رصد نيوز
القمر بكمل ببرج السرطان ♋
#الحمل ♈
تغيير سكن وشغل وموضوع عائلي بيشغلك ..
خليك رايق وماتنفعل وانتبه من المقربين وفي قصة عائلية ممكن تتجدد وماعم تعرف مين بدك ترضي والكل متوتر حاول تهدي الأجواء ودير بالك على صحة الأهل ويوم رح يمر بس حاول تخفف حساسيتك بهي المواضيع المصيرية عندك وكمان في شي بخص سكن او عقار عندك ..
عاطفيا .. بدي منك تركز على حبك وماتخلي وضعك يأثر على علاقتك بالشريك بهي الفترة ..
■النسبة المئوية :
●مهنيا : %65 ●ماليا : %62 ●عاطفيا : %67 ●صحيا : %60
#الثور ♉
لقاءات بتعزز من مكانتك وسفر واتصالات ..
عندك يوم جيد نسبيا وتطورات كتيرة وحلول بمجال الاوراق والدراسة وقادر تقنع ويكون الك طلة مميزة وحضور كمان فيك تسافر او تتلقى اتصالات كتير يعني انت محور العلاقات بهاليوم كمان عندك قصة بتخص موبايل او سيارة اذا عندك واكيد انتبه من الحوادث ..
عاطفيا .. يوم منيح وكتير في تواصل حلو مع الشريك بهيك يوم ولقاء بيسعدك ..
■النسبة المئوية :
●مهنيا : %76 ●ماليا : %75 ●عاطفيا : %70 ●صحيا : %72
#الجوزاء ♊
موضوع مالي شاغلك وبتحتاج مال وبتفكر بمشروع ..
بتفكر بموضوع مالي او بخص ممتلكاتك وعم تحتاج مال وكتير عندك قصص لازم تعيد حسابها ويومك عم يكون لتفكر بشو الك وشو عليك من التزامات مالية يمكن تكون بحاجة ويمكن لازم تدفع لشخص وناطر مبلغ يجيك المهم بدي منك تفكر بشغل جديد ورح تنجح بهي الفترة ..
عاطفيا .. الوضع العاطفي عندك عم يكون متقلب وماعم تعرف تاخد قرار بدي منك تروق وفي هدية ممكن تجيك ..
■النسبة المئوية :
●مهنيا : %72 ●ماليا : %82 ●عاطفيا : %70 ●صحيا : %73
#السرطان ♋
اعلى طاقة لتنطلق وتبدا من جديد..
كلك طاقة وعم تكون مشرق ومميز وبتطلع من تعبك وعندك يوم مميز بحظ وانطلاقة جديدة جواتك الأمور جيدة لاتخاف وفكر كيف تغير بأمورك اليوم تخلص من الماضي وفكر ببكرا بخطوات جديدة واهدافك رح تكون قدامك وعندك ناس رح تساعدك وغير بشكلك ..
عاطفيا .. جاذبيتك عالية بهاليوم وعم تكون مليان طاقة حاول تفكر بحب جديد او تحسن علاقتك بالشريك ..
■النسبة المئوية :
●مهنيا : %95 ●ماليا : %84 ●عاطفيا : %87 ●صحيا : %81
#الأسد ♌
هدي ولاتتسرع بيومك لأن في تأجيل ..
مو مرتاح بشي وبتحس بوحدة وماعم يخدمك هاد اليوم مشان هيك بدي تهدي وماتخاف يوم ورح يمر وترجع فيه أمورك افضل بكتير يمكن اليوم تتأجل فيه أمورك وتحسا مسكرة بوجهك وشاكك بكتير ناس طبيعي هاد الشي لاتخاف يوم ويمر وكل شي رح يتغير للأفضل عندك ..
عاطفيا .. حاول تكون حذر بمشاعرك لان مو الكل بيستاهلو حبك وتأكد من مشاعر الشريك بالأول ..
■النسبة المئوية :
●مهنيا : %58 ●ماليا : %63 ●عاطفيا : %60 ●صحيا : %59
#العذراء ♍
عزيمة ولقاء بصديق ومساعدة لتحقيق هدف ..
عندك مساعدة بتحسن وضعك وعم تكون بوضع جيد للعلاقات وانت مميز بحضورك وعم يكون يومك حافل بلقاءات حلوة مع اصدقاء بترتاح معن ممكن كتير تنعزم على اكل او قهوة مع حدا ورح يكون فيك تطلب مساعدة بهاليوم تتلبى بالمجمل لاتبقى لحالك وفكر كيف تعبي وقتك ..
عاطفيا .. عم تقدر تكون مميز بطلتك وعندك جاذبية بين الكل بهيك يوم ..
■النسبة المئوية :
●مهنيا : %78 ●ماليا : %68 ●عاطفيا : %73 ●صحيا : %66
#الميزان ♎
لقاءات مهمة شهرة ومنصب او ترقية ..
كتير قصص مهمة بيومك ومصيرية وبتكون العيون عليك وعم تكون على موعد مع مسؤوليات جديدة وامور مصيرية حاول تنجز كل شي وانتبه بتعاملك مع المسؤولين عنك وحاول ماتخالف القوانين ورح تنجح وتصل وممكن ترقية او منصب للبعض وشهرة كمان ..
عاطفيا .. عندك يوم متقلب عم تكون فيه مو مرتاح كتير من تعامل الشريك وممكن حب من شخص مهم ..
■النسبة المئوية :
●مهنيا : %72 ●ماليا : %66 ●عاطفيا : %69 ●صحيا : %63
#العقرب ♏
بتتعرف على ناس وبكون في سفر ودراسة ..
يوم لمعارف جديدة وعم تكون أفضل وبتتخلص من كتير من التعب وانت ساحر ويوم داعم بشكل كبير الك بقدملك الفائدة والتطورات الحلوة بسفر او علم جديد او حتى ناس جديدة بتدخل حياتك وبتتعرف عليها مشان هيك كون جاهز وحسن من وضعك العام بكل شي ..
عاطفيا .. قادر بهاليوم تكون محط انظار كتار وتصل للمكان يلي بتطمح الو بعلاقاتك ..
■النسبة المئوية :
●مهنيا : %86 ●ماليا : %84 ●عاطفيا : %89 ●صحيا : %81
#القوس ♐
اخبار بتخص مال وحلول قانونية وشفائية ..
عندك تطورات ايجابية وبدي منك تروق وتحاول تسير الأمور لصالحك بهاليوم وفكر بحلول وكمان هاليوم لتحصل على مال أو لتحل مشكلة كانت قبل بالمجمل عندك يوم أريح وعم تحس انك عم تستعيد عافيتك مشان هيك فكر كيف تصل لصيغة تفاهم مع المحيطين فيك ..
عاطفيا .. يوم افضل عم يكون في مشاعر حلوة وقوية تجاه الشريك وعم تطور العلاقة ..
■النسبة المئوية :
●مهنيا : %67 ●ماليا : %75 ●عاطفيا : %73 ●صحيا : %67
#الجدي ♑
توتر كبير وضغط وشراكات ونهايات ..
حاول تكون هادي وبدي منك تبعدلي اول شي عن المواجهات والأهم فيه انك عم تكتشف ناس على حقيقتها كنت مفكرن أصدقاء وبيطلعوا اعداء انتبه ومرقلي هاليوم لان الكل عم يكون ضدك وفترة وبتمر واذا عندك شراكة جديدة فوت فيها وكمل لكن بحذر ويمكن تمضي عقد ..
عاطفيا .. عندك كتير عصبية بهاليوم لكن فرصة لتتم ارتباط او شراكة مع شخص بتحبو وبترتحلو ونهاية علاقة واردة ..
■النسبة المئوية :
●مهنيا : %60 ●ماليا : %63 ●عاطفيا : %66 ●صحيا : %59
#الدلو ♒
مسؤوليات بشغل وبتحس بارهاق وتعب صحي ..
كتير قصص عندك فحاول تسرع وتشتغل بتنظيم وبنفس الوقت تحاول ترتاح وكون حذر وخلص أمور شغلك بوقتا ولا تهمل الضروري منها بهاليوم وبالمجمل وضعك في ضغط ومسؤوليات بس منيح وكمان اذا مريض لاتخاف مرض مؤقت بس ريح حالك وراعي صحتك ..
عاطفيا .. حاول ماتعتب على حدا واترك الشريك للأيام ولحالو رح يفهمك وقرب وجهات النظر ..
■النسبة المئوية :
●مهنيا : %65 ●ماليا : %64 ●عاطفيا : %62 ●صحيا : %61
#الحوت ♓
عاطفة افضل وقصة بتخص طفل وحظ ..
عندك حلول عائلية وعم تقدر تصل بهاليوم وبتتغير الأمور لصالحك ومن أفضل الايام لتفكر بطفل او تقضي اوقات حلوة و مشان هيك بدي منك تستغلو وتحسن وضعك فيه كمان الحظوظ عم تكون معك ومساعدة لتنجح وتصل وتستغل فرص مناسبة لنجاحك ..
عاطفيا .. بدي منك تتقرب من الشريك بهاليوم لان الحظ معك وحليان وجاذبيتك عالية ورجعة حب قديم عندك ..
■النسبة المئوية :
●مهنيا : %85 ●ماليا : %83 ●عاطفيا : %90 ●صحيا : %81
