توقعات_الابراج_ليوم_الاثنين_3_ابريل_نيسان_2023 القمر ببرج العذراء ♍ الترابي كوكبه 🌍 عطارد… 

#الحمل ♈

مهنياً:القمر بالعذراء أمور مالية والتزامات وديون لازم تظبط حساباتك وتنظم امورك والبعض بتشغلك قصة ميراث او عقد ما وبحاجة لتمويل مالي لتخلص امورك ، ضبلي ايدك على مصاريفك ويمكن تقدم شي معنوي او مساعدة ودفع على قصة .. في توتر صغير بهاليوم بسبب قصة صحية او مالية نشاء الله بتنحل بعد ضغط حاول تكون حريص على مصالحك وبتبلش امورك ترتاح نسبياً وبلاخص من المشاكل وضغوط والمال وقصة احد الابناء بتشغل البعض بترتاح منا ..

عاطفياً💕💕:حاول تهدي الوضع مع الشريك وأستغل عاطفتك بهيك يوم لتقضي اوقات حلوة واتصالات وتقارب بلاخص انو في عناد وماحدا عم يرضى يتنازل او يبادر .. روق وهديلي حالك حتى تخفف عنك ها تشنج وتردد ولا تتلبك باي شي بدك تعملو والبعض امورك افضل لرومنسية ومشاعر حميمية ولقاء ومفاجئة حلوة ..

صحياً:البعض عندو شفاء من مرض تعبو الو او لحدا بالعيلة وخفف تناول طعام بوقت متأخر او اذا في عزيمة ..

 

#الثور ♉

مهنياً:القمر بالعذراء يومك في ضغوط ومسؤوليات وعم تعاني تأجيل وتأخير وقصص بدك تلاقيلها حل .. أنتبه لاي تطور بيومك ولا تقدم على اي خطوة مالم تكن مدروسة بشكل جيد وحاول تكون بعيد عن المشاكل والأصطدام المباشر وأنتبه لكلامك لانك تعبان من الكل .. أمور مالية ومصاريفك وأنتبه تفوت بأي شي مالي او قصص مع العائلة وشي بخص عقار .. ضب ايدك على مصاريفك وركز منيح ونفذ المطلوب ونتائج قريبة وانفراج بقضية وتغيرات ايجابي بعد هاليوم ..

عاطفياً💕💕:وضعك بحاجة لهدوء والحظ ماعم يساعدك حتى المشاعر باردة وفي لف ودوران وما عم تحس انو في تطور جديد والوضع مكانك راوح .. مابدي ياك تدخل بسوء تفاهم او تتسرع بأي قرار وبلاخص وضعك مكركب روق ولا تتسرع وفكر منيح قبل ما تتخذ اي قرار او تحسم شي اليوم .. فكر كيف ترفه عن نفسك وتعمل تغييرات بشكلك وتكون حذر بمشاعرك مع بعض الاشخاص ..

صحياً:أنتبه لصحتك منيح والمشاكل الي من حواليك عم تخليك مستفز وعصبي ومانك مركز بشي ..

 

#الجوزاء ♊

مهنياً:القمر بالعذراء عم يكون يومك في علاقات واصدقاء وناس جديدة وحلول لمشاكل ومصالحات وعم تقدر تطلع وتغير جو وممكن تحقق مكاسب ودعم اشخاص الك بقصة او قضية وسهرة وعزيمة واكل طيب ومشوار حلو واختبار كمان انتبه من الاشخاص المقربة العين عليك وفي نفقات على عزايم ويمكن في قصة سفر او حوالة للبعض واماكن جديدة وتحقيق هدف ما ..

عاطفياً💕💕:العين عليك واعجاب وتطور ببعض العلاقات او عبر مواقع تواصل وصداقة بتتحول لحب وشغف عاطفي واجواء حميمية وبلاخص الخالي من الحب .. المرتبط عندك لقاءات واتصالات كتيرة وعم تتواصل مع حدا بعيد او عم ترجع اشخاص تحاكيك يوم حلو حضور مميز واجواء رومنسية .. المتزوج فكر بعلاقتك وفكر كيف ترجع الامور متل ماكانت وخلي باب لتفاهم على بعض نقاط بتعود المياه لمجاريها وبتتحسن امورك وبتكون مقنع ..

صحياً:تحسن وراحة مع اشخاص بتحبن وفي عزيمة واكل زائد .. بدنا ننتبه من حساسية جلدية وفي طبيب او مشفى للبعض ويمكن تفكر بعملية تجميلية ..

 

#السرطان ♋

مهنياً:القمر بالعذراء في عصبية ومو ع بعضك وحكي من ورا ضهرك وانتبه من زملاء ولا تخالف القانون او تتأخر باي التزام عندك اليوم .. بيشغلك المال بهاليوم وركود بوضعك وعم تعيد ترتيب حساباتك المالية من جديد .. لا تهتم لكلام ناس المستفزة او الي ناطرينك على دقرة كلشي الو حل ولا تخاف ولا تتسرع بشي .. علاقات اجتماعية كتيرة وقصة أب او اخ بتشغلك وانتبه ع صحتك وفي تواصل مع شخصية مشهورة او مهمة ودفع مالي ..

عاطفياً💕💕:الوضع المحيط متعبك ولازم تساير وانتبه من الاستغلال حاول ماتتسرع حتى ماتوقع بسوء تفاهم او مشكلة على قصة بسيطة .. لازم تكون متفهم وتكون واعي بتصرفاتك وكلامك مشان ما تخسر شريك او تتخذ قرار مصيري تقرب اكتر ولا تعمل من الحبة قبة .. حاول تفصل بين حبك والامور الاخرى وتحسن بعلاقتك بلاخص المرتبط ..

صحيا:مشاكل مفاصل واسفل ظهر ريح حالك ونام منيح.

 

#الأسد ♌

مهنياً:القمر بالعذراء من الايام داعمة الك وحلول ناطرتك بعد فترة متعبة طاقة ايجابية وراحة نفسية وخبر حلو .. عم تفكر بشي جديد تغير بوضعك حابب تطلع وتغير روتينك الممل ولقاء او اتصال مهم وعم تحكي كتير وتلفونك شغال طول لوقت .. نشاط جديد وحلول لقضية متعبة او بوضع البيت يوم في اتصالات مهمة ومن حدا بعيد وممكن ناس جديدة وتواصل خارجي واختبار ورح يوصلك شي حلو او مفاجئة اما باتصال او شي معنوي ..

عاطفياً💕💕:عم تعيش يوم منيح برغم من البرودة والقلق الي كان مسيطر بيتحسن الوضع وشريك عم يبادر وعم يمنحك عاطفتو وفي تغيرات جديدة بالوضع وبالمشاعر وحلول لمشاكل .. اجواء واخبار عاطفية حلوة وفرصة كمان لحدا يعترف بحبو ويصارحك وبلاخص الاعزب ..

صحياً:عم تطمن عن صحتك وصحة حدا بيتك او طفل وفي طبيب بيومك للبعض والبعض اذا عندك عملية هالفترة ..

 

#العذراء ♍

مهنياً:القمر ببرجك عم تطلع من تعبك وبتكون منيح وبيمنحك هاليوم القوة وتركيز وتحسن تدريجي بوضعك وبعلاقاتك وفيك تبدا شي جديد وتفتح صفحة جديدة وبترتاح نفسياً من ضغوط حتى ثقتك بترجعلك وبتلاقي دعم وبتتخلص من مشاكل رافقتك وحدا غالي عندك او عزيمة ويوم في خبر حلو الك والبعض في دفع مالي على قصة مهمة وترتيب جديد ..

عاطفياً💕💕:لاعزب عم يكون في أعجاب مبدئي بس لا تندفع زيادة عن لزوم .. المرتبط لا تتمسك بقراراتك وتكون عنيد او تدخل بأي نقاش مع الشريك مامنو فائدة وهديلي حالك لان ناطرك شي حلو وتحسن تدريجي ببلش وتصحيح لمسار العلاقة و مصالحات وحتى ممكن اشخاص ترجع تحاكيك وخبر منيح عاطفياً.

صحياً:امورك افضل كون مع ناس بتعطيك طاقة ايجابية ولا تشتغل شي يسبب تعب عضلي وارهاق..

 

#الميزان ♎

مهنياً:القمر بالعذراء حاول تتجنب المواجهات لان يومك في شوية تعب وانت مو ع بعضك والمسؤوليات عم تزيد عليك لمهم خليك دبلوماسي ولا تنفعل لان مارح تكون راضي .. في مال من شراكة او شريك او تبدء شراكة جديدة او شي بخص عقار وعقود بيع او شراء وممكن يجيك عرض ركز عليه منيح ولا تتردد بشي .. بتفكر بشراكة جديدة وحسم لأخرى متعبة ومقبل على فترة مالية جيدة ايها الميزان ..

عاطفياً💕💕:المرتبط هدي وساير في ضغط عليك ومانك مرتاح وسوء تفاهم والبعض ممكن ينهي علاقة او زعل ويصير جفا لهيك استغل يومك واضبط اعصابك وناقش بهدو يوم بدو دبلوماسية منك ومن شريك لتمرق الامور على خير ، لاعزب فرصة لارتباط جديد واشخاص تحاكيك واعجاب مبدئي ..

صحياً:انتبه ع صحتك وهدي وريح حالك من ضغوط لا تفكر كتير ويمكن البعض بحاجة عملية او في مضاعفات من عملية وفي شفاء من مرض نشالله ..

 

#العقرب ♏

مهنياً:القمر بالعذراء كتير قصص شاغلتك هاليوم وحاول تهدي الوضع البيت وبشغلك وعندك كتير مسؤوليات وبدك تلحق والمهم تكون بعيد عن المواجهات ومشاكل البيت خلص ضروري ورتب امورك ونظم وقتك لترتاح .. في شغل جديد او مكان جديد وتحسن قريب الك .. المهم كمان تنتبه على صحتك وتفكر كيف تعمل شي جديد لتحافظ على صحتك اكتر ، بس البعض لاتعمل مشاكل مع زملاء العمل او مدير او شخص بالبيت ..

عاطفياً💕💕:مانك مرتاح ومو رايق وبحاجة يكون الشريك داعم وبحدك ولازم يتفهم ويقدر وضعك مو مرتاح نفسياً وعزلة بعض شيء .. لا تفوت الفرصة اليوم لتصلح الوضع مابنصحك تعاتب لأن مافي نتيجة حاول تريح حالك وطنش وتبعد عن اي توتر بالعلاقة هيك افضل وانطر الوقت المناسب لتلاقي تغيرات على هذا صعيد قريباً …

صحياً:اعمل اي شي يريحك نفسياً وفي تحسن صحي وشفاء للبعض .. بس ممكن البعض عندو طبيب او مشفى وصحة حدا بالبيت ..

 

#القوس ♐

مهنياً:القمر بالعذراء مدعوم بالطاقة والحظ وحضور مميز ، عم تعيد نظر بقراراتك وبتتخلص من مشاكل كانت مرافقتك وخبر حلوة لتبدا شي جديد بالفترة القادمة حلول عائلية ومهنية وتطورات بعلاقاتك وعزيمة واتصال وناس بترجع تحاكيك وفي مال كمان والبعض عندو سفر او مشوار حلو ..

عاطفياً💕💕:المرتبط تطور بعلاقتك وفيك تحسن الوضع للافضل بعيد عن تحديات والمراهنات وأفتح قلبك لتحصل على يوم ايجابي وتتطور ورومنسية واوقات حلوة واتصالات طويلة أو لقاء .. الاعزب امورك افضل وممكن حب جديد يدق بابك واعجاب أو مصارحة وملامح علاقة عم تبلش ..

صحياً:ريح جسمك ونام منيح وامورك صحية افضل وبتشعر بنشاط كبير وطاقة وبلاخص بامور الاطفال ..

 

#الجدي ♑

مهنياً:القمر بالعذراء يوم عائلي مالي ولازم ضب ايدك لأن في حسابات كتيرة بيومك .. عندك تغيرات بوضع البيت والعقارات وعم تعمل كتير خطوات جديدة بس بدي منك تروق صح فترة فيها ضغط عليك لكن لقدام لصالحك .. عم تفكر بمكان جديد او سكن ولتطلع من جو العيلة بعرف في ضغط والتزامات ومسؤوليات ولازم تنتبه على اهلك وموضوع عقار او تصليح وتجهيز ومال بيومك وفي دفع وعم تحسب شو الك وشو عليك ..

عاطفياً💕💕:المرتبط انت ضايع ومابتعرف شو بدك خليك هادي ولا تعقد الامور بلاخص وضع عائلي عم يدخل بالعاطفة ولا تخلي حدا يخرب عليك علاقتك .. ركز منيح بتحس انو مافي شي عم يريح قلبك ويخلي وضعك يستقر .. فرصة قريبة وحلول بس لازم تبعد عن العصبية والمناقرة لابعد الحدود .. الاعزب ممكن تتلقى خبر او تواصل من شخص او شي ناطرو وفرصة ارتباط بلاخص انو في شعور كبير لترتبط ويكون حدا بحدك بس لسا ماعم تكمل ..

صحياً:حموضة ومشاكل بالبلعوم وتحسن صحي بعد مرض للبعض ..

 

#الدلو ♒

مهنياً:القمر بالعذراء طاقتك بترجعلك وعم تتحسن علاقاتك وعم يكون في تواصل واتصالات وفكرة سفر او مشوار وناس عم تتعرف عليها وعم تحاكيك او الك زمان ماشفتا وعرض جديد .. نشاط وطاقة وبتكون مقنع وحلول بيومك ولقاءات واجواء حلوة واختبار بس انتبه للاعطال بالبيت او بسيارة وموبايل وكمان خفف من حدة نقاشات يوم حلو استغلوا قدر الامكان والبعض في اتصال بيحملك خبر منيح وفي مبلغ وتجهيز اوراق ..

عاطفياً💕💕:يوم بيحملك شي ايجابي وحل لمشكلة مع الشريك بلاخص الي العلاقة توترت من فترة أستغل هاليوم اذا حابب تفتح قلبك من جديد او لقاء واتصال طويل ومفاجئ او عن طريق صدفة بشكل عام يوم ايجابي عند لكتار والبعض عندو تواصل وتعارف على مواقع تواصل او لقاء وشخص بعيد ..

صحياً:حاول تنتبه من ضربة او فركشة ومن الحوادث والكريب بيومك ويمكن عندك تحليل هاليومين .

 

#الحوت ♓

مهنياً:القمر بالعذراء يوم في شغل والتزامات وتراكم اعمال وبدك لتلحق وكمان في امور مالية بس مصاريفك كبرت بالفترة الاخيرة وكتير بحاجة تنتبه هالفترة وفكر كيف تحسن وضعك المال وتجيب مال بلاخص اليوم عندك موعد او قصة لازم تستغلها او لتحصل دين ويمكن لبعض بالفترة القادمة يفكر بقرض او مبلغ يشتغل في .. عيد حساباتك واستغل الفرص لتحسن وضعك بلاخص في قصة مالية شاغلتك واوراق ومعاملات او بحاجة لمساعدة مالية ..

عاطفياً💕💕: خيارات وقرارات لازم تهدي فيا بلاخص عم تعاني قلة الاهتمام وصار عندك ردة فعل وعدم لامبالات حاول تروق شوي اليوم .. والبعض يمكن اتصال حلو ويوصلك شي مادي او معنوي .. بادر بهاليوم وشيل هالحواجز ولا تتردد بالحلول بس لا تخلي حدا يستغل طيبة قلبك .. لان بعض الاشخاص في افكار عم تاخدو وتجيبو وشكوك وغيرة وبتحس انو شريك ناطرك بكل تفصيل ليعمل قصة او يمسك عليك شي .

صحياً:لازم تطلع وتغير جو ورفه عن نفسك كتير بحاجة لتطلع من محيطك وتاخد طاقة ايجابية ..