رصد نيوز
أبراج_اليوم_الاثنين_26_ديسمبر_
كانون_الاول_2022
القمر يكمل ببرج الدلو ♒
#الحمل ♈
عم تعيش اجواء حلوة وتقابل الأصدقاء وتكون بمناسبة او عزيمة وفي كتير ناس عم تساعدك وعندك عزيمة شغل او لقاء مع ناس مهمة وسهرة ويوم فيك فيه تتمنى امنية
وتطلب مساعدة صديق لتحقيقها
❤️عاطفيا .. عندك حضور ملفت وفي كتير اشخاص على مستوى عم تدخل حياتك وفيك تستغل هالشي عاطفيا
◾النسبة المئوية:
●مهنيا : %76● ماليا : %69● عاطفيا : %75●
صحيا : %65
#الثور ♉
عم تثبت للكل حالك وعم تقدر تعرف ناس مهمة وجديدة وتكون عم تصل اكثر وتوسع انتشارك ويمكن في شغل خارجي وصار لازم تتصرف صح وتفكر منيح كيف ممكن تطور من حالك وماتخالف القوانين هاليوم
❤️عاطفيا .. في تواصل ناس لكن رغم علاقاتك الحلوة في شوية مشاكل وضغط على العلاقة بهيك يوم
◾النسبة المئوية :
●مهنيا : %70 ●ماليا : %64 ●عاطفيا : %65●
صحيا : %66
#الجوزاء ♊
وضعك عم يتحسن بشكل كبير وخاصة انك عم تتحرر من ضغط واشخاص ازعجتك بالماضي وفي عندك هاليوم تطورات حلوة وفي تغيير بحياتك وحلوة وقصص وقضايا
بتنحسم لصالحك وفي حوالة مالية
❤️عاطفيا .. كل شي عم يتحسن وانت افضل بكتير ويوم بيحملك حلول لمشاكل العلاقة ورومنسية مع اشخاص جدد
◾النسبة المئوية :
●مهنيا : %87● ماليا : %82● عاطفيا : %86●
صحيا : %83..
#السرطان ♋
عم تحس انك أفضل نسبيا بعد المشاكل يلي كانت آخر فترة وشاغلك الوضع المالي والعائلة متل العادة وعندك قرارات مصيرية وتوتر كبير وماحدا عم يرحمك او يفهمك وحاول تروق وتساير وتفكر صح..
❤️عاطفيا .. هدي الامور وروق مع الشريك ولاتشغل بالك كتير بالوضع العام لعلاقتك لان بدها وقت
◾النسبة المئوية :
●مهنيا : %67● ماليا : %74● عاطفيا : %70●
صحيا : %68
#الأسد♌
عم تفكر بكتير قصص ويمكن في اشخاص عم تعرض عليك شغل او قصة معن ولازم تعرف تستغل هالشي ويمكن عم توقع عقود وعندك قصص ممكن تدعمك مهنيا لكن مزاجك مو
رايق وفي تقلبات كبيرة
❤️عاطفيا .. هدي الامور وروق وفي شوية مشاكل والشريك للازم يهدي عليك بهيك يوم ..
◾النسبة المئوية :
●مهنيا : %66● ماليا : %61 ●عاطفيا : %68●
صحيا : %60
#العذراء ♍
مو مرتاح كتير لوضعك وحاسس بشوية إرهاق وفي تراكم شغل ومسؤوليات بيطلع فجأة وفي امور بالبيت وفرصة شغل جديد وبنفس الوقت يوم في تعب ويمكن مشغول بفرد من العيلة او ابن او طفل..
❤️عاطفيا .. في علاقة زمالة عندك عم تطور وحاول تحدد شو بدك بعلاقتك وفي اشخاص عم تحاول تتقرب منك
◾النسبة المئوية:
●مهنيا : %68● ماليا : %63● عاطفيا : %66●
صحيا : %61
#الميزان ♎
عندك اجواء حلوة بتدعمك وعم تلاقي حالك عم تقابل ناس بعد غياب او اصدقاء قدامی ويوم ثاني بيدعم الحظوظ والفرص المالية ولازم تعرف تستغل هالشي وتغير من وضعك
وتحل مشاكلك وترجع تتقرب من عيلتك
❤️عاطفيا .. استغل يومك وحاول تمشي علاقتك باتجاه حب كبير وفي شخص غالي عليك بيرجع بيحكيك
◾النسبة المئوية:
●مهنيا : %83● ماليا : %81 ●عاطفيا : %85●
صحيا : %80
#العقرب ♏
حاسس بضغط عليك وفي شوية مشاكل مع المقربين وانتبه وهدي مع الاخوة والجيران ويبدو عم تدايق من بعض المشاكل العائلية او حتى في قصة بتخص حدا مقرب منك وماعم تلاقي الاستقرار وممكن تسافر
❤️عاطفيا .. هدي هاليوم ولاتدقق على كل شي مع الشريك لان هاليوم احتمال كبير يكون في مشاكل
◾النسبة المئوية:
●مهنيا : %69● ماليا : %61● عاطفيا : %63●
صحيا : %60
#القوس ♐
وضعك كتير افضل لان عم تتحرك فيه تحكي ناس وبكون في لقاءات حلوة وقصص مالية مع الاخوة وعم تبلش تطلع من الكسل والهدوء بحياتك وفي علاقات حلوة وشعبية الك
وممكن عمل اعلامي كمان
❤️عاطفيا .. في علاقات هاليوم ولازم تعرف مين بحبك ومين رح يكمل معك اذا بدك علاقتك تضل تمام بهيك يوم
◾النسبة المئوية
●مهنيا : %76● ماليا : %71 ●عاطفيا : %79●
صحيا : %74..
#الجدي ♑
الوضع بين وبين عندك وبدك اهتمام مضاعف وناس تدللك وبس ويمكن تزور مطعم او فندق وحاول تنتبه لان بتحس بدك تعمل شي هاليوم لكن عم تحس انك متكاسل وفي امور مالية بين دفع وقبض ومشروع شغل
❤️عاطفيا .. عندك مبالغ ممكن تجيك ويبدو بعد كل هالمشاكل يمكن انت بدك حب يريحك يمكن تسهر مع الشريك وفي هدية
◾النسبة المئوية:
●مهنيا : %69● ماليا : %71● عاطفيا : %77●
صحيا : %74
#الدلو ♒
لازم تعرف تطلع من مشاكلك وتصل لحلول ترضيك وعندك شي وقصص بتنبسط فيها انك عم تساعد اشخاص وبطل تثق بأي حدا وبلش من جديد وماتزعل ولا تفكر بالماضي وانتبه وراجع وضعك الصحي لتطمن
❤️عاطفيا .. وضعك افضل بكتير وعندك كاريزما والوضع بيتحسن عندك وحظوظ عاطفية بتنطرك بهي الفترة للأفضل باللقاءات
◾النسبة المئوية :..
●مهنيا : %87 ●ماليا : %83● عاطفيا : %89●
صحيا : %83
#الحوت ♓️
حاول تخلي علاقاتك بعيدة عن الناس وفكر صح واستغل دعم صديق او شخص ليخلصك من مشكلة شاغلتك زاصبر بس هاليوم وحاول ماتعمل شي جديد واطلب مساعدة اذا كنت بحاجة وانتبه صحيا وعائليا..
❤️عاطفيا .. عندك حضور واستغل انك عم تزيد حلا وحضور وتقرب من ناس كتير معجبة
◾النسبة المئوية :
●مهنيا : %68● ماليا : %64 ●عاطفيا : %67●
صحيا : %63
