رصد نيوز
القمر عم يكفي ببرج العقرب ♏
#الحمل ♈
عندك مال وقصة بتريحك وورقة بتخلصها ..
عم يكون في حل للأوضاع عندك وعم ترجع وضعك لطبيعتو شوي شوي وفي عندك خطوات لتصالح وكمان حلول لمشاكل مع المحيطين وبدي منك تفكر بامورك المالية لان في عندك مال قادم وصحيا أفضل ..
عاطفيا .. خليك ايجابي وبعد عن المشاكل لان في هدوء نسبي وتحسن بعلاقتك ..
■النسبة المئوية :
●مهنيا : %70 ●ماليا : %77 ●عاطفيا : %74 ●صحيا : %67
#الثور ♉
يوم لشراكات جديد حاول تروق بس ..
بهاليوم عم تتشارك أمور مع شخص ويوم في كتير قصص ومواجهات عم تكون من الناس المحيطة الك مشان هيك انتبه من الانفعال وهدي قد مافيك ولاتفوت بمواجهات مع حدا لان انت بحاجة دبلماسية ..
عاطفيا ..انتبهلي لعلاقتك مع الشريك لان ماعم تتحمل كلمة ودغري عم تعصب وفرصة لارتباط عند البعض ..
■النسبة المئوية :
●مهنيا : %60 ●ماليا : %62 ●عاطفيا : %66 ●صحيا : %58
#الجوزاء ♊
رتبلي أوضاعك وانتبهلي لصحتك وشغلك ..
يمكن عندك يوم لتبدا شغل ومسؤوليات جديدة وأنت مرهق وعندك يوم حافل ولازم تلحق الضروري منو مشان هيك خليك سريع وانتبه كمان لان لازمك راحة حتى تحافظ على صحتك وفي تراكم قصص عندك ..
عاطفيا .. انت مقبل على فترة مميزة عاطفيا حاول تكون جاهز وتفكر بانك تبدا حب جديد اذا أعذب ..
■النسبة المئوية :
●مهنيا : %61 ●ماليا : %64 ●عاطفيا : %60 ●صحيا : %57
#السرطان ♋
عندك لقاءات حلو وحظ بالحب والشغل ..
بدي منك تتفائل ولا تخاف لأن بهاليوم بعد تعب ومشاكل عم بكون وضعك أفضل بكتير وتحسن عندك بوضعك المهني وفرص عم تجيك استغلها وحاول تنبسط بهاليوم وتصلح الأوضاع مع محيطك وتصل ..
عاطفيا .. كتير عندك جاذبية ووضعك العاطفي بيتحسن وممكن حب قديم يرجع يحكيك ..
■النسبة المئوية :
●مهنيا : %83 ●ماليا : %84 ●عاطفيا : %90 ●صحيا : %81
#الأسد ♌
في تطورات مقلقة بالبيت وانت بحاجة حل ..
عم يكون في شخص بحاجتك بالبيت والوضع بدو تصرف سليم وعم ينشغل بالك بكرا وعم تكون متوتر ومو كتير مرتاح وعم تغير بمكان سكنك او حتى عم تنقل لمكان جديد بشغلك فخليك متعاون..
عاطفيا .. بدي منك تبعد عن الأشخاص المزعجين ولاترد على حدا اذا بدك علاقتك تستمر ..
■النسبة المئوية :
●مهنيا : %65 ●ماليا : %62 ●عاطفيا : %66 ●صحيا : %59
#العذراء ♍
منيح هاليوم لمعارف جديدة وسفر ..
اطمن عم يكون يوم في انجاز عندك و في كتير نشاطات عم تكون قادر توصل كلمتك للكل وفي لقاءات كتير واتصالات مع ناس مهمة بدي منك تنتبه اذا عندك سفر من الحوادث وكمان من اعطال بموبايلك وفي مال ..
عاطفيا .. امورك العاطفية منيحة وفرصة بهاليوم لتلتقي الشريك وتقضو وقت حلو ..
■النسبة المئوية :
●مهنيا : %74 ●ماليا : %71 ●عاطفيا : %78 ●صحيا : %69
#الميزان ♎
يوم لتحصل على مال وتكترومصاريفك ..
انتبه لأنك عم تصرف كتير وعم تعيد حساباتك بهاليوم بعد ماكان في تغييرات كتير الفترة الماضية وصار لازم تضب ايدك وتنتبه من مصاريف طارئة بتطلعلك وماتخاف وضعك العام جيد وممكن تحصل على مال ..
عاطفيا .. استغل يومك لتحسن علاقتك بالشريك وعندك عاطفة قوية بس في اهمال من الشريك ..
■النسبة المئوية :
●مهنيا : %68 ●ماليا : %80 ●عاطفيا : %72 ●صحيا : %75
#العقرب ♏
يوم لتحسم امورك بعلاقاتك وتصفي بعض الناس ..
حاول تتخلص من الأشخاص يلي بوجهين وعم تكون بطاقة اكبر وحضور أفضل وعم تثبت حالك بين محيطك وتحسن وضعك الاجتماعي ويكون نجمك قوي وقادر تحل مشاكلك وترجع مكانتك ..
عاطفيا .. لاتفكر كتير اي شخص بعد عنك بيرجع بس بدها شوية وقت وعندك جاذبية بهاليوم ..
■النسبة المئوية :
●مهنيا : %86 ●ماليا : %85 ●عاطفيا : %87 ●صحيا : %83
#القوس ♐
بتدايق وبأثر الوضع على صحتك فانتبه ..
حاول تهدي وماتقلق بس بدي منك صبر وشوية رواق لأن عم يكون يومك مخيب من كتير ناس حوليك وهالشي ماعم يرضيك يعني بتكون موعود بكتير امور ومافي شي بيمشي متل مابدك ماتخاف فترة وبتمر ..
عاطفيا .. بدي منك تحاول ماتفوت بنقاشات مع الشريك ولا تتعاطى معو بهاليوم ..
■النسبة المئوية :
●مهنيا : %64 ●ماليا : %60 ●عاطفيا : %66 ●صحيا : %59
#الجدي ♑
يوم بيدعمك مع رفقاتك وعيلتك والمحبين ..
عم يكون في شي بيجذب الكل الك وانت بوضع أفضل وعم يكون يومك حافل بالعلاقات الاجتماعية مع ناس واصحاب كتير وعم تكون ملفت بطلتك كمان عم تنعزم او تعزم وبالمجمل وضعك منيح وفي لقاء مميز..
عاطفيا .. استغل جاذبيتك بهاليوم لتحصل على حب ممكن او تعزز علاقتك بالشريك ..
■النسبة المئوية :
●مهنيا : %74 ●ماليا : %78 ●عاطفيا : %75 ●صحيا : %70
#الدلو ♒
بتكون قدام امتحان وشغل هاليوم عندك ..
في توتر عندك وعم يكون يومك مهم وفي تغييرات مهمة بمكان شغلك حاول تكون جاهز لتشوف ناس مهمة او لتعمل شي مصيري بدي منك تكون هادي وماتخالف القوانين وخاصة بتعاملك مع المسؤول عنك ..
عاطفيا .. امور ايجابية ناطرتك بعلاقاتك لكن بحاجة لشوية لين مع الشريك ..
■النسبة المئوية :
●مهنيا : %66 ●ماليا : %72 ●عاطفيا : %76 ●صحيا : %74
#الحوت ♓
عندك فرص حلوة لتتحرك وتنجح وتسافر ..
عم تكون مميز بكل شي و متألق وعندك يوم يعتبر عم يكون حلو بكل شي في حاول تفكر بايجابية ورح تحصل على أوقات حلوة ممكن بسفر ومعارف جديدة وحتى تفكر تتعلم شي جديد وبتكون قريب من الكل ..
عاطفيا .. عم ترجع الامور مع الشريك افضل وتحسن بوضعك العاطفي وحب جديد ممكن ..
■النسبة المئوية :
●مهنيا : %84 ●ماليا : %85 ●عاطفيا : %83 ●صحيا : %80
