#أبراج_الاثنين8مايو2023🔮 القمر مستمر ببرج القوس ♐

برج الحمل ♈

 

اجواء مشحونة هدي وانتبه لشراكاتك ..

يوم في ضغط عليك وعم تتوتر وتحس بعدم راحة لكن في شراكات وكمان الظروف يلي عم تأثر عليك بشكل سلبي وعم تسبب ضغط عندك حاول ماتكون قلق زيادة كل شي رح يمر وممكن عقد شراكة شغل ..

❤️عاطفيا .. ممكن اليوم تكون نقطة النهاية لحبك انتبه كتير لأن ماعم تتحمل الشريك ولا هو عم يتحملك ..

برج الثور ♉

 

كتير قصص ناطرتك وشغل جديد ووضع صحي ..

حاوا تتصرف بسرعة هاليوم وعندك كتير قصص ناطرتك و عم تحس بأنك مو مرتاح وانو ضغط كبير عليك وحاسس بتعب وارهاق ولازم تكون جاهز وسريع لتلحق حاول تكون منتبه لصحتك ولأكلك ..

❤️عاطفيا .. ماحدا عم يقدر الشي يلي عم تعملوا واولن الشريك فحاول تكون هادي ومارح يفيد العتب ..

يرج الجوزاء ♊

 

حب بيرجع ولقاءات حلوة وحظ ..

استغل يومك لأن بتتحسن حالتك وقادر تحل المشاكل وخاصة بجو البيت كتير من القصص عم تنقلب وتتغير وبتصير امورك افضل وبتحس انو رجع الحظ معك وتحسنت الامور وحلول بالشغل وفرص حلوة ..

❤️عاطفيا .. افتح قلبك اليوم لأن اجواء رومنسية ناطرتك وحب لو اعذب ورجع حب قديم واردة ..

برج السرطان ♋

 

وضع البيت شاغلك وبدك حلول ..

عندك كتير ضغط من الأهل وعم تكون امور البيت عندك مكركبة وبدك تخلص شغلك وتغير بالديكور ممكن وكمان في حدا من اهلك مو مرتاح لوضعو كل هاد عم يأثر عليك وفيك تشتغل شي بخص عقار ..

❤️عاطفيا .. بالرغم من كل شي حاول تكون بعيد عن العصبية حتى لو حط الشريك اللوم عليك بمشاكل العلاقة ..

برج الأسد ♉

 

يوم لتنجز فيه تتواصل وتسافر وتنجح ..

عندك قدرات كبيرة وعم تقدر تتحرك بشكل اريح وبتتحرر من حالة الركود يلي مريت فيها وبتحس رجعتلك طاقتك حاول تطلع وتسافر وتغير جو كمان عم تتلقى اتصالات وحاسس انك ناجح وانتبه بسفرك ..

❤️عاطفيا .. قادر اليوم توصل افكارك وحبك للشريك وممكن يكون في اتصال رومنسي ..

برج العذراء

يوم في حظ مالي لتكسب وتحسن وضعك ..

حظ مالي عندك هاليوم فحاول تنتبه لصرفك وبدك تعرف شو الك من مصاري وعم تحاول تحلها ويمكن عم تحس انو لازم تلاقي حل هاليوم بس بالمقابل فيك تحصل على مصاري من شغلك وتعزز وضعك العام ..

❤️عاطفيا .. ماعم تعرف شو بدك وكترة الخيارات حولك عم تخليك ضايع فانتبه من هالشي ..

برج الميزان ♎

 

طاقتك عالية ويمكن بيت جديد وتغييرات ..

عم تسترجع طاقتك وتغييرات ممكنة وسكن جديد وبكون في انفراج بوضعك لان مدعوم بالحظ وبتقدر ترجع شي من ثقتك بحالك ومكانتك عند الناس فلا تتردد بأي مشروع جديد او صفحة جديدة ومال عندك ..

❤️عاطفيا .. حاول تكسب ثقة الشريك من جديد وتعامل بهدوء مع الموقف لترجع وضعك العاطفي أفضل ..

برج العقرب ♏

 

يوم ماكتير بترتاح فيه وخاصة من المحيطين ..

ماعم تكون مرتاح وبخيب أملك بشخص وبدي منك تحاول تكون بعيد عن المشاكل او القصص الغير مدروسة لان رح ترجع عليك فانتبه ولاتجازف حتى صحتك بدها مراعاة واكيد فترة وبتمر ..

❤️عاطفيا .. يوم مخيب من جهة الشراكة وماعم يصل الحب عندك للمستوى المطلوب ..

برج القوس ♐

 

اجواء لقاءات بتدعمك وعزيمة ناطرتك ..

اطمن يوم جيد وعم تتحسن علاقاتك وبتنشغل بالاجواء الاجتماعية بتستقبل ناس وبتشوف ناس بس اهم شي لاتحاول تضل لحالك واطلب مساعدة اذا احتجتا من صديق وعزز علاقاتك الاجتماعية مع محيطك ..

❤️عاطفيا .. لاتسمح للأجواء المشحونة تفوتك اي علاقة وبدون تفكير هالشي ممكن يأذيك لقدام .

برج الجدي ♑

 

يوم في توتر كبير هدي ويمكن شغل للبعض ..

بدي منك وعي وهدوء بالتعامل وحاول تفكر بطريقة تريحك وحاول تكون هادي وماتصعد الخلافات رح تتعرض للانتقاد اليوم وفي ناس رح تحاول تستفزك لتأثر عليك خليك واثق من حالك وفكر بشغلك ..

❤️عاطفيا .. بينك وبين الشريك عم تخلق مشكلة روق وكون متفهم حتى ماتكبر الأمور ..

برج الدلو ♒

 

علاقات جديدة وفكرة سفر ويوم جيد ..

عندك حضور وبتقدر تقنع وتصل ويوم أفضل عندك وعم تفكر بسفر وتتلقى اتصالات من ناس غريبة عنك وكمان عم تفكر بقصص جديدة ممكن دراسة شي جديد او تتعلم مهنة عندك فرصة مناسبة لهالشي ..

❤️عاطفيا .. عم تسمع اخبار حلوة والشريك عم يعطيك ثقتو وممكن حدا يصارحك بحبو ..

برج الحوت ♓

 

بتغير بوضعك ومال وراحة نسبية عندك ..

عم تتجاوز بعض المشاكل وفي تحسن بوضعك العام هاليوم وبلشت ترتاح وعم تكون بحال افضل بعد ضغوط اثرت عليك بشكل كبير عم تشفى من مرض تعبك وعم تحل مشاكلك وفي فرصة مالية كمان ..

❤️عاطفيا .. عم تفكر تعيد العلاقة مع الشريك وبدك ماتتنازل بنفس الوقت ..