رصد نيوز
القمر بيستمر ببرج الدلو ♒
#الحمل ♈
تطورات حلوة وعندك لمة عيلة وأصحاب ..
استغل هاليوم بتعزيز العلاقات والروابط الاجتماعية ومن الأيام يلي بتحملك تطورات على صعيد الاصدقاء يلي بتكتر لقاءاتك معن لكن ضمن هاليوم يلي بكون حافل بكتير قصص و بتحس انك مرتاح نسبيا ..
عاطفيا .. ابتعد عن المجازفات بالحب وخليك عقلاني شوي هالفترة ورح ترتاح ..
■النسبة المئوية :
●مهنيا : %76 ●ماليا : %68 ●عاطفيا : %70 ●صحيا : %66
#الثور ♉
عم تكون بوضع مصيري بالبيت وبدك حلول ..
كتير قصص عم تكون مصيرية بالبيت وبوضعك ورغم كل شي يوم بيحملك فرص شغل مهمة وعم يشهد يومك كتير من التوتر بعلاقاتك خاصة بمجال الشغل وعم تحس انو في ناس بدها تخرب عليك ..
عاطفيا .. انت بعيد عن الاستقرار بعاطفتك وهالشي ماعم يساعدك لتريح قلبك ..
■النسبة المئوية :
●مهنيا : %69 ●ماليا : %64 ●عاطفيا : %70 ●صحيا : %72
#الجوزاء ♊
في قدرات جيدة بتواصل ولتنجح بيومك ..
كتير من اللقاءات الجديدة والتطورات الحلوة عندك وانت بوضع جيد نسبيا وعم تطلع شوي شوي من توترك وتعبك وعم تكون مرتاح بهاليوم وعم تجيك فرصة للسفر او لتبدا شي جديد وعندك أخبار بتسعدك ..
عاطفيا .. عندك كتير ناس بتشوفن وممكن يدق قلبك لشخص جديد بهاليوم ..
■النسبة المئوية :
●مهنيا : %86 ●ماليا : %82 ●عاطفيا : %85 ●صحيا : %80
#السرطان ♋
الوضع أفضل وبترتاح وبتحصل على مال ..
عندك ارتياح نسبي بالبيت وماليا عم تفكر بحلول ويمكن تحصل على مبلغ وعم تحس بأنو في حلول جاية وبتحل قضية كانت شاغلتك وعندك تطورات بقصة كانت شاغلتك لتبلش تنحل فاطمن ..
عاطفيا .. لا تكون بعيد عن الشريك وحاول تقرب وجهات النظر حتى ترجعو ..
■النسبة المئوية :
●مهنيا : %68 ●ماليا : %78 ●عاطفيا : %70 ●صحيا : %75
#الأسد ♌
خليك دبلماسي وحاول تهدي بعلاقاتك ..
انت قدام ضغط من الناس بتعاملن معك وعم تحس انو ماحدا عم يساعدك او يقدر يلي عم تعملو وخاصة من الشركاء تبعك بالشغل وهالشي عم يزعجك كتير لكن فرصة لتتم شراكة اذا تعاملت بهدوء ..
عاطفيا .. ممكن تكون عم تفكر بارتباط هي الفترة وبدك تستقر وممكن تزيد المشاكل مع الشريك وتنهي العلاقة ..
■النسبة المئوية :
●مهنيا : %67 ●ماليا : %60 ●عاطفيا : %66 ●صحيا : %63
#العذراء ♍
دير بالك بوضعك الصحي والمهني هاليوم ..
بتحس بشوية تعب وارهاق ويبدو انك هاليوم عندك قصص كتير لازم تنهيها وعم تزيدها عليك المسؤوليات فبدي منك تنظم كل شي لأن انت قدام يوم طويل وصعب بتحس بتراكم الشغل عليك فخلص الضروري ..
عاطفيا .. تعامل مع الشريك بحذر واعطيه اعذار لقلة اهتمامو اذا بدك تستمر العلاقة ..
■النسبة المئوية :
●مهنيا : %63 ●ماليا : %62 ●عاطفيا : %65 ●صحيا : %58
#الميزان ♎
الحظ معك لتحل مشاكلك وتغير وضعك ..
استغل الظروف الحالية عندك والحظ ولاتخاف لأن عندك يوم لتستغل حب الناس الك وعم تقدر بهاليوم تحصل على فرص حلوة بتساعدك وعندك القدرة توصل لحلول عائلية وفي قصة بتخص طفل ..
عاطفيا .. افتح قلبك بس بهاليوم ورح تلاقي الرومنسية المطلوبة من الشريك او حب جديد اذا اعذب ..
■النسبة المئوية :
●مهنيا : %84 ●ماليا : %83 ●عاطفيا : %88 ●صحيا : %81
#العقرب ♏
عندك مضايقات بالبيت وبدك حلول سريعة ..
بتحس بمسؤوليات كبيرة وخاصة بوضع البيت عندك ومو عبعضك وشاغلتك قصص العيلة ومسؤوليات واهل وصحة لكن عم تفكر اليوم ببيتك او بييع او شراء عقار و ممكن صحة حدا من الاهل تشغلك ..
عاطفيا .. بدي منك تهدي واترك مجال للتفاهم مع الشريك واذا لقيت مافي امل احسم امورك ..
■النسبة المئوية :
●مهنيا : %65 ●ماليا : %66 ●عاطفيا : %69 ●صحيا : %61
#القوس ♐
عندك لقاءات واتصالات وسفر وبتقدر تصل ..
كتير أمور بتدعمك ومن الايام المساعدة الك يوم بيحملك سفرات قصيرة اتصالات زيارات لقاءات مواعيد قادر توصل رأيك وتكون مسيطر على الاجواء لكن انتبه من حوادث الطرقات وقادر تنجح بعلاقاتك ..
عاطفيا .. لاتتعامل مع الشريك باستفزاز اليوم لان ناطرتك اجواء حلوة اذا بدك ..
■النسبة المئوية :
●مهنيا : %77 ●ماليا : %76 ●عاطفيا : %81 ●صحيا : %73
#الجدي ♑
عندك مال وحظوظ بشغل جديد عندك ..
حاول ترتب أمورك المالية ويومك منيح ورغم شعورك بالكسل وبطء وهدوء بمسار هاليوم واكتر شي عم تفكر فيه هو المال او انك تعيد حساباتك دفعت كتير يمكن وبدك تنظم امور الشغل او تبدا شغل جديد..
عاطفيا .. انت امام اختبار للثقة من الشريك خليك منتبه حتى ماتوقع وكون جاهز ..
■النسبة المئوية :
●مهنيا : %70 ●ماليا : %79 ●عاطفيا : %75 ●صحيا : %72
#الدلو ♒
يوم لتغييرات وتصفية علاقات وشراكة ..
عندك قدرة على حسم الأمور بهاليوم وبتصل للي بدك ياه وتكون ملفت للنظر لاتترك مجال للماضي يضعفك فكر بشي جديد تعملو ورح تصل يوم مميز لحتى تنجح وتطلع من تعبك واستغل دعم المحبين الك ..
عاطفيا .. لاتعطي فرصة للشريك يستفزك وخليك رايق وكل شي رح يكون متل مابدك ..
■النسبة المئوية :
●مهنيا : %89 ●ماليا : %88 ●عاطفيا : %86 ●صحيا : %83
#الحوت ♓
عندك تعب وماعم ترتاح للمحيطين فيك ..
حاول ترتاح وترتب أمورك وبتحس انو مافي شي عم يزبط او يكمل هاليوم وانو الدنيا ماشية عكسك وماعم تعرف ليش مدايق من كل شي حاول تروق وماتبلش شي جديد يوم قليل الحظ وبدو صبر ..
عاطفيا .. بتحس انو الحياة ماعم تعطيك الاستقرار بالحب ومافي شي رح يريح قلبك ..
■النسبة المئوية :
●مهنيا : %63 ●ماليا : %62 ●عاطفيا : %59 ●صحيا : %66
