#أبراج_الأربعاء31مايو2023🔮 القمر مستمر ببرج الميزان ♎

برج الحمل ♈

 

عندك سفر ممكن ونجاح وشغل بهاليوم ..

بتكون بداية يومك مميزة وداعمة لسفر ولقاءات مثمرة وعندك اوقات منيحة الك حاول تستغلا وخلص شغلك وفي عندك انجاز واخبار ناطرتك وبعد الضهر بتمر باوقات صعبة حاول تهدي ولا تتوتر وبعد عن العصبية وفترة مناسبة لتلاقي شغل جديد ما تشغل بالك ..

عاطفيا .. اتصالات حلوة من الغايبين بتسعدك بس بعد الضهر بتحس بخيبة امل وما حدا عم يفهمك ومشاكل مع ناس قريبة منك

برج الثور ♉

 

نهار مميز بحلول ومال واشخاص جدد ..

عم تكون بوضع مميز بشغلك وامورك المالية ونهارك في حلول وبعد الضهر بتتحسن امورك وبتسمع اخبار حلوة وبترجع الضحكة لوجهك وقادر انت تنجز بهالفترة وتدفع بمصالحك لقدام ولاقي حل لمشاكلك بطريقة هادية وامور عم تتحسن ..

عاطفيا .. حاول تستغل نهارك وخاصة المسا ورجع الامور لطبيعتها انت ساحر وجذاب استغل هالشي

برج الجوزاء ♉

 

بين شراكات الصبح وبعد الضهر تحسن عندك ومال ..

الصبح عندك قصص بتخص شراكات جديدة ومتوتر عم تكون ومن بعد الضهر حاول تنتبه لوضعك المال خاصة بقصص الشراكة وخليك هادي وعندك ربح مادي بس مصروفك زايد وممكن تحتاج مبلغ مالي وامورك احسن وحلول لمشكلة ..

عاطفيا .. بيتحسن وضعك المسا وبتزول المشاكل ورح تسمع خبر يريحك ويرجع الضحكة لوجهك وفرص ارتباط للبعض صباحا ..

برج السرطان ♋

 

يوم في بداية شغل وشراكات وتوتر ..

عم تشتغل كتير وماعم تلحق وصحتك شاغلتك وعندك كتير قصص الصبح وتراكم مسؤوليات ويا دوب عم تلحق ومن وبعد الضهر بسيطر عليك التوتر والعصبية وما حدا عم يفهمك حاول تروق وتهدى وحافظ على سمعتك عم تشغلك امور الشراكة ..

عاطفيا .. في قصص عم تكبر فاتبه وحاول ترتاح وتفضى شوي للحبيب وكون معو لتهدو التوتر يلي بينكن وفرصة خطبة اذا اعذب

برج الأسد ♌

 

بداية نهار حلوة وداعمة وبعد الضهر مسؤوليات شغل جديد ..

نهارك مميز مع يلي بتحبن وقصص عم تفرحك الصبح ومن بعد الضهر ببلش يسيطر عليك التعب بزيد شغلك حاول تنظم وقتك واكلك لتلحق انت قادر تخلص كل شي ولا تشكك بقدراتك وانتبهلي لصحتك لان فترة متعبة الك ولا تتكاسل وعندك شغل جديد بدو همتك ..

عاطفيا .. في تفكير بحب قديم رغم وجود عروض حب جديدة عم تحاول تفتش عالاستقرار العاطفي والرضا بعلاقتك مع الحبيب

برج العذراء ♍

 

حلو يومك وبتحل مشاكل العيلة والمسا تمام ..

حاول تروق بداية النهار وصباحك متعب بالبيت ومن بعد الضهر بتقدر تطلع من حالتك بس انتبهلي على امورك المالية وخليك رايق وحاول تستغل هالفترة لترجع الامور لطبيعتها وانت نشيط وعندك طاقة كافية لتنهي امورك ..

عاطفيا .. القلق والحيرة يلي كانت ملازمتك بالنهار بتتغير بالليل وبتفكر تتقرب من احبابك وتعزز علاقاتك بمحيطك ..

برج الميزان ♎

 

تحركات مثمرة وتواصل ووضع عائلي المسا ..

عم تسافر وتقنع وتلتقي كتير ناس ومسيطر الصبح وبتعرف كيف توصل كلمتك وبعد الضهر بتشغلك امور العيلة والبيت حاول تروق وتخفف عصبية هالفترة لازم تكون قد المسؤولية لأن عيلتك بحاجتك هالفترة اهدى وخليك حكيم بمحيطك ..

عاطفيا .. لقاء رومنسي بالنهار بيعطيك شوية حب وسعادة والمسا بتحس بالحيرة وتناقض بافكارك هالفترة ..

برج العقرب ♏

 

يوم داعم ماليا وبتواصل افضل المسا ..

حاول تستغل هاليوم لتحصل على المال وبتشغلك الامور المهنية بالنهار وامور الشغل اما بعد الضهر بتكون بحال افضل بتستعيد قدرتك على الحوار وبترجع لنشاطك وحيويتك نسبيا حاول تستفيد من هالفترة لتحسن وضعك والظروف ملائمة للنجاح ..

عاطفيا .. اوقات حلوة عم تدق بابك حاول تستغلا ولا تتعب حالك بالتفكير طول الوقت فيك تطلع رحلة او مشوار مع الحبيب

برج القوس ♐

 

منيح الوضع بالنهار وحضورك كتير حلو وعندك مال المسا ..

عم تكون ساحر بكل شي بتعملوا وتغييرات بتدعمك هاليوم وبداية نهار حلوة بطاقة وحضور ايجابي و كمان بتنقلب عليك بعد الضهر لفرص مالية حلوة ومكاسب مهمة وممكن تحصل على تعويض او مبلغ مالي بس خليك واضح وانتبهلي من زيادة مصروفك ..

عاطفيا .. انت كتير منيح عاطفيا وفرص وحظ ناطرك لتغير بعلاقاتك وتكون ساحر بحضورك ..

برج الجدي ♑

 

روق الصبح وبعد الضهر وضعك بيتحسن فأتطمن ..

مو عبعضك بداية نهارك بكتير قصص بتدايقك والصبح بتكون تعبان فاصبر وبعد الضهر بيرجعلك النشاط وبيدعمك الحظ انسى الماضي وافتح صفحة جديدة وحاول تدعم مكانتك وغير الامور لصالحك خليك مبادر بهالفترة لتتغير لحال افضل وتتحسن اوضاعك نسبيا ..

عاطفيا .. الوضع العاطفي عندك رح يشهد تحسن بالعلاقات وممكن حلول المسا ..

برج الدلو ♒

 

عندك كتير رفقات بيدعموك لكن انتبه المسا ..

الوضع بميل عندك لكترة الأشخاص حولك والصبح علاقات وعزايم ولقاءات وبعد الضهر انتبه لصحتك بهالفترة رح تكون صعبة عليك وحاول ما تحسم شي وخلي هالفترة تعدي على خير وانتبهلي لسمعتك وشغلك ولا تكبر الامور واضبط اعصابك ..

عاطفيا .. استغل صبحية اليوم لتكون مع الشريك او لتتعرف على شخص جديد وروق المسا ..

برج الحوت ♉

 

يوم في شغل الصبح والمسا لقاءات حلوة ومناسبة ..

يبدو انو نهارك عم يشهد بداية مهمة بشغل والصبح عم يكون في قصص عم تزعجك وكلام الناس مو عاجبك بيتغير وضعك بعد الضهر لتكون اجتماعي متحرك وتعاملك حلو مع محيطك بتقدر بهاليوم توصل لافضل النتائج بوجود الاصدقاء جنبك ..

عاطفيا .. خليك رايق ولا وتزيد التوتر وخلي الامور تمشي وكل شي رح ينحل وامورك بتصير تمام