#أبراج_الأربعاء25يناير2023🔮 القمر ينتقل مساء لبرج الحمل ♈

 

 

القمر بكمل ببرج الحوت المائي كوكبه نبتون..والمسا بينتقل لبرج الحمل الناري كوكبه المريخ……

 

#الحمل ♈

مهنياً:مانك مرتاح وضغط كتير عندك وبدك تلحق وتخلص ومسؤوليات كتيرة على كتافك بهالاوضاع صعبة بتواجه الاحداث وبتسعى لتحقق ماتريد بعرف عم تصبر كتير وتعبت لحالك ومن ناس المصالح الي عم تستغل طيبة قلبك خفف عصبية وانفعالك وروق رح تلاقي تحسن منيح وانفراج وحلول نشالله وتغيرات قادمة من المسا بتبلش ..

عاطفياً💕:بادر ولا تتردد وخلي القلب يرتاح .. عم تعاني من تصرفات الشريك وحكي ناس هاشي بيعملك توتر وعصبية بدي اياك طنش ولا ترد ع حدا وحاول تحكي الي جواتك افضل الك لا تتردد وكون بعيد عن المشاكل المعقدة الي عم تصير معك وروق هاليوم لنتخلص من هاتعب .. الاعزب جهز حالك تواصل وتعارف والقلب دقاتو غير شكل تجاه شخص ..

صحياً:عندك نقص مناعة وكلس وبحاجة للفيتامينات لا تجهد حالك..

 

#الثور ♉

مهنياً:علاقات وعاطفة والاجواء لصالحك ومال .. بتعاني مشكلة بمحيطك وصار لازم تحط حد لبعض توترات الي عم تعاني منا بشغلك وضمن عيلتك عم تكره حدا ياكل حقك ومابتسكت عن الغلط وبتكره نقد وانت عنيد كتير اليوم لهيك نتبه لردود افعالك لانك مو راضي عن تصرفات المقربين .. بتتحسن الامور لا تخاف المهم تهدي حالك بتكون اجتماعي وبتكتر العلاقات ولقاءات ودعم وفي ناس غاليين عليك وبتخلص شي مهم و بترتاح..

عاطفياً💕:تغيرات وتطورات بالوضع وبتنجح بعد جهد .. يوم منيح عم تلاقي اعجاب من الجنس الاخر كمان في غيرة وهاشي ممكن يعمل سوء تفاهم او مشكلة حاول تكون واضح وتعطي وجهة نظرك وريح شريكك بلاخص اذا كان غيور وعنيد كتير توقع يدخل بخصوصياتك يوم مانو سيء افضل من قبل وتطورات قريباً بوضعك نشالله بس المجهود كبير بلاقناع ولازم تبقى تساير ..

صحياً:عم تجهد حالك نفسياً وجسدياً ولازم تريح حالك هالفترة وخزة بصدر ومشاكل مفاصل وارهاق اعصاب..

 

#الجوزاء ♊

مهنياً:بتعيش اجواء اجتماعية وناس كتار ومسؤوليات وراحة بتبلش من المسا .. عندك شغل ومهام جديدة ومسؤوليات عم تضاعف واذا بحاجة مساعدة فيك تطلب ولا تتأخر تتاخر عن مواعيدك وأستغل كلشي لصالحك وتكون ايجابي بيومك بدون ماتدخل بأي مواجهة مع حدا بلاخص بشغلك حتى ماتتعرض لنقد وكلام من ورا ضهرك يصير .. عم تنشط اجتماعياً وعزائم وبتشوف ناس كتار واتصالات والمسا افضل .

عاطفياً💕:فكر بعقلك ولا تسمح لطيبة قلبك تسكر طريق عليك .. عم ترفض تفوت بجدالات ونقاشات مارح تجيب غير وجع راس وممكن توصل لتنهي علاقتك وهاد شي كلو بكون الو تأثيرات عاطفية بدي منك لا تعتب لا ع الشريك ولا على حدا فكر بحالك ونتظر شوية وقت لتعرف كيف تحل امورك او تتخذ قرار مهم ومصيري بعلاقتك انت قادر تلاقي حلول وقدامك اجواء حميمية وحب وعاطفة المسا ..

صحياً:جسمك بحاجة لكمية كبيرة من الماء عليك بذلك لان توقع جفاف وتغيير لون البشرة وتلف بلانسجة على المدا البعيد..

 

#السرطان ♋

مهنياً: يوم داعم الك خيارات اكبر واوسع وحرية عم تكون بيومك لتنجز اعمالك وتخلص المهم عندك حاول تستغل الفرص حتى ماتندم على شي وختار صح بدون تسرع بخياراتك عندك لقاءات كتير واتصالات من بعيد وناس جديدة واتفاق نقطة ع سطر بيومك لازم تكون بالمكان صحيح بتعمل تغييرات بشكلك واهتمامات شخصية وبدي هنيك على شي او باركلك او هدية وممكن يجيك مال تنقلات ولقاءات وسفرة قصيرة للبعض…

عاطفياً💕:جذاب وساحر ومن ايام الحلوة عندك لتلاقي حلول لوضعك المتعب وتتقرب من الشريك اكتر وفي لقاء او اتصال مميز وتقضي وقت معو وبلاخص المرتبط والمتزوج .. لاعزب من افضل الايام عندك لتبادر او لتكسب قلب حدا بهيك يوم داعم الك او ليصير تواصل على مواقع تواصل او بأتصال ..

صحياً:خلي عندك ارادة وتصميم لتتخلص من بعض المشاكل الصحية التي تأتي بين الحين والاخر وفيك تتخلص من زيادة الوزن ..

 

#الأسد ♌

مهنياً:نظم امورك وبلاخص المالية وحط حد للفوضى الي عم تعاني منا عندك شغل وتنقلات ومصاريف مالية

حاول ماتوقع بأخطاء وقعت فيها قبل حتى ماتتعرض لخيبة امل وتوتر يوم افضل الك نوعاً ما .. عم يدور لفلك ببيت المال وحلول لتطلع من حالتك تدريجي وتغيرات نفسية افضل وبتوصل وبتنجح ..بيشغلك المال وقصص المال والتزامات ممكن تتخلص منا والبعض بجهز لمعاملات او رح ينطر حوالة .. نظم امورك وعيد حساباتك ومصاريفك ومن المسا رح تبلش الامور لصالحك نحو الافضل.

عاطفياً💕:لا تكبر القصص وحاول تمرق نقاشات على خير واذا كان في سوء تفاهم كمان حاول تتجاوز هاشي وعطي فرصة جديدة لو تنازلت شوي بدك طول بالك وكلشي قابل للحل بلاخص انو شريك اليوم عندو غيرة وشكوك كتيرة وبعض الاستفسارات فكون جاهز .. والبعض عندو مشوار ولقاء واجواء افضل..

صحياً:بحاجة للفيتامينات والمعادن بلاخص عم تجهد حالك وعم تصرف طاقة كبيرة هالفترة لازم تعوض.

 

#العذراء ♍

مهنياً:ركز على الحلول ونتبه على شراكاتك العاطفية والمهنية ومن المسا قصص مالية بعدو هاليوم في شوية تعب وانت مالك نفس وعم تتعرض لبعض المضايقات بقصص شخصية عم تشغلك وعم تعاني ضغوط مالية وشراكات متعبة عم يكون سهل استفزازك لهيك بدك تنتبه تخسر شريك او حدا بتحبو .. وحاول كون بعيد عن المواجهات والمشاكل وركز على الحلول بأي شي ممكن يخدم بيتك وشغلك .. وفرصة للبعض يوصلو مال او موارد مشتركة أو اتفاق شراكة قريب وعزيمة ومشوار..

عاطفياً💕:المرتبط عم تنفعل من ولا شي حاول تهدي وتنتبه لعلاقتك حتى ماتنتهي او تسبب قطيعة وسوء تفاهم برغم انت محتار من جواتك لهيك ماعم تقدر تحدد خياراتك ..الاعزب يومك عم يكون افضل وعندك اوقات حلوة وحدا عم يتقرب منك والقلب بدق من جديد وشراكة عاطفية ..

صحياً:بحاجة لبعض الاختبارات صحية وممكن البعض عندو عملية انا بفكر تأجلا هلق .. عتمد على المشروبات الدافئة زهورات كمون بابونج للبلعوم والمعدة ..

 

#الميزان ♎

مهنياً:بعدك عم تعاني ضغوط ومسؤوليات بشغلك وببيتك ولقاءات عم تعبك بدل ماتريحك برغم من تعبك بدي ياك تخلص شغلك وألتزاماتك بكير وتستغل عامل الوقت وتنتبه صحياً.. عندك مبادرات وأراء وأقتراحات جديدة ولقاء مهم وشخص غالي ..كون جاهز لاي مستجدات جديدة او شغل جديد او اعمال متعبة مدري من وين بتطلعلك والمسا تحسن تدريجي وعلاقات وشراكة وحكي كتير ..

عاطفياً💕:عندك هدوء عاطفي وكلشي ممكن يتحسن ويتصلح وتدريجي بتتغير امورك .. كون هدي وركز منيح ولا تخلي الخيارات تعبك بدي منك لا تحتار لتوصل لشي لبدك ياه واستغل هاشي لتعبر عن مشاعرك ورومنسيتك وتتقرب اكتر وتبادر لشيء جديد بعلاقتك كتير مهم تحسم امورك وتفكر بالعقل قبل القلب .. وفرصة لتتغير علاقة او تتحول ..

صحياً:التهابات ممكن تتعرض الها او كريب وتعب عضلي ريح حالك وخفف تدخين للبعض ..

 

#العقرب ♏

مهنياً:اكتر مشاغلك هالايام عاطفية بتقدم خطوة للامام وبترجع عشرة وماعم تعرف ضبابية ايمت بتروح من الايام داعمة والمميزة لتطلع من تعبك وتتقدم خطوة جديدة بعد ضغوط .. تحسن وحرية وافكار جديدة وتحرر من قيود وبتكسب الحظ بهاليوم .. ناس جديدة وعلاقات واجواء حلوة وداعمة وحلول لمشكلة بعد تأخير او تأجيل كان موجود استغل يومك لتطلع وتغير جو وعزيمة عندك والمسا قصص عائلية ونقاشات لتحط حد لقصة او سفرة قصيرة..

عاطفياً💕:بتتحسن امورك ومن الايام العاطفية وفيها شغف وحب ورومنسية .. بتسحر الكل بطلتك وجاذبيتك وقلبك بيرتاح بهاليوم في اتصالات ولقاءات واوقات مميزة وبتعيش اجواء حلوة مع الشريك او اشخاص بترتاح للقرب منن واذا في زعل ممكن تصير صلحة وحب قديم بتشوفو او عم تتواصل معو .. نتبه لعلاقاتك السرية اذا موجودة حتى ماتسبب قلق وتوتر او تطورات مالك فيها .

صحياً:بحاجة لهدوء اعصاب ومالك غير المشروبات الساخنة كمون وليمون او شاي الاخضر مع العسل افضل الك ..

 

#القوس ♐

مهنياً:اجواء عائلية والمسا يبدو الحب شاغلك اكتر .. مافي شي بيبقى على حالو روق وهدي بشغلك وبيتك وبتعاملك مع الكل .. يمكن مو مرتاح وقصص كتيرة عم تشغلك لازم تكون هادي وتركز لتطلع من تعبك وماتوتر الوضع اكتر بلاخص امور بالبيت عم تفرض نفسها تغيرات بالبيت وتصليحات ولازم تلاقي حل لمشكلة عائلية كون رايق لتلاقي تحسن تدريجي بعد هاليوم ..لمة عائلية وبتشوف غالي والمسا تغيرات رح تبلش ..

عاطفياً💕:لا تخلط الاوراق بهاليوم وحاول تفصل كلشي عن علاقاتك العاطفية ومشاكل تانية فيك تحلها بعيد عن حبك ولا تخلي هاشي يأثر على علاقتك بشريك وكون متفهم للوضع في تغيرات من قبل الشريك تجاهك وفي مفاجئات المهم تروق وتخفف انفعال وعصبية وامورك رايحة بتجاه الافضل من المسا ويوم سبت والاحد ..

صحياً:بحاجة لسوائل اكتر وللخضار لان جسمك عندو نقص بالمعادن والفيتاميتات ..

 

#الجدي ♑

مهنياً:القمر بالبيت الثالث تحركات جديدة اوراق وعقارات وقصص بدا تشغلك واتصالات بعيدة وناس غريبة والمسا قصة حدا من اهلك او اخواتك بتشغلك .. عم تتعب وبحاجة لراحة بس ماعم تظبط معك والحمل والمسؤوليات كتير عليك لا تستسلم للوضع وكون قد الحمل لتنجح وتوصل قدامك فرصة حلوة حاول تستغلها وتحسن بعلاقاتك وبتقنع واتصالات ولقاءات مهمة وبكون الك شعبية وناس بدا القرب منك يوم منيح لدخول بكل جديد وعلم جديد وتنقلات قصيرة وقصة مالية او اتفاق مبدئي.

عاطفياً💕:حدا بيتقرب منك أعجاب وجاذبية والاضواء مسلطة عليك ..خليك واثق بحالك ولا تخاف كلشي بكون منيح واذا في توتر او زعل بتبلش الامور ترجع .. والبعض يمكن الغيرة تكون سبب لمشاكل خفف شكوكك وغيرتك الي ممكن عم توصل لحد مابينحمل .. ولاعزب بتحس بتطورات مع حدا جديد او علاقة مع حدا عم تتحول لحب والقلب دقاتو غير هالايام واحتمال حدا يعترف بحبو الك ..

صحياً:عم تعاني قلق ومخاوف داخلية وهواجس ريح حالك ولا تتوسوس وتتوهم والمسا هالاعراض بتروح .

 

#الدلو ♒

مهنياً:بعدك عم تحس بضغط ومو عارف شو بدك حجز وديقة وبلاخص الامور المالية كتير صعبة عليك التزامات وتحديات مالية وعم تكون على أخر رمق وجيوبك بلشت تفضى.. كتير عم بكون عليك تراكمات مالية ديون واقساط وفواتير والتزامات وتصليحات ومشتريات وقصة دين.. لازم تفكر بطريقة جديدة تلاقي حلول او موارد جديدة ممكن الحكي بعدو قائم بحوالات او مال قادم والاخبار رح تبلش من المسا لتغيرات افضل يوم سبت والاحد وجهز حالك لاختبار قادم واو بدك تحضر حالك لسفر قصير ..

عاطفياً💕:الماضي ماثر فيك وماعم تطلع منو ركز منيح الوقعة مرة أخرى ابداً مو سهلة .. صارح بمشاعرك وساير شوي مو غلط يوم بحاجة لمبادرة او تنازل عم تعاني تأرجح المواقف والاحداث.. ساير وأبتعد عن نقد وتأفف لو كان في شوية اهمال وتصرفات الشريك ماعم تعجبك في بعض الاحيان .. ممكن حب قديم او علاقة اخرى بتطور ركز على مستقبلك ولوضعك بلايام الي جاي ولا تهتم لحدا ..

صحياً:عم تعاني تعب نفسي وجسدي بسبب ضغوط ريح حالك قد مافيك ورح تتحسن نفسياً.

 

 

#الحوت ♓

مهنياً:مميز بالحظ وطاقة وأنفراج عندك وقصص مالية من المسا .. بيدعمك الحظ وبترتاح من قصص تعبتك وبتحل شوية مشاكل وبتمتلك طاقة ايجابية لتطلع من حالتك وعم تكتشف كتير ناس ع حقيقتها انت افضل وقادر ترجع الثقة وتحقق اهدافك الشخصية بالمجمل يوم داعم بالحظ وبتحدي او اذا بدك تعمل اي شي بتكون جريء وبساعدك هاليوم لتربح اي شي لأجواء حلوة وعلاقات وخبر حلو وناس جديدة وعزيمة وفيك تعمل تغييرات وموضوع مالي المسا ..

عاطفياً 💕 :وجود القمر ببرجك بزيد من عاطفتك والقلب مدري شبو .. بتكون بكامل جاذبيتك وبتمتلك الحب و العاطفي بيومك .. المرتبط بتزيد من عاطفتك وبتكون مندفع زيادة عندك رومنسية ومشاعر كبيرة المهم لا تخلي حدا يستغل طيبة قلبك وحبك الو لان الي فيك مكفيك ..شريك قديم او شخص غالي عم يرجع والاعزب ارتباط وصداقة بتتحول لحب ..والبعض يبدو العلاقات سرية عم تطور او عم بفوت بعلاقة تانية..

صحياً:العصبية الزائدة قد تسبب امراض كثير منها ضغط الشرايين والعين والمعدة نتبه لعصبيتك ..