رصد نيوز
#حظك اليوم مع توقعات الأبراج اب أغسطس اليوم الأحد 6/ 8/ 2023
برج الحمل ♒
يوم منيح لتتعرف على اشخاص وتسافر كمان ..
تطورات داعمة الك بهالفترة وبتسافر او بتعمل قصة جديدة متل رياضة او دراسة بهالوقت وعم تتعامل مع ناس غريبة عنك وتتواصل معن وهالشي بقدملك فائدة حاول تكون متفائل ويوم ايجابي الك وفي حلول بعد ايام متعبة مرت عليك ..
عاطفيا .. قدرتك على التواصل عم تعطيك جاذبية من الجنس الآخر فاستغل هالشي ..
■النسبة المئوية :
●مهنيا : %84 ●ماليا : %79 ●عاطفيا : %89 ●صحيا : %81
برج الثور ♓
ارتياح نسبي بوضعك ومال ناطرك ..
تطورات بتدعم مصالحات عندك وتحسن وعم تفكر فيه اكتر شي بالمال وخاصة اذا كنت عملت شراكة مع حدا وبدك تحصل على اجرك منها وكمان عم تزيد المصاريف عندك وحلول لمشاكل قضائية واستشفائية بهاليوم ورح تكون اريح بالمجمل ..
عاطفيا .. اتخذ قرارك بخصوص العلاقة ولاتضل معلق حالك لأن انت مو بحاجة تعب اكبر ..
■النسبة المئوية :
●مهنيا : %67 ●ماليا : %77 ●عاطفيا : %74 ●صحيا : %71
برج الجوزاء ♈
انتبه من انفعالك ليكون يومك منيح بالشراكات ..
تطور بشراكات ناطرتك ومو مرتاح فبتحس حالك مرهق و اعصابك تعبانة واي حركة عم تزعجك وتعصبك فلازم الكل يقدر هالشي وانت بحاجة انتباه والمهم انت ابتعد عن استفزاز حدا وهدي حالك بهاليوم وفرصة لتتم شراكة اذا بدك ..
عاطفيا .. تفكير كبير بالارتباط بس ماعم تزبط معك وهالشي عملك حالة من اليأس وصار بدك حل ..
■النسبة المئوية :
●مهنيا : %66 ●ماليا : %61 ●عاطفيا : %64 ●صحيا : %56
برج السرطان ♉
انتبه لصحتك ورتب امور شغلك ولاتقصر ..
رتب اوضاعك بهاليوم وبتشعر بضغوط كبيرة بالشغل وتراكمات بتطلع فجأة وبتزيد عليك المسؤوليات وفرصة شغل جديد حاول تكون جاهز وقدها وانتبهلي لراحتك وصحتك حتى ماتأثر عليك ولازم ترتب كل شي حتى ماتتأخر ..
عاطفيا .. يمكن عم تفكر تنهي علاقة ما وهالشي عم يأثر على نفسيتك حاول تدرس الامور منيح قبل ماتقرر ..
■النسبة المئوية :
●مهنيا : %62 ●ماليا : %61 ●عاطفيا : %57 ●صحيا : %55
برج الأسد ♊
تطورات بالحظ وعاطفة افضل ناطرتك ..
بتكون محاط بالمحبين بهاليوم وعندك يوم ايجابي الحظوظ داعمة الك رغم كل شي مر عليك بهالشهر وعندك الحظ والفرص حاول تستفيد من كل دقيقة بهاليوم وادفع بمصالحك واستغل اي مشروع لان يوم منيح ضمن وضعك هالشهر ..
عاطفيا .. حاول تعيش اوقات رومنسية بدون ماتفكر كتير بالماضي واستغل حضورك ..
■النسبة المئوية :
●مهنيا : %84 ●ماليا : %82 ●عاطفيا : %89 ●صحيا : %85
برج العذراء ♋
كالعادة قصة بالبيت بتشغلك وبتزيد حساسيتك ..
حاول تصل لحلول بوضعك بالبيت وعندك تصليحات لازمة فبدي منك تروق لأن عم تطلع عندك مشكلة بالبيت وعم تطر تتحمل المسؤولية فخليك هادي وحل الامور برواق بعرف انو ماعم ترتاح بس يوم وبمر فلا تخرب كل شي وحاول تساير ولاتضوج على حدا ..
عاطفيا .. انت معرض لحالات من الانفعال وهالشي بسبب مشاكل عاطفية والشريك ماعم يفهم ولا يقدر ..
■النسبة المئوية :
●مهنيا : %65 ●ماليا : %70 ●عاطفيا : %63 ●صحيا : %60
برج الميزان ♌
ناطرك يوم افضل لحلول وسفر وتواصل ..
يوم بيدعمك للتواصل وعبر الانترنت كمان بساعدك وبترتاح فيه من حالة الضغط يلي مريت فيها وبتحس انو رجعتلك طاقتك وبصير في حرية اكتر بالتعبير عندك بتفكر تسافر وتغير جو وبتتواصل مع محيطك بشكل افضل بكتير وبتكون مقنع ..
عاطفيا .. لاتسمع للاجواء المشحونة تخرب وضعك وخليك واثق بانك قادر تقنع الشريك بحبك اليوم ..
■النسبة المئوية :
●مهنيا : %77 ●ماليا : %74 ●عاطفيا : %82 ●صحيا : %71
برج العقرب ♍
امور مالية ومهنية عم تشغلك بهاليوم ..
عم تصرف كتير بهاليوم فضب ايدك ومو كتير مرتاح هالفترة عندك ضغوط كبيرة مالية وعم تفكر من وين بدك تعوض النقص وكيف تبدا وتحل القصة وانتبه كمان لمصروفك وممكن تحصل على مبلغ مالي بهاليوم فلا تقلق ..
عاطفيا .. مافي شي عم يكمل معك وحاسس حالك متل الضايع وصار الحب بدل مايكون راحة تعب الك ..
■النسبة المئوية :
●مهنيا : %75 ●ماليا : %82 ●عاطفيا : %77 ●صحيا : %71
برج القوس ♎
يوم منيح الك وانفراج وحظ بيدعمك ..
عم تفرض حالك هاليوم ومرتاح وطاقتك عالية ومميز وعم تطلع من تعبك تدريجيا وتكون أفضل بشكل كبير انت اليوم قادر تحط حد لكل شي ماضي وتفتح صفحة جديدة غير واقعك والحظ معك وطاقتك عالية فلا تخاف ..
عاطفيا .. استفيد من وجود القمر ببرجك لتحصل على فرص جديدة او ترجع شراكة قديمة الك بهاليوم ..
■النسبة المئوية :
●مهنيا : %90 ●ماليا : %86 ●عاطفيا : %88 ●صحيا : %81
برج الجدي ♏
يوم ماعم يريحك عائليا وصحيا فانتبه ..
انتبه من المحيطين فيك وخاصة المقربين و مدايق من بعض الأمور وحالة نفسية سيئة عم تسيطر عليك بتخليك تفكر تنهي كل شي بدي منك تصبر هاليوم بس وتكون بعيد عن كل شي ممكن يوترك ويتعبك ورح يمر بس بدا رواق وعدم انفعال ..
عاطفيا .. لاتسمح للضغوط تضعفك ولاتخلي الشريك يكوم سبب بزيادة زعلك مافي شي بيستاهل ..
■النسبة المئوية :
●مهنيا : %60 ●ماليا : %62 ●عاطفيا : %58 ●صحيا : %65
برج الدلو ♐
محبة رفقاتك ودعمن بخليك تقضي يوم حلو ..
انت افضل وعم تدخل يوم منيح باللقاءات والمناسبات الاجتماعية استغل تواجد الاصدقاء معك ودعمن الك بهالفترة وعزز علاقاتك مع يلي بتحبن ويمكن عم تعرف اشخاص جدد وهالشي عم يريحك نسبيا وبالشغل بدي منك تصبر وتفكر بحلول ..
عاطفيا .. ماعم يقدر الشريك ظروفك وهالشي عم يزيد التعب عليك ..
■النسبة المئوية :
●مهنيا : %78 ●ماليا : %73 ●عاطفيا : %80 ●صحيا : %68
برج الحوت ♑
قصص شغل مهمة ناطرتك بهاليوم ..
كون بهاليوم دبلماسي لتقدر تصل لهدفك وبدك تعمل شي بس ماعم تعرف الطريقة ومشتت حاول تكون منتبه وخاصة بتعاملك مع المسؤولين وعندك فرصة لتلاقي شغل وتفكر تعمل شي غير بحياتك وحتى الوضع العام عم يكون رغم التوتر في تحسن ..
عاطفيا .. ماتزعل على غياب الحبيب عنك وبرأيي قلة الاهتمام والاهمال بالحب مابناسبوك ..
■النسبة المئوية :
●مهنيا : %73 ●ماليا : %69 ●عاطفيا : %77 ●صحيا : %70
