رصد نيوز
القمر عم يكمل بالعقرب ♏
#الحمل ♈
بتنحل الأوضاع نسبيا وبتصرف مال على أهلك ..
يومك أريح وبتتجاوز فترة صعبة مريت فيها و عم تحل بعض المشاكل يلي كانت تاعبتك وفي مال ممكن تحصل عليه من شراكة وبتحس بارتياح نسبي بوضعك العام ويمكن عم تدفع مال لحدا من أهلك ..
♡ عاطفيا : اجواء حلوة لبعض وداعمة بهاليوم وفي تحسن بوضع العلاقة ..
■النسبة المئوية :
●مهنيا : %65 ●ماليا : %74 ●عاطفيا : %70 ●صحيا : %69
#الثور ♉
ممكن شراكة وارتباط للبعض بس التوتر كبير ..
يوم في ضغط كبير عليك فخليك دبلماسي وهدي انت بوضع ضعيف بطاقتك مشان هيك اي مواجهة الافضل تتجنبها ليمر بسلام وحتى ماتفقد شغلك وفيك تبدا شغل على اساس شراكة وعقد شغل ..
♡ عاطفيا : الشراكة العاطفية عندك منيحة كارتباط بس مابعرف لي بحس انو في مشاكل ممكن يعانو منها المرتبطين بهاليوم ..
■النسبة المئوية :
●مهنيا : %60 ●ماليا : %61 ●عاطفيا : %65 ●صحيا : %63
#الجوزاء ♊
بداية مسؤوليات جديدة لشغل وقصة صحية ..
بتحس بتعب وارهاق وكسل هاليوم وكتير أمورك لازم تخلصها وعم يبدا يومك بكتير قصص كمان لازم تتبع نظام غذائي وصحي حتى تحافظ على صحتك وأهم شي ماتخلي الشغل يتراكم وترتاح كمان ..
♡ عاطفيا : انت بحاجة لحب حقيقي بهاليوم ويفضل الشريك يهتم ويقدر ظروفك أكيد ..
■النسبة المئوية :
●مهنيا : %62 ●ماليا : %63 ●عاطفيا : %65 ●صحيا : %58
#السرطان ♋
الحب أفضل عندك وتطورات وحلول ناطرتك ..
الحظ معك بكون وبترتاح هاليوم وعم تدخل نهار حلو بمعنى الكلمة بتلافي فيه حالك عم تسمع اخبار حلوة وتحسن بوضعك العام وفرص لشغل جديد وكمان مال وحتى بتنشغل بقصص بتخص الاطفال ..
♡ عاطفيا : من أفضل أيامك العاطفية لتغير وضعك والشريك بكون قريب منك ..
■النسبة المئوية :
●مهنيا : %82 ●ماليا : %85 ●عاطفيا : %88 ●صحيا : %80
#الأسد ♌
أجواء مزعجة بجو البيت والشغل فانتبه ..
ماحدا عم يقدر تعبك وماعم ترتاح بجو العيلة عندك و عم ينشغل بالك على أهلك وعم تكون منفعل زيادة بدي منك تفكر بحل الأمور برواق لأن في قصة بتجمع عليها العيلة انشالله لخير وانتبه من الضغط وصحيا ..
♡ عاطفيا : وضعك العاطفي كتير عم يتعبك يمكن لازم تحل شوي من قصص البيت لترتاح مع الشريك ..
■النسبة المئوية :
●مهنيا : %63 ●ماليا : %68 ●عاطفيا : %62 ●صحيا : %60
#العذراء ♍
عندك لقاءات حلوة وناس لكن انتبه من الحوادث ..
تحسن كبير بعلاقاتك وعم تكون قادر تخلص عمل كتير بوقت قليل وفيك تسافر كمان اليوم لكن انتبه من حوادث السير او من قصص بتخص موبايلك وكمان لازم تهتم بحدا من اخواتك ويوم حلو بالمجمل .
♡ عاطفيا : تعامل بهدوء مع الشريك ويمكن تتعرف على شخص جديد يدق قلبك الو ..
■النسبة المئوية :
●مهنيا : %74 ●ماليا : %70 ●عاطفيا : %75 ●صحيا : %72
#الميزان ♎
شغل جديد بحسن وضعك المالي ..
عندك التزامات مالية ولازم تدرس منيح كل شي بخص الوضع عندك وكمان تعيد حساباتك بوضعك المالي واذا ناطر مبلغ ممكن يجيك بس حاول تفكر بشغل جديد حتى تدعم مواردك وكمان ضب ايدك بالصرف ..
♡ عاطفيا : عندك شوية احساس بانو الشريك بعيد عنك وعم تضوج من الاهمال احيانا ..
■النسبة المئوية :
●مهنيا : %67 ●ماليا : %77 ●عاطفيا : %73 ●صحيا : %75
#العقرب ♏
في تحسن بوضعك واخبار حلوة وطاقة ..
بتلتقى اشخاص جدد وعم تغير وضعك للأحسن ويوم من الأيام يلي بتوضح عندك فيها الامور المهنية والعائلية بعد ما تعبتك كتير اخر فترة وبتحط حد للحكي والمشاكل ولازم تحسم وضعك بالشي يلي بناسبك ..
♡ عاطفيا : حاول تهدي لان العلاقة يلي تاعبتك بلاها احسن وفكر بحب يريحك وارتباط للبعض ..
■النسبة المئوية :
●مهنيا : %92 ●ماليا : %80 ●عاطفيا : %86 ●صحيا : %78
#القوس ♐
في قصص مالية وقانونية بتشغلك ومو رايق ..
قصة مالية وبتخص أوراق بتكركبك وماحدا عم يقدر حجم تعبك او حتى عم يريحك التعامل معو بتحس انك بمتاهة وفي مشكلة بالتواصل ولازم تنتبه ولاتعطي اهمية لكلام الناس ومرقلي هالنهار بدون انفعال ..
♡ عاطفيا : كتير امور بتحصل بتخليك تفقد الأمل بامكانية الحلول معليش روق وتركها للايام ..
■النسبة المئوية :
●مهنيا : %62 ●ماليا : %63 ●عاطفيا : %66 ●صحيا : %59
#الجدي ♑
صديق بساعدك لتجتاز ازمة ولقاء بحدت غالي ..
في صديق بساعدك وأجواء اجتماعية عندك وبكون يومك منيح مع الناس الكتير يلي عم تدعمك وتحكيك وعم تلتقي اصدقاء من زمان ماشفتن وتحضر عزيمة او مناسبة اجتماعية وتحصل على الدعم ..
♡ عاطفيا : حاول تصلح المشاكل مع الشريك وجاذبيتك مرتفعة بهاليوم فاستغل هالشي ..
■النسبة المئوية :
●مهنيا : %72 ●ماليا : %71 ●عاطفيا : %77 ●صحيا : %75
#الدلو ♒
ساير بيومك وكون مستعد لامتحان الك ..
العيون عليك بالشغل ويوم مصيري عندك من حيث التعامل مع الناس فانتبه وكون دقيق وشاطر لتصل للمكانة يلي بتطمحلها او المنصب وحتى يمكن عم تستلم شغل جديد بهاد اليوم بس لاتخالف القوانين ..
♡ عاطفيا : انت بوضع جيد نسبيا اذا عرفت كيف تتصرف مع الشريك بهالفترة ..
■النسبة المئوية :
●مهنيا : %71 ●ماليا : %68 ●عاطفيا : %74 ●صحيا : %72
#الحوت ♓
يوم بيدعمك بتواصل وسفر ولقاءات حلوة ..
بتحل قصة بالبيت وبتكون أفضل بكتير هاليوم ولازم تستغل هيك فترة لتطور بوضعك مع محيطك القريب والبعيد لان بتشوف اشخاص جدد ويمكن تسافر وتتلقى اتصالات بعيدة وانتبه اثناء سفرك وجهز منيح ..
♡ عاطفيا : يمكن بهاليوم عم تتعرف على أشخاص جديدة ويكون في تقارب سريع بوجهات النظر معن واعجاب ممكن ..
■النسبة المئوية :
●مهنيا : %85 ●ماليا : %83 ●عاطفيا : %88 ●صحيا : %84
