رصد نيوز
القمر ببرج الجدي الضهر عالدلو ♒
خسوف جزئي للقمر في برج الجدي والتفاصيل نهاية البوست 👇👇
#الحمل ♈
يوم ببلش بشوية ضغط ومن الضهر افضل الوضع ..
كنت مضغوط والصبح عم يكون في قصص عم تزعجك وكلام الناس مو عاجبك بيتغير وضعك بعد الضهر لتكون اجتماعي متحرك وتعاملك حلو مع محيطك بتقدر بهاليوم توصل لافضل النتائج بصداقاتك ..
عاطفيا .. خليك رايق ولا وتزيد التوتر وخلي الامور تمشي وكل شي رح ينحل وامورك بتصير تمام
■النسبة المئوية :
●مهنيا : %67 ●ماليا : %70 ●عاطفيا : %73 ●صحيا : %68
#الثور ♉
يوم جيد بعلاقات وشغل بس ركز ..
عم تقنع بحضورك عندك اوقات منيحة الك خلص شغلك وعندك انجاز واخبار ناطرتك وبعد الضهر عندك أوقات صعبة حاول تهدي ولا تتوتر وبعد عن العصبية وفترة مناسبة لتلاقي شغل جديد ما تشغل بالك ..
عاطفيا .. اتصالات حلوة من الغايبين بتسعدك بس المسا بتحس بخيبة امل وما حدا عم يفهمك ومشاكل مع ناس قريبة منك
■النسبة المئوية :
●مهنيا : %74 ●ماليا : %73 ●عاطفيا : %79 ●صحيا : %71
#الجوزاء ♊
امور مالية وحلول ولقاءات جديدة بيومك ..
بتتحسن حالتك ونهارك في حلول وبعد الضهر بتتغير امورك وبتسمع اخبار حلوة وبترجع الضحكة لوجهك وقادر انت تنجز بهالفترة وتدفع بمصالحك لقدام ولاقي حل لمشاكلك بطريقة هادية وامور عم تتحسن ..
عاطفيا .. حاول تستغل نهارك وخاصة المسا ورجع الامور لطبيعتها انت ساحر وجذاب استغل هالشي
■النسبة المئوية :
●مهنيا : %76 ●ماليا : %70 ●عاطفيا : %77 ●صحيا : %74
#السرطان ♋
بتتحسن اوضاعك من الضهر ومال وقصص ..
الصبح بتكون متوتر ومن بعد الضهر حاول تنتبه لوضع المال خاصة بقصص الشراكة وخليك هادي وعندك ربح مادي بس مصروفك زايد وممكن تحتاج مبلغ مالي وامورك احسن وحلول لمشكلة ..
عاطفيا .. بيتحسن وضعك المسا وبتزول المشاكل ورح تسمع خبر يريحك وفرص ارتباط للبعض صباحا ..
■النسبة المئوية :
●مهنيا : %65 ●ماليا : %69 ●عاطفيا : %62 ●صحيا : %71
#الأسد ♌
شغل عندك وشراكات وقصة صحية فانتبه ..
بتبدا يوم طويل وعندك كتير قصص الصبح ووعكة صحية ومن بعد الضهر بتدخل بقصة شراكة وتوقيع عقد فحاول تروق وتهدى وحافظ على سمعتك عم تشغلك امور بدها دبلماسية لتنحل ..
عاطفيا .. في قصص عم تكبر فانتبه وحاول ترتاح وتفضى شوي للحبيب وكون معو لتهدو التوتر يلي بينكن وفرصة خطبة او ارتباط للبعض ..
■النسبة المئوية :
●مهنيا : %63 ●ماليا : %59 ●عاطفيا : %68 ●صحيا : %62
#العذراء ♍
وضعك تمام صباحا وشغل وقصة صحية بتشغل..
منيح وضعك الصبح وقصص عم تفرحك ومن بعد الضهر ببلش يسيطر عليك التعب بزيد شغلك حاول تنظم وقتك واكلك لتلحق وانتبهلي لصحتك لان فترة متعبة الك ولا تتكاسل وعندك شغل جديد بدو همتك ..
عاطفيا .. في تفكير بحب قديم رغم وجود عروض حب جديدة عم تحاول تفتش عالاستقرار العاطفي والرضا بعلاقتك مع الحبيب
■النسبة المئوية :
●مهنيا : %71 ●ماليا : %72 ●عاطفيا : %80 ●صحيا : %68
#الميزان ♎
امور مصيرية بتشغل ومن الضهر بتتحسن اوضاعك ..
حاول تروق بداية النهار ومن بعد الضهر بتقدر تطلع من حالتك بس انتبهلي على امورك المالية وخليك رايق وحاول تستغل هالفترة لترجع الامور لطبيعتها وانت نشيط وعندك طاقة كافية لتنهي امورك ..
عاطفيا .. القلق والحيرة يلي كانت ملازمتك بالنهار بتتغير بالليل وبتفكر تتقرب من احبابك وتعزز علاقاتك بمحيطك ..
■النسبة المئوية :
●مهنيا : %72 ●ماليا : %80 ●عاطفيا : %85 ●صحيا : %76
#العقرب ♏
يوم منيح بس انتبه لعيلتك وبيتك ..
الصبح بتعرف كيف توصل كلمتك وبعد الضهر بتشغلك امور العيلة والبيت حاول تروق وتخفف عصبية هالفترة لازم تكون قد المسؤولية لأن عيلتك بحاجتك هالفترة اهدى وخليك حكيم بمحيطك ..
عاطفيا .. لقاء رومنسي بالنهار بيعطيك شوية حب وسعادة والمسا بتحس بالحيرة وتناقض بافكارك هالفترة ..
■النسبة المئوية :
●مهنيا : %67 ●ماليا : %70 ●عاطفيا : %73 ●صحيا : %64
#القوس ♐
شغل ووضع مالي وتواصل ولقاءات عندك ..
بتشغلك الامور المهنية بالنهار وامور الشغل اما بعد الضهر بتكون بحال افضل بتستعيد قدرتك على الحوار وبترجع لنشاطك وحيويتك نسبيا حاول تستفيد من هالفترة لتحسن وضعك والظروف ملائمة للنجاح ..
عاطفيا .. اوقات حلوة عم تدق بابك حاول تستغلا ولا تتعب حالك بالتفكير طول الوقت فيك تطلع رحلة او مشوار مع الحبيب
■النسبة المئوية :
●مهنيا : %76 ●ماليا : %72 ●عاطفيا : %78 ●صحيا : %74
#الجدي ♑
ركز بخياراتك المالية وانهي تعب العلاقات ..
تغييرات بتدعمك هاليوم وبداية نهار بتكون بطاقة وكمان بتنقلب عليك بعد الضهر لفرص مالية ومكاسب مهمة وممكن تحصل على تعويض او مبلغ مالي بس خليك واضح وانتبهلي من زيادة مصروفك وروق ..
عاطفيا .. فرص عاطفية وتفكير بانهاء علاقة ويوم لتغير بعلاقاتك وتكون أفضل بحضورك ..
■النسبة المئوية :
●مهنيا : %77 ●ماليا : %84 ●عاطفيا : %82 ●صحيا : 78%
#الدلو ♒
تطورات حلوة من الضهر بشغل وتحسن كبير ..
الصبح بتكون تعبان فاصبر وبعد الضهر بيرجعلك النشاط وبيدعمك الحظ انسى الماضي وافتح صفحة جديدة وحاول تدعم مكانتك وغير الامور لصالحك خليك مبادر بهالفترة وعندك بداية شغل ممكنة ..
عاطفيا .. الوضع العاطفي عندك رح يشهد تحسن بالعلاقات وممكن حلول المسا وفرص ارتباط ..
■النسبة المئوية :
●مهنيا : %83 ●ماليا : %82 ●عاطفيا : %87 ●صحيا : %84
#الحوت ♓
يوم بدو تنتبه وخفف ثقتك بالناس من الضهر ..
عندك الصبح علاقات وعزايم ولقاءات وبعد الضهر انتبه لصحتك بهالفترة رح تكون صعبة عليك وحاول ما تحسم شي وخلي هالفترة تعدي على خير وانتبهلي لسمعتك وشغلك ولا تكبر الامور وداري صحتك ..
عاطفيا .. استغل صبحية اليوم لتكون مع الشريك او لتتعرف على شخص جديد وروق المسا ..
■النسبة المئوية :
●مهنيا : %62 ●ماليا : %60 ●عاطفيا : %66 ●صحيا : %63
#خسوف_القمر_في_الجدي ♑
نحنا بحاجة هي الفترة لننهي تعلقنا بالماضي ونبدا من جديد ونفكر كيف نطلع من الحالة النفسية يلي عم نعيشها ومانخالف القوانين ولا نتعامل باستفزاز مع اي سلطة كانت اب او رب عمل أو مسؤول عنا او حدا شخص عندو سلطة ونحاول نفكر بايجابية وننتبه من الكلام الغير مسؤول ومن تشويه السمعة..
اما بالنسبة للابراج..
لازم ينتبه الحمل من قصص الشغل وتشويه السمعة والتعامل مع المسؤولين وتشويه السمعة..
اما الثور لازم ينتبه بالسفر من الحوادث وبالعلاقات العامة وممكن يكون نقطة تغيير او سفر الن..
الجوزاء لازم ينتبه بقضايا الاوراق والقصص المالية يلي بتخص شراكة از ميراث او من خسارة شخص غالي ..
السرطان لازم ينتبه لان في ناس عم تحط حد لعلاقاتها وتكون النهاية والتوتر كبير..
الأسد لازم ينتبه صحيا ويلتزم بوضع الشغل حتى مايخسر شغلو بهالفترة..
العذراء لازم ينتبه بموضوع العاطفة وكمان الاطفال..
الميزان انتبه بقصصك العقارية ويلي بتخص الأهل لان لازم تكون حذر وماتتسرع بالبيع والشراء..
العقرب فكر بتواصل افضل وانتبه منيح من الحوادث واعطال الموبايل ولاتبيع او تشتري سيارة او موبايل..
القوس امور مالية بتشغلك وممكن تتعرض لاحتيال من حدا فانتبه..
الجدي فكرة التغيير مهمة هالفترة وحاول تعمل تصفية للناس بحياتك لترتاح..
الدلو انتبه من خيبة امل من بعض الأشخاص يلي كانو موثوقين عندك وصحيا كمان..
الحوت انتبه من علاقاتك مع الاصدقاء لان ممكن تخسر صديق كان غالي عليك..
