#توقعات_الأبراج_الأثنين_17_أكتوبر_تشرين_الاول2022 القمر يستمر ببرج السرطان ♋ المائي 🌊 كوكبه 🌍 القمر…. 

 

#الحمل ♈

مهنياً:استغل نهارك وخلص المهم تأجيل مو لصالحك ..

مال بين قبض ودفع اتصالات جديدة و سفر قصير وممكن تتعلم شي جديد او تدخل بعمل جديد وعندك قدرة تتعامل مع الكل بطريقة مميزة وفيك توصل وتسمع اخبار حلوة بس خففلي من طريقتك بالكلام ومن عصبيتك وردت فعلك العشوائية وبعد الضهر قصة بشغلك بدا تشغلك وعلاقات اجتماعية ولمة حلوة .

عاطفياً💕💕:حليان وجذاب وانت بحال أفضل البعض ببلش حب جديد وبلاخص اذا كنت اعزب .. يومك في تحسن انا بدعيك تستغل هاليوم لتقضي وقت حلو وانسجام وتفاهم وتعزز علاقاتك وبلاخص لمن المرتبط جديد . البعض ماعاد عندم ثقة بحدا بتعامل ناس بشيء وبتقابلك بشي تاني وعم يكونو مصالح .. يوم مانو سيء بس شوية هدوء ..

صحياً:مشاكل بالفقرات أسفل ظهر ورقبة ونتبه من شغل متعب ومجهد ..

 

#الثور ♉

مهنياً:بنهارك شوية ضغوط وتعب ومن الضهر تغيرات وامورك افضل .. ممكن تكون امورك بتجاه الحلول بشكل تدريجي وبلاخص لحل قضايا وامور مالية وقضائية .. انت منيح وبتتحسن امورك ووعود بيومك .. نتبه على مصروفك لان عندك دفع كمان وحاول تعمل توازن مالي هاليوم بين دفع وقبض وامور شراكة او ميراث او دين .. بعد الضهر افضل وتغيرات وتنقلات ولقاءات واتصالات كتيرة.

عاطفياً💕💕:لا تتسرع بأفكارك وأرائك حتى ماتعقد الامور أكتر او تكبر القصة او تخسر شريك هدي حالك وحسبها لقدم وخلي خط لرجعة يعني مابدي الامور تفلت من ايدك وتتجاوز حدها ممكن تخلي حيز لتفاهم ورجوع .. في تتطور بتجاه الافضل وبلاخص اذا ناوي تبادر او يصير مصالحات وتعزيز علاقتك بالشريك او شخص بعود من جديد ..

صحياً:أنتبه لوضعك صحي وكون جدي أكتر ولا تستهان بأي عارض ..

 

#الجوزاء ♊

مهنياً:تجنب الأحتكاك بنهارك ومن الضهر مال بيشغلك .. مو مرتاح وما حدا عم يفهم عليك وامورك بعدا بحالة ركود وجمود وانت عصبي ومن اي كلمة عم تصير مشكلة .. قدر الامكان تحاول تكون بعيد عن المواجهات والمشاكل وتغير شوي بأسلوبك .. كون منفتح بالافكار والاراء بتساعدك على تحسن وضعك المهني وبلاخص انا بنصحك انو تتخلى عن شراكات ضعيفة وتبدا شراكة جديدة .. من الضهر قصص مالية عندك بتشغلك او ممكن تقبض مال وعزائم .

عاطفياً💕💕:مستجدات وتأجيل موعد او لقاء او شي كنت ناطرو نتبه لكلامك ولا تصعد الامور بدي منك تحافظ على اسرارك ولا توثق بحدا نتبه تطلع من مشكلة لمشكلة أكبر .. البعض عم يلوم الشريك على قلة اهتمامه وعدم تقديره للأمور حتى ماعم يحس فيك .. تقرب من شخص الي بيعطيك راحة وطاقة الايجابية بشكل عام نتبه لشراكتك العاطفية تتوتر .. الاعزب شخص بيتقرب منك او صديق بتطور العلاقة معو ..

صحياً:أعتمد على سوائل والخضار ونتبه من تناول طعام متأخر ..

 

#السرطان ♋

مهنياً:شغل والتزامات وشراكات بيومك .. خلص الضروري ورتب امورك واي شي طارئ بهاليوم حاول تلاقيلو حل ركز منيح وفكر .. بدي منك تخلص امورك المهمة وأنتبه لحكي لناس والبعض عم يتعرض الاعمال سحر وحسد .. يوم داعم بدو تركيز لتتجاوز اي مستجدات جديدة قصة بتشغلك اول نهارك بس بتنحل لا تاكل هم .. فيك تجهز شغل او اي شي جديد لأن رح يزيد من مدخولك المالي .. بعد الضهر في شراكات بتشغلك مهنية وعاطفية ولاجواء أفضل ..

عاطفياً💕💕:أحسبها منيح لا تتسرع وحب عم يكبر وشراكة جديدة ..لا تقدم على أي خطوة بدون ماتكون مركز فيها وتحسب حساب لكلامك او بخطبة او زواج وبلاخص اذا بدك تعترف بمشاعرك كتير مهم انك تتأكد من رغبة الطرف الأخر وتحافظ على اندفاعك .. خصص وقت للعاطفة ولشريك لان في عتب ولوم وقلة أهتمام وحاول تساير قدر المستطاع والبعض عندو فرصة لشراكة جديد عاطفية ..

صحياً:بحاجة لمشروبات ساخنة تهدء من أعصابك زهورات كمون وهيك وخفف شرب المنبهات بشكل عام ..

 

#الأسد ♌

مهنياً:أستغل نهارك بأمور مهمة ومن الضهر عندك شغل ومسؤوليات .. تحسن نسبي وامور ايجابية ممكن تصير بيومك انت افضل من ناحية الطاقة وحلول لبعض لقضايا فكر بكلامك ولا تتسرع حتى ما تنفهم غلط حاول تهدي بلاخص مع رفقاتك ومع ناس مقربة منك وكون متفهم للوضع .. فيك تسافر اذا ناوي ومال بيتحسن ولقاءات وسهرة .. وقصة بشغلك او خبر بخص شغل ومسؤوليات جديدة بس نتبه ع أمور صحية ..

عاطفياً💕💕:يوم عاطفي ارتباط تحسن بعلاقاتك .. عم ينشط بيتك العاطفي واحداث جيدة ألك .. لقاء واتصال طويل واجواء لصالحك وممكن عزيمة او مشوار مع شريك .. حاول تكون رومنسية وبلا ملاحظات وتوجيهات وكون أكثر دبلوماسية .. البعض عم يعيش تناقض بين حب قديم وحب جديد ومحتار بس مابيعرف شو بدو يعمل .. بالمجمل يوم مميز وجاذبية غير شكل وساحر بحضورك المتزوج روق المسا ولا تصعد الخلافات ..

صحياً:أهتمام صحي وتغييرات بشكلك وعكة صحية عند البغض او حدا من العيلة ..

 

#العذراء ♍

مهنياً:مال وعاطفة واطفال وامورك أفضل لهل اليوم ..

شوية قصص عائلية وفي حيرة وماعم يفهمو عليك وعم تواجه ضغوط والصعوبات لحالك عم تعمل جهدك وماعم تقصر بالحلول والمساعدات .. هاد بروح بهاليوم وبعد الضهر الامور أفضل وتغيرات جديدة بالحظ وطاقة وتحسن مهني وعائلي وبتعالج قضايا تعبتك وخبر حلو ومال بيومك وعزائم ..

عاطفياً💕💕:امورك العاطفية بحاجة لوقت ولتفهم الشريك منيح قبل ماتقدم على اي خطوة مو بمحلها وبلاخص اذا كنت ناوي ترتبط .. المرتبط نتبهلي من مشكلة بهاليوم مع الشريك او امور عائلية حاول كتير تخفف من انفعالك وبعد عن الاجواء السلبية .. البعض ممكن شريك بحدك وبتقضي وقت معو بين لقاء واتصالات حاول تنبسط بهيك يوم .. بعد الضهر في تغيير مهم عندك واجواء عاطفية مميزة وممكن ارتباط ..

صحياً:صداع برأس وكريب نتبه منو والبعض بيشفا من مرض لازمه هالفترة او لحدا بالعيلة ..

 

#الميزان ♎

مهنياً:أستغل نهارك وبعد الضهر امور عائلية وماليه تشغلك ..

قادر توصل افكارك وتقنع برأيك عندك الكاريزمة ودبلوماسية الي بتساعدك له شي.. عم تكسب خبرات جديدة وعم يعطيك ثقة بحالك اكتر لتوصل وتعجب المسؤولين عنك وناس المحيطة فيك .. لقاءات وحركة وتنقل او مشوار واجواء حلوة واتصالات عم تكتر ويوم ايجابي الك نسبياً فاستغلوا لصالحك ونتبه من الحوادث والاعطال بعد الضهر قصص عائلية عندك وحكي بعقار والمة عائلية عند البعض ..

عاطفياً💕💕:عتب ولوم واتصال واعتذار وتنازل .. اذا شريك بيستاهل لمعاملة مع الله شوية تنازل مابضر بلاخص اذا في اتصال اسمع الكلام وناقش واشتغل برأيك

ممكن لقاء عاطفي يصير اليوم او اتصالات بكون فيها بعض تفاهمات والبعض ممكن يفكر بعلاقة جديدة واعجاب يوصل لمرحلة لارتباط .. بعض المتزوجين نتبه من توتر المسا بحاجة تضبط اعصاب منيح .

صحياً:الوقاية افضل من العلاج نتبه من كريب وقوي مناعة جسمك واتبع حمية غذائية .

 

#العقرب ♏

مهنياً:أنتبه من القيل والقال ولا ترد ع حكي ناس الي عم تحاول طلع سمعة وحكي باطل خليك حذر ولا تخاف .. مال بنهارك بيشغلك وبعد الضهر الامور افضل .. فرصة لتبدأ شي جديد واليوم بخص المال بين قبض ودفع ومصاريف عم تكتر لهيك بدي منك تعيد حساباتك من جديد وترتب بيتك المالي وضب ايدك .. ومن الضهر قصة سفر او مشوار وعزيمة واتصالات وعلاقات وتجهيز واختبارات بس نتبه من الاعطال والحوادث..

عاطفياً💕💕:أنتبه لمعاملك ولكلامك وبحاجة تغير من اسلوبك أكتر وتعرف كيف تتعامل معو وتفهم الامور لان مابدي القصة تكبر اكتر وبنصحك تحسم اي نقاش بنهارك بكون أفضل الك ولعلاقتك .. روق وهدي حالك وبلا ماتدخل بنقاشات ويصير استفزازات وحكي كتير مو مستاهل .. المسا جو حلو ورومنسية واجواء بين لقاء واتصال وتفاهم افضل ..

صحياً:امورك افضل وبحاجة شوية جهد وتصميم لانقاص الوزن او المحافظة على جسمك ..

 

#القوس ♐

مهنياً:خلص المهم بنهارك ومال على الضهر ..

تتطورات وتعزيز علاقات وانت افضل اجتماعياً حتى ناس حواليك وطاقتك ايجابية واتصالات مهمة بس بدي منك تخلص ضروري هاليوم مشان ترتاح مهام جديدة وتأثيرات ايجابية .. فرصة لتنقلات وسفر واتصالات وعزائم وسهرة حلوة من بعد الضهر مال بيشغلك بين قبض ودفع ونتبه عائلياً ..

عاطفياً💕💕:لقاء واتصالات عاطفية واجواء رومنسية ..

حلول ومصالحات وتحسن نسبي بالعاطفة بلاخص انو الفلك عم يدعمك عاطفياً هالفترة عم تكون هادي بمعاملتك وعم تتعاطى مع الامور بشكل منيح وهاشي اكيد رح يحسن من امورك وممكن الشريك عندو أهتمام وتصرفاتو افضل حسب المزاجية .. و البعض عندو شي مهم عاطفياً هالفترة ..

صحياً: بتتحسن امورك صحية بعد زيارات متكررة لطبيب او اذا عملت عملية ناجحة نشالله ..

 

#الجدي ♑

مهنياً:ضغط وارهاق اول نهارك ومن الضهر انت افضل .. في مصالح بيومك واعباء أضافية وبحاجة ترتاح وتروق وتكون بعيد عن ناس ولا تشتغل شي مهم .. رغم عندك تنقلات وسفر قصير وحركة بس طاقتك ضعيفة وخفف عصبية .. مرق فترة الصبح وضب ايدك مصروفك عم يكبر في تغيرات مهمة لقاء واتصال مهم وراحة افضل وكلشي بكون لصالحك .. في حالة اجتماعية ورفقات واجواء حلوة وسهرة بتكون مميز فيها ومفاجئة ناطرتك وجهز حالك مال ناطرك هالفترة ..

عاطفياً💕💕:نتبه لمعاملتك ولا تكون عنيد لان الوضع صار بدو تحطلو حد مابدي كمان تعمل من الحبة قبة وبلاخص انت اي كلمة اليوم مستعد تعمل مشكلة روق وهدي .. اي سوء تفاهم حاول تهدي ولا ترفع من مستوى نقاش وخلي خط لرجعة نتبه مابدي منك تخسر شريك .. لا تصر على اسلوبك ولا تفقد سيطرة على الاحداث حتى مايصير سوء تفاهم .. شوية وقت كل شي بيتصلح وبتحل مشكلة لا تخاف حاول تروق واذا في لقاء او اتصالات حاول تستغل هاشي لتصلح الامور ويتغير وضعك للافضل ..

صحياً:عم تعاني تعب وأرهاق اليوم ممكن يتحسن وضعك تدريجي وتغير من نفسيتك ونتبه من الحوادث او شرب المنبهات ..

 

#الدلو ♒

مهنياً:روق ولا تعصب خلص المهم ولا تتلبك حتى ماتنحط بمواقف محرجة في عندك شغل والتزامات جديدة .. فيك تلاقي حل وتتجاوز بعض الخلافات وتتغلب على بعض صعوبات .. عم يحملك هاليوم علاقات وتتطورات اجتماعية وعزايم وسهرات ولقاءات وشخص غالي عليك بتشوفو واذا بدك شي فيك تطلبوا .. بتحس بشي جديد بلش يتغير وقصة سفر او عم تجهز حالك لشغل اتصال مهم وعلاقات اجتماعية واجواء حلوة ..

عاطفياً💕💕:من الايام الي عم تكون فيها جذاب وساحر بحضورك وعم تمارس جاذبية كبيرة بدي منك تهدي الوضع مع الشريك وحاول تزيد فرص راحة وتتأقلم من جديد مع الوضع .. عندك مواعيد واتصالات كتيرة ورح تعزز علاقتك بعيد عن اي انفعال مغامرات وحب وعلاقات ..البعض المسا هدي وبلا استفزاز ..

صحياً:عندك قلق وتقلبات كتيرة اثناء نوم وعم تتأخر بنومتك ريح بالك قبل كل شي ..

 

#الحوت ♓

مهنياً:هدي بنهارك وتدريجي افضل بعد الضهر ..بحاجة للأستقرار والهدوء وتستغل يومك لتوصل وتنجح وتتطلع من روتين شوي شوي او الوضع الي كان متعبك بالفترة الماضية ممكن سفر أو مشوار حلو وعلاقات ومبادرة وحلول واحداث مفاجئة .. خلص الامور المهمة اليوم ولا تخالف القوانين والبعض عندو شي مهم على صعيد العمل وعلاقاتك بس لا تهتم لكلام البعض في قصص مالية و امور بالعيلة بتشغلك وعلاقات واجواء وسهرة ..

عاطفياً 💕 💕:تغيرات منيحة بس بدك تعرف كيف تستغلها لتوصل للاستقرار .. تدريجي بيومك امورك بتتحسن في تنازل بالعلاقة لترجع الامور من جديد فيك تبدء وتنطلق من جديد وتلاقي حلول لمشاكلك وبلاخص ممكن تعطي الشريك فرصة .. ولبعض اي علاقة مافي منها نتيجة بعد عنها ونتبه لعلاقاتك ..صدفة او غائب ممكن تلتقي فيه ..

صحياً:عم تحاول تتجاوز وضع صحي تعبك بالفترة الماضية وتحسن صحي ببلش نشالله من المسا .