رصد نيوز
القمر مكمل ببرج الجدي ♑
#الحمل ♈
عندك فرص لشغل ولقاءات مهمة هاليوم ..
يوم بيحتاج منك تكون دبلماسي لتقدر تصل لهدفك وبدك تعمل شي بس ماعم تعرف الطريقة ومشتت حاول تكون منتبه وخاصة بتعاملك مع المسؤولين وعندك فرصة لتلاقي شغل وتفكر تعمل شي غير بحياتك وحتى الوضع العام عم يكون رغم التوتر في تحسن ..
عاطفيا .. ماتزعل على غياب الحبيب عنك وبرأيي قلة الاهتمام والاهمال بالحب متعبين ..
■النسبة المئوية :
●مهنيا : %75 ●ماليا : %69 ●عاطفيا : %77 ●صحيا : %70
#الثور ♉
فرص اللقاءات الجديدة والسفر حاضرة عندك ..
يوم داعم الك وعندك نشاط كبير وتطورات بهالفترة وبتسافر او بتعمل قصة جديدة متل رياضة او دراسة بهالوقت وعم تتعامل مع ناس غريبة عنك وتتواصل معن وهالشي بقدملك فائدة حاول تكون متفائل ويوم ايجابي الك وفي حلول بعد ايام متعبة مرت عليك ..
عاطفيا .. قدرتك على التواصل عم تعطيك جاذبية من الجنس الآخر فاستغل هالشي ..
■النسبة المئوية :
●مهنيا : %84 ●ماليا : %79 ●عاطفيا : %89 ●صحيا : %81
#الجوزاء ♊
عم ترتاح نسبيا وناطرتك قصة مالية ..
وضعك أفضل وتحسن نسبي وتطورات بتدعم مصالحات عندك وعم تفكر اكتر شي بالمال وخاصة اذا كنت عملت شراكة مع حدا وبدك تحصل على اجرك منها وكمان عم تزيد المصاريف عندك وحلول لمشاكل قضائية واستشفائية بهاليوم ورح تكون اريح بالمجمل ..
عاطفيا .. اتخذ قرارك بخصوص العلاقة ولاتضل معلق حالك لأن انت مو بحاجة تعب اكبر ..
■النسبة المئوية :
●مهنيا : %70 ●ماليا : %77 ●عاطفيا : %74 ●صحيا : %71
#السرطان ♋
مدايق وحساسيتك عالية فانتبه وهدي..
مو مرتاح وحاول تعرف تسير نهارك وتطور بشراكات ناطرتك ومو مرتاح فبتحس حالك مرهق و اعصابك تعبانة واي حركة عم تزعجك وتعصبك فلازم الكل يقدر هالشي وانت بحاجة انتباه والمهم انت ابتعد عن استفزاز حدا وهدي حالك بهاليوم وفرصة لتتم شراكة اذا بدك ..
عاطفيا .. تفكير كبير بالارتباط بس ماعم تزبط معك وهالشي عملك حالة من اليأس وصار بدك حل ..
■النسبة المئوية :
●مهنيا : %62 ●ماليا : %61 ●عاطفيا : %64 ●صحيا : %66
#الأسد ♌
عم تتأثر صحتك ويوم بدو ترتيب بشغلك ..
عندك قصة صحية شاغلتك ويمكن تبدا شغل بشركة فرتب اوضاعك بهاليوم وبتشعر بضغوط كبيرة بالشغل وتراكمات بتطلع فجأة وبتزيد عليك المسؤوليات وحاول تكون جاهز وانتبهلي لراحتك وصحتك حتى ماتأثر عليك ولازم ترتب كل شي حتى ماتتأخر ..
عاطفيا .. يمكن عم تفكر تنهي علاقة ما وهالشي عم يأثر على نفسيتك حاول تدرس الامور منيح قبل ماتقرر ..
■النسبة المئوية :
●مهنيا : %64 ●ماليا : %61 ●عاطفيا : %60 ●صحيا : %58
#العذراء ♍
عندك فرص مهمة وخبر بفرحك مهني وعاطفي ..
من الأيام الحلوة استغلها وبتكون محاط بالمحبين بهاليوم وعندك يوم ايجابي الحظوظ داعمة الك رغم كل شي مر عليك بهالشهر وعندك الحظ والفرص حاول تستفيد من كل دقيقة بهاليوم وادفع بمصالحك واستغل اي مشروع لان يوم منيح ضمن وضعك هالشهر ..
عاطفيا .. حاول تعيش اوقات رومنسية والحب عم يرجع فبادر واستغل حضورك ..
■النسبة المئوية :
●مهنيا : %83 ●ماليا : %82 ●عاطفيا : %89 ●صحيا : %85
#الميزان ♎
في توتر بالبيت وتغييرات عم تحصل ..
يوم بدو تعامل صحيح وعم تكابر كتير على حالك وحاول تصل لحلول بوضعك بالبيت وعندك تصليحات لازمة فبدي منك تروق لأن عم تطلع عندك مشكلة بالبيت وعم تطر تتحمل المسؤولية فخليك هادي وحل الامور برواق وانتبه لأهلك وصحتك ..
عاطفيا .. انت معرض لحالات من الانفعال وهالشي بسبب مشاكل عاطفية والشريك ماعم يفهم ولا يقدر ..
■النسبة المئوية :
●مهنيا : %67 ●ماليا : %70 ●عاطفيا : %63 ●صحيا : %60
#العقرب ♏
يوم بيدعم اللقاءات والنجاح وفي تواصل أفضل ..
اطمن وضعك منيح وانت عم تثبت حالك ويوم بيدعمك للتواصل وكمان بساعدك وبترتاح فيه من حالة الضغط يلي مريت فيها وبتحس انو رجعتلك طاقتك وبصير في حرية اكتر بالتعبير عندك بتفكر تسافر وتغير جو وبتتواصل مع محيطك بشكل افضل بكتير وبتكون مقنع ..
عاطفيا .. لاتسمع للاجواء المشحونة تخرب وضعك وخليك واثق بانك قادر تقنع الشريك بحبك اليوم ..
■النسبة المئوية :
●مهنيا : %75 ●ماليا : %74 ●عاطفيا : %82 ●صحيا : %71
#القوس ♐
امور مالية شاغلتك وضب ايدك هالفترة ..
لازم تتعامل صح وترتب امورك المالية وحاول تدور عشغل جديد لأن عم تصرف كتير بهاليوم فضب ايدك ومو كتير مرتاح هالفترة عندك ضغوط كبيرة مالية وعم تفكر من وين بدك تعوض النقص وكيف تبدا وتحل القصة وانتبه كمان لمصروفك وممكن تحصل على مبلغ مالي بهاليوم ..
عاطفيا .. مافي شي عم يكمل معك وحاسس حالك متل الضايع وصار الحب ضغط عليك ..
■النسبة المئوية :
●مهنيا : %69 ●ماليا : %82 ●عاطفيا : %77 ●صحيا : %71
#الجدي ♑
يوم بيدعمك لترجع مكانتك وتحسن وضعك ..
تطورات ايجابية بهاليوم وانت بحال أفضل وعم تفرض حالك هاليوم ومرتاح وطاقتك عالية ومميز وعم تطلع من تعبك تدريجيا وتكون أفضل بشكل كبير انت اليوم قادر تحط حد لكل شي ماضي وتفتح صفحة جديدة غير واقعك والحظ معك وطاقتك عالية فلا تخاف ..
عاطفيا .. استفيد من وجود القمر ببرجك لتحصل على فرص جديدة او ترجع شراكة قديمة الك بهاليوم ..
■النسبة المئوية :
●مهنيا : %90 ●ماليا : %86 ●عاطفيا : %88 ●صحيا : %81
#الدلو ♒
حاول تهدي لأن في ظروف بتعاكسك هاليوم ..
لازم تتصرف صح وتنتبه من المحيطين فيك وخاصة المقربين و مدايق من بعض الأمور وحالة نفسية سيئة عم تسيطر عليك بتخليك تفكر تنهي كل شي بدي منك تصبر هاليوم بس وتكون بعيد عن كل شي ممكن يوترك ويتعبك ورح يمر بس بدا رواق وعدم انفعال ..
عاطفيا .. لاتسمح للضغوط تضعفك ولاتخلي الشريك يكوم سبب بزيادة زعلك مافي شي بيستاهل ..
■النسبة المئوية :
●مهنيا : %61 ●ماليا : %62 ●عاطفيا : %63 ●صحيا : %65
#الحوت ♓
أجواء اجتماعية لتشوف اشخاص بتحبا بهاليوم ..
عندك شعبية عم تزيد ويوم بتلاقي كتير ناس معك وانت افضل وعم تدخل يوم منيح باللقاءات والمناسبات الاجتماعية استغل تواجد الاصدقاء معك ودعمن الك بهالفترة وعزز علاقاتك مع يلي بتحبن ويمكن عم تعرف اشخاص جدد وهالشي عم يريحك نسبيا وبالشغل ..
عاطفيا .. ماعم يقدر الشريك ظروفك وهالشي عم يزيد التعب عليك بهالفترة ..
■النسبة المئوية :
●مهنيا : %75 ●ماليا : %73 ●عاطفيا : %80 ●صحيا : %68
