#أبراج_السبت25فبراير2023🔮 🌙القمر يستمر ببرج الثور ♉

🌍#حۡــڟــک______ اڶــېْۧــﯣمۘ🌍
#توقعات_الابراج_ليوم_السبت_25_فبراير_شباط_2023
القمر يكمل ببرج الثور ♉ الترابي كوكبه 🌍 الزهرة…

#الحمل ♈
مهنياً:القمر بكمل بالثور اهتمامات والتزامات والحمل على كتافك وماحدا بقدر ، عندك قصة بالبيت بتشغلك وانتبه من المقربين الي من تحت لتحت عم يحكو بضهرك وعم يكونو سبب بعرقلة بعض الامور ، يوم عندك اختبار او امتحان وشي مهم وبلاخص بالعمل وحاول تروق بعلاقتك ببعض الاشخاص حتى ماتتوتر الامور وتوصل لخلاف ، البعض عندو شهرة وشعبية وبتطلع من الوضع رغم الكركبة والقلق الي جواتك ، علاقاتك اجتماعية بدك تهدي فيا والمسا ريح حالك بسهرة او عزيمة ،
عاطفياً❤️❤️:لاعزب حسم الامور كتير مهم والبعض بعد عن الماضي ومشاكلوا ، فرصة لتتقرب من شخص ويكون في علاقة عم تكبر .. المرتبط الشريك عم يتعبك وعم يزيد ضغوط عليك وعم تكون عصبي من اي شي حاول تنتبه لكلامك وتتفهم الامور بدون تسرع وأستوعب منيح احسن ماتوتر الوضع اكتر على الاقل هاليوم بس ،
صحياً:بترتاح هاليوم من تقلبات صحية وبتطلع من قلق وتوتر والارهاق والبعض صحة حدا من اهلك عم تشغلك .

#الثور ♉
مهنياً:القمر بكمل ببرجك يوم جيد وتغيرات حلوة في راحة نفسية وباب جديد ممكن بعلاقات او شغل واخبار حلوة واتفاق ، اجواء وخيارات كتيرة بيومك وفي عندك تنقلات او مكان جديد وبتشوف شخص غالي واتصالات بتكتر وهاشي أكيد بخليك مضغوط وبدك لتلحق ع الكل، فرصة مالية ناطرتك او تحسن بالمردود ومصاريفك بالبيت وعلى عزائم ورح تقطع مرحلة من ركود الحاصل وتوقع خبر منيح ،
عاطفياً❤️❤️:حابب تستقر وترتاح والحظ معك بالمجمل تواصل واتصالات بترجع هالفترة بشوية مرونة بتكسب قلب شريك او قديم وعلاقة عم تتطور عند البعض ، يومك افضل وتحسن ايجابي بعلاقاتك ، المرتبط امورك بتتحسن وعندك رغبة تتجاوز بعض الخلافات والمشاكل واي اختلاف بوجهات النظر عم تكون متفهم بلاخص اذا كان في معارضة او مشكلة مع الشريك والاهل .
صحياً:ريح حالك وخفف سهر ونام منيح ولا تضغط ع حالك بالأخص بالبيت ..

#الجوزاء ♊
مهنياً:القمر بكمل بالثور يوم بخص اوراق وشراكات وناطر شي وامور مالية ومصاريف طارئة مدري من وين بتطلعلك فكر كيف تلاقي حل للوضع بالبيت وبتتلقى مساعدة لمهم تتصرف صح وهدي حالك ، عيد حساباتك لان في التزامات وفواتير وعزائم وحوالة مالية او ممكن خبر بخص المال اليوم اما من شريك او في حكي بميراث والحظ بحالفك ، البعض حلول ومصالحات واتصال مهم ريح حالك شوي هاليوم وعندك حسم مهم .
عاطفياً❤️❤️:عم تفكر تتخذ قرار حاسم وتغير شي بحياتك انتبه من تصعيد او انهاء اي علاقة وخلي مصلحتك فوق كلشي ولازم تحط نقاط على الحروف بوضعك وتتقرب وتصالح واهم شي تبعد عن المزاجية ، لا تخاف كلشي بيرجع وبتكون الأمور افضل وممكن ارتباط هاليومين للاعزب واعجاب مبدئي ،
صحياً:يمكن عم تفكر بعملية او تغييرات بشكل وتجميل وخفف منبهات وروق ولا تعصب .

#السرطان ♋
مهنياً:القمر بكمل بالثور عم تتعب بالبيت وشغل ومافي تقدير لجهودك ، بدي منك تنتبه لشراكاتك المهنية والعاطفية وهدي وساير قد مافيك لانك بحاجة للاستقرار ، كون دبلوماسي ولا تكبر المواضيع مرق هاليوم على خير وبلاخص اذا بعض شراكات متوترة او اذا بدك تدخل بشراكة ونصيحة لا تدخل مواجهات ونقاشات مع اشخاص مافي منا امل ويمكن تاخد قرار مصيري وقصة متعلقة بطفل مع شريك ، انفراج مالي ومهني وتحسن افضل من قبل والبعض في لقاء او شراكة قريبة وامورك افضل فترة المسا ،
عاطفياً❤️❤️:المتزوج شوية دبلوماسية والاعزب بداية جديدة ، المرتبط كتير بدك تنتبه على علاقتك هاليوم حتى ماتخسر حب او شخص غالي ، عندك دافع كبير لتغير من وضعك وتطلع من جو توتر لانك كتير بحاجة له شي هالفترة ، امورك بتبلش تتحسن وأعادة ترتيب وضعك العاطفي على طريق صحيح بأوقات حلوة ولقاءات او اتصالات رغم انها باردة لمهم تهدي هاليوم .
صحياً:التزام بتعليمات وانتبه على صحتك وخفف حكي ولا تخلي حدا يأثر عليك نفسياً بطباعه وكلامه ..

#الأسد ♌
مهنياً:القمر بكمل بالثور شغل والتزامات وتواصل وركز صحياً ، حاول تخلص ضروري بيومك ولا تجهد حالك كتير انت بيوم في ضغوط وتعب ومسؤوليات وبتحس بحمل كبير ، وفي شغل وناس كتيرة كمان بدك تعرف كيف ترتب امورك وتحسن وضعك وتلاقي حلول واذا في شي مهم حاول تأجلوا وأنتبه لعصبيتك او لردود أفعالك وعلى صحتك من هاضغط الي عم يتمارس عليك ، بداية شغل او اتفاق ومواعيد والبعض عندو اجازة وبفكر يرتاح ويمكن سفر مرهق جسدياً .
عاطفياً❤️❤️:المرتبط والمتزوج هدي وروق ولا تصعد بهاليوم وساير لان ممكن سوء تفاهم يكبر وطريقتك ممكن تخلي الشريك يرتكب خطأ بحقك بلاخص الوقت مو مناسب لاي شي جديد ، الاعزب انت بحاجة لحب يغير روتينك حاول تغير من طباعك وتعمل تغييرات وتختار صح والفرصة قدامك هالفترة لتطور علاقة او صدفة مع شخص ،
صحياً:لا تعصب وانتبه ع صحتك ويمكن مرهق وبحاجة لراحة وشفاء من مرض للبعض وشي جديد صحياً بتعملوا ..

#العذراء ♍
مهنياً:القمر بكمل بالثور لقاءات وعزائم ويمكن فكرة سفر وتنقلات قصيرة ويومك حلو وداعم الك ..ناس جديدة وعلاقات عم تكبر وتواصل وبتكون مقنع بكلشي وحضورك مميز وعم تهتم بالعيلة والاطفال والابناء وشي بخص الانجاب للبعض ، وعم تكون مدعوم مالياً وبيجيك مال هالفترة لتحسن وضعك وتكون منيح طاقة لتنجز اعمالك وحلول لبعض القصص المتعبة ..
عاطفياً❤️❤️:تواصل عم يرجع واتصالات كتيرة وعلاقة كان فيها خلاف ممكن تتصلح وحب قديم ع البال واشخاص جدد وبتقدر تكسب قلب الشريك واخبار عاطفية حلوة ولقاء مميز ، المرتبط لا ضيع بين الخيارات في حسم والامور للافضل وبتلاقي الاستقرار وعم تطلع من جو الحيرة وابواب جديدة بوضعك وبعلاقتك نحو الافضل واستغل هاليوم لمشوار او سهرة وترتيبات جديدة بالفترة القادمة ،
صحياً:وعكة صحية خفيفة نتيجة تعب والارهاق وعم تجهد حالك هدي وريح نفسيتك منيح .

#الميزان ♎
مهنياً:القمر بكمل بالثور انتبه من اعطال بالبيت وعم تهتم لحدا بالعيلة وقصة حدا بالبيت بتشغلك ، في نقل وتغيير لمكان سكن او عقار وحتى فيك تعمل شي جديد بديكور البيت واثاث جديد وعم يكون عندك تصليحات ومصاريف ، حاول تتعلم شي جديد بيومك ولا تهتم لبعض توترات ولا تعطي ثقة لحدا ، ويمكن البعض بفكر يبيع او يشتري ولازم تقضي يوم مع العيلة ولمة حلوة واخبار بتخص العيلة ،
عاطفياً❤️❤️:حافظ على أستقرار وضعك وبلا مزاجية ويمكن في قصة عاطفية عم تدخل بوضع عائلي ، مافي شي بيبقى ع حالوا كلشي بكون منيح لا تعب حالك بتفكير وافتح صفحة جديدة وعيد حساباتك بقرارات او مواقف لتحافظ على الاستقرار العاطفي بينك وبين الشريك والاجواء افضل من قبل بتكون تدريجي بعد هاليوم ، والبعض في عندو لقاء او اتصال وشخص مهم .
صحياً:ريح اعصابك وهدي لا تفكر كتير وتشغل بالك عم تعاني تشنجات واعصاب و أن شاء لله لامور رح تتحسن وبلاخص نفسيتك .

#العقرب ♏
مهنياً:القمر بكمل بالثور اتصالات وتواصل طويل وعم يكون في اختبار لوضعك وشغل بالبيت والاهل و دعم من شخص مقرب ، بحاجة لتطلع من روتين وتعمل تغيير بشكلك وبوضعك العام ، في لقاء وتنقلات او مشوار وعزيمة واتفاق جديد واجواء عائلية حلوة بلاخص بعد تتطورات الاخيرة والبعض بيشغلو عقار او سفر وقصة سيارة او موبايل واعطال وانتبه من الحوادث وقصة طفل او انجاب عم تشغل البعض ،
عاطفياً❤️❤️:المتزوج روق وهدي وانتبه من سوء تفاهم وتراشق اتهامات وكلام عشوائي لكن في لقاء وتواصل والامور بتهدا اكتر ، المرتبط حاول تساير ولا تتحسس من اي شي ولا كتير تعب حالك بكثرة التفكير وحاول تتقرب وتقضي وقت عاطفي ورومنسي مع الشريك في تقارب من قبل الشريك وتواصل افضل ..الاعزب اتصال وتواصل طويل وممكن حب عن طريق صدفة او سوشيل ميديا ،
صحياً:انتبه على صحتك من مشاكل الفقرات والعيون بلاخص نوم زائد وضجر وانتبه من الاعصاب .

#القوس ♐
مهنياً:القمر بكمل بالثور يوم مالي عم تعيد حساباتك من جديد وشو الك وشو عليك والتزاماتك وحل لمشكلة ادارية وقانونية قريباً وفي حكي بأتفاق او شغل ، لا تتكاسل وحرك حالك وفي قصة متعلقة بشخص مقرب بتشغلك وضب ايدك على مصاريف مالية بلاخص اذا في عزائم او تنقلات وشي صحي والبعض ممكن قصة تجارية ويمكن يجيك مال او اذا ناطر ورقة مهمة ،
عاطفياً❤️❤️:الاعزب امورك افضل والمتزوج في هدوء اكتر وتفاهم على بعض النقاط المهمة بعلاقتك ، والمرتبط بدي منك لا ضيع وقتك بقصص مارح تجيب نتيجة او تعمل من الحبة قبة تحرك بسرعة وحاول تاخد زمام المبادرة من جديد وتكون رومنسي وأختار صح ولا تخلي حدا يضغط عليك والبعض لا دخل امور المال بالعاطفة ومع العائلة .
صحياً:قوي طاقتك ومناعة جسمك وغير جو ولا تخلي الكسل ونوم زايد يأثر على نفسيتك .

#الجدي ♑
مهنياً:القمر بكمل بالثور علاقات واتصالات كتيرة وناس غريبة او بعيدة وعم تفتح ابواب جديدة لتعمل شي مهم او مشروع وحلول لقصة تعبتك ممكن قضائية او ادارية وشي بيتعلق بالاوراق وسفر ، امورك افضل وفي تقدير لجهودك وممكن شهادة دراسة او قيادة سيارة او مهنة وعم تتعلم شي جديد ، لا تخاف الحظ بكون معك وداعم الك بكلشي بدك تعملوا بس انتبه من الحوادث ولاعطال وبلاخص بسيارة او موبايل والكهربائيات بشكل عام ،
عاطفياً❤️❤️:بتكون محط اعجاب لكل وبتجذب الجنس الأخر الك ، عندك كاريزما لتعمل شي حلو بيومك وشخص جديد بحياتك او شخص مهم عم تكبر علاقتك في وحل لمشكلة عاطفية ، وعندك خيارات كتيرة وتواصل بيرجع وعم تتقرب اكتر ، المرتبط عم تنشغل بكتير امور وهاشي عم يمنعك من تنفيذ رغباتك العاطفية وحاول تنتبه لكلامك وتستغل دعم الفلك لتوجد حلول وتفاهمات بينك وبين الشريك لتستقر وتريح راسك الحظ داعم الك لتلاقي الحلول بلاخص عند المتزوج .
صحياً:اهتم بصحتك وشكلك ولا تخلي حدا يستفزك ويعصبك والبعض ممكن يزور طبيب ..

#الدلو ♒
مهنياً:القمر بكمل بالثور في ضبابية مسيطرة ع الوضع ومو كتير تهتم لحدا مابيستاهل ، في التزامات واجبات عم تقوم فيا وفي قصة عم تتأخر او عم تتأجل هالفترة وانتبه من بعض المواقف ماتسبب توتر ونقاشات مافي منا نتيجة بلاخص في زيارات وناس بتحس انو مو بوقتها وماعم يريحوك نفسياً ، تدريجي بعد هاليوم الامور رح تكون افضل وناطرك خبر حلو وانفراج ، خليك متفائل ولا تتكاسل ومال ومصاريف عم تزيد ،
عاطفيا❤️❤️:لاعزب امورك بحالة ركود وبتحس مافي شي يريح قلبك رغم الاعجاب فيك .. شوية رواق وهدوء وكون دبلوماسي بلاخص اذا في توتر بيومك ولا تاخد اي قرار مهم وفكر كيف تخلي امورك تستقر لانك مو مرتاح من ناحية الشريك وحتى المواقف والكلام عم يثبت هاشي عندك ، لا تعطي اهتمام لاشخاص مابتستاهل وانت شكلك مو كتير رايق اليوم لحدا ،
صحياً:اعتني بصحتك ورفه عن نفسك وغير جو مع ناس بتحبا لتطلع من وضع صحي او هالحالة الي فيا تعب وغير بشكلك .

#الحوت ♓
مهنياً:القمر بكمل بالثور خلص شغلك ضروري ولا تهتم لناس الي عم تحاول توجعلك راسك تحسن نفسي وطاقة ايجابية .. يومك في علاقات واشخاص كتار وعزائم وسهرة او مناسبة وبتحقق امنية او مكاسب مالية وعم تطلع وتغير جو وجاذبيتك كبيرة وعم ترجع الثقة من جديد واجواء حلوة مع الاصدقاء واذا بدك مساعدة لا تتردد ، في مال وفي مصاريف على اشياء خاصة او عزائم والبعض ناطر شي بخص العمل او ورقة ويمكن توقيع هالفترة مهم ،
عاطفياً❤️❤️:المرتبط انتبه من الاستغلال او سوء تفاهم حاول تهدي وتتنازل شوي وتتفهم الشريك بهاليوم حتى ماتتعركس امورك هدي شوي وكلشي رح يتغير والبعض في علاقات سرية وصديق بيتقرب بلاخص عند بعض المتزوجين ، الاعزب في أعجاب واهتمام من الجنس الاخر واحساس جديد وتواصل .
صحياً:لا تخلي حدا يستفزك ويعصبك وامورك الصحية بتكون بخير بس البعض لازم تنتبه لحالتك نفسية وامور جنسية ..