناس الي بتصطاد بالماء العكر .. اعطي اهتمام لنقاشات وكون دبلوماسي وبلا تصعيد ..
صحياً:اوقي نفسك بعض المخاطر صحية وماكتير تعمل خلطة مع ناس ..
#العذراء ♍
مهنياً:بترتاح بيومك بعد تعب وعقبات واجهتك بالفترة الأخيرة عم ترتاح اليوم وعم تحس حالك نفسياً اريح عم تتحرر من القيود وعم تحط حد للبعض .. يوم افضل على صعيد العلاقات وتنقلات والعزائم واذا محتاج مساعدة او استشارة لا تتردد وباب جديد قد يفتح ومال عندك وقصة بتشغلك لحدا بعيلتك ..
عاطفياً💕💕:يوم للعاطفة والاندفاع .. جذاب وسحرك مميز ومن الايام الي بتزيد فيها قدراتك العاطفية وهاشي بخليك تأثر على الجنس الأخر .. يوم ممكن يحملك حب جديد وتحسن بعلاقتك بالشريك لا تخاف .. والبعض في علاقات عم تاخد منحى أخر ركز وأنتبه..
صحياً: أنتبه من وضع صحي وجسمك بحاجة للفيتامينات وبروتينات ..
#الميزان ♎
مهنياً:ناطر لقاء او فرصة مهمة ويمكن بخصوص شغلك .. علاقات اجتماعية وتنتقلات وعندك شعبية كبيرة بس نتبه من الاشخاص المقربة ولا توثق بحدا خليك واثق من حالك ومن قدراتك مابدي منك توقع بمشاكل او تنحرج من قصة ما وتوقع يصير معك اي شي لهيك لازم تنتبه ولا تتهاون بشي وكمان لاتدخل بأي موضوع ماعندك علم بتفاصيله .. يوم مهم بدو دقة وحذر لتحصل على شي كتير منيح بقادم الايام .. حاول تنتبه لتعاملك مع محيطك والمسؤولين عنك والبعض ممكن يستغل وضعك فكون حذر..
عاطفياً💕💕:لامور بعدا ماعم تظبط بس انت كتير بحاجة لشي يغير من الوضع وتتخذ قرارات حاسمة .. وكتير لازم تبتعد عن الأمور المثيرة والحساسة حتى ماتكبر الامور ويصير فتور وبرودة الوضع مابيسمح بتهاون مع الشريك ولازم تحسم امورك .. والبعض عم يعاني من امور خارجة عن سيطرة بعلاقة أخرى ..
صحياً:مافي داعي تعب حالك صحياً اذا الوضع من حولك متعبك حتى ماتتعرض لوضع صحي كمان ..
#العقرب ♏
مهنياً:القمر بكمل ببرجك من الايام الحلوة عندك لتبلش تطلع من حالتك وتكون افضل بيوم داعم الك سفر واتصالات ومعاملات وناس وعلاقات .. نشيط وعندك طاقة وتنقلات او سفر بيتيسر حتى عم تشتغل باكتر من شي وعم تفكر باكتر من قصة تواصل عائلي ومع رفقاتك وناس جدد بتتعرف عليها او الك زمان ماشفتا ولمة حلوة وبتبلش تغير شوي من روتينك وتصرفاتك وبعض العادات الي كانت مرافقتك والبعض عندو شي بخص دراسات عليا او عقار بيشغلك وحوالة بعيدة ..
عاطفياً💕💕:عين وصايبتك مابتقعد يوم حلو حتى تمر ايام كتيرة فيها كركبة .. عم يصير بهاليوم نقار وتراشق للاتهامات وتصرفات مو مريحتك وماعم تتحمل شي
سوء تفاهم لكن سرعان ماتعود الامور الى وضعها طبيعي .. بيدعمك الحظ بالعاطفة وبتكون جذاب وحليان وتطور بعلاقتك مع الشريك بتواصل واتصال والبعض فرصة ليتعرف على شخص عن طريق الانترنت او صدفة وعلاقة ..
صحياً:انتبه من مشاكل الانف والحنجرة او انحراف وتيرة وجيوب وضروري تحط حد لزيادة الوزن..
#القوس ♐
مهنياً:ليوم بتبلش امورك نوعاً ما بتجاه الافضل بتلاقي حالك امام استحقاقات ونجاحات ومال قادم وقصص بتتعلق بالمال .. حتى علاقاتك ورفقاتك بيدعمو رغم كان عندك تحفظ على معاملة البعض .. مصالحات وحلول وراحة نسبية وثقة بتعود من جديد .. يوم للمال والموارد المالية من شراكة او اذا عندك مدخول غير مدخولك لاساسي او لتتخلص من ديون وضرائب ومصاريف على سفر او مشوار وعزائم ..
عاطفياً💕💕:يوم بيدعيك لتفكر منيح بعلاقتك وتركز على حسم امورك وقراراتك وخود وقتك لكن صار لازم نحط نقاط على الحروف .. بترتاح من ضغوط وكلام حلو وغزل بتسمع كل هاشي لصالحك ورح تنال ماتريد الحسم مطلوب مشان وضع علاقتك بس بهدوء بعيد عن العصبية ..
صحياً:بعد تعب ومرض انت افضل وبتتجاوز وضع صحي متعب ..
#الجدي ♑
مهنياً:شغل وبدك لتلحق ولا تجهد حالك ..
قصص مالية وعلاقات وناس الك زمان ماشفتا واتفاق وتواصل ..قد تتعارض الحظوظ بس حاول لا تصعد الخلاف ضمن بيتك وشغلك وكون دبلوماسي بمعاملتك .. وممكن يبلش الحكي بقصص شغل او شراكة وعم طالب بشي .. بدي منك تروق لتعرف تمرق هاليوم بشكل هادي وكتير أنتبه تدخل بنقاشات او توترات مع محيطك وحاول تعزز امورك وشراكاتك سواء العاطفية والمهنية .. خليك متفائل وفكر بشراكة جديدة ..
عاطفياً💕💕:ساحر بحضورك وبكلشي فيك بس الشريك مستفز والوضع متوتر ومن جواتك محتار .. حاول داري الوضع وتكون متفهم وتبتعد عن اي توتر بيومك لتكمل علاقتك بدون مشاكل .. البعض عم يعيش يوم مميز وعاطفة حلوة ورومنسية.. والاعزب عم تميل لشخص و حاجتك عم تكابر على نفسك بحاجة لترتبط بشخص مناسب ويفهم عليك لانو مافي شي عم يظبط معك وممكن لقاء بشخص بعد فترة .
صحياً:عدم انتظام بوضعك صحي وحاسس حالك مريض ومو مريض بقا نصيحة الك لا تخلي وضعك نفسي يتعبك ..
#الدلو ♒
مهنياً:دفع ومستلزمات ووضع صحي .. عندك شغل والتزامات وقصص بتخص وضعك المهني او مالي بحاجة لترتيب بس بدي منك لا تحتار وحاول تختار مصلحتك فوق كلشي .. افكارك براسك وانت قادر تقنع وتتمتع بطاقة لتخلص الامور المهمة الوقت قصير لازم تكون سريع وحافظ على الانجازات .. وحاول لا تتردد بشي وعبر عن افكارك وارائك وبتكون شخص اجتماعي وممكن شغل جديد او اتفاق ..رتب امورك وانتبه على وضعك صحي بشكل منيح ..
عاطفياً💕💕: اهتمامات شخصية بعيد عن العاطفة وعم تعمل تغييرات وعم تكون طلتك حلوة وانت كتير لازم تظبط الامور مع الشريك برغم انو الشريك ماعندو اهتمام وماكتير عم يقدر ظروفك .. تتطورات بالعلاقة واعجاب عند الاعزب ..
صحياً:تقلبات بجسمك وعكة صحية او لحدا بعيلتك او لتعمل شي جديد على صعيد صحة وتجميل .. صحتك بحاجة للاهتمام كتير هالفترة ..
#الحوت ♓
مهنياً:مال وعاطفة والحظ معك وقصص الاطفال .. عم تلاقي انفراج وتحسن بوضعك وانت امام حظ حلو وفرصة حاول تستغل هاشي وتطلع من تعبك ومشاكلك وتتخلص من بعض توترات الي رافقتك ونتبه الثقة بمين عم تحطها لانو كتار مابيستاهلوا .. يومك منيح وتطورات منيحة وفرصة شغل جديد لا تخاف ومال بين قبض ودفع .. البعض أنتبه من الحوادث او وضع صحي ..
عاطفياً 💕 💕 :يومك مميز بحضورك وجاذبيتك وعم تلاقي الاعجاب وامورك عم تتحسن .. عم ترجع الثقة وتحسن بوضعك حتى ممكن في صلحة او في اشتياق لشخص وحبك القديم بيشغلك .. يوم عاطفي بين تواصل واتصال حلو وحب ومغامرة جديدة والبعض بميل لعلاقات …
صحياً:لا تخلي الاشاعات والحالة نفسية تأثر عليك وانتبه من تنقلاتك بهاليوم والجو الحر ..
