رصد نيوز
القمر بكرا يكمل ببرج الدلو ♒
#الحمل ♈
عندك اجواء حلوة ورفقة وناس وعزيمة ..
يومك بيدعم لقاءات بناس كتير وعزيمة وعندك مساعدة بتحسن وضعك وعم تكون بوضع جيد للعلاقات وانت مميز بحضورك وفي لقاءات مع اصدقاء بترتاح معن ممكن كتير تنعزم على اكل او قهوة مع حدا ورح يكون فيك تطلب مساعدة بهاليوم تتلبى بالمجمل لاتبقى لحالك ..
❤عاطفيا .. عم تقدر تكون مميز بطلتك وعندك جاذبية بين الكل بهيك يوم ..
■النسبة المئوية :
●مهنيا : %72 ●ماليا : %68 ●عاطفيا : %73 ●صحيا : %66
#الثور ♉
فرص مهمة لشغل وعندك شعبية بتزيد ..
استغل هيك يومك لتكون تحت الأضواء وكتير قصص مهمة بيومك ومصيرية وبتكون العيون عليك وعم تكون على موعد مع مسؤوليات جديدة وامور مصيرية فانتبه بتعاملك مع المسؤولين عنك وحاول ماتخالف القوانين وممكن ترقية او منصب للبعض وشهرة كمان ..
❤عاطفيا .. عندك يوم متقلب عم تكون فيه مو مرتاح كتير من تعامل الشريك وممكن حب من شخص مهم ..
■النسبة المئوية :
●مهنيا : %71 ●ماليا : %66 ●عاطفيا : %69 ●صحيا : %63
#الجوزاء ♊
يوم ايجابية وفي تحسن بوضعك وعلاقاتك ..
حاول تستغل يومك لتحل قصص البيت ويوم لمعارف جديدة وعم تكون أفضل وبتتخلص من كتير من التعب ويوم داعم الك بقدملك الفائدة والتطورات الحلوة بسفر او علم جديد او حتى ناس جديدة بتدخل حياتك وبتتعرف عليها مشان هيك كون جاهز وحسن من وضعك العام ..
❤عاطفيا .. قادر بهاليوم تكون محط انظار كتار وتصل للمكان يلي بتطمح الو بعلاقاتك ..
■النسبة المئوية :
●مهنيا : %85 ●ماليا : %84 ●عاطفيا : %89 ●صحيا : %81
#السرطان ♋
عندك شي مالي شاغلك وبدك حلول لقصة ..
ناطر حلول بهاليوم وبدي منك تروق وتحاول تسير الأمور لصالحك بهاليوم وفكر بحل وكمان هاليوم لتحصل على مال أو لتحل مشكلة كانت قبل بالمجمل عندك يوم أريح وعم تحس انك عم تستعيد عافيتك مشان هيك فكر كيف تصل لصيغة تفاهم مع المحيطين فيك ..
❤عاطفيا .. يوم افضل عم يكون في مشاعر حلوة وقوية تجاه الشريك وعم تطور العلاقة ..
■النسبة المئوية :
●مهنيا : %68 ●ماليا : %75 ●عاطفيا : %73 ●صحيا : %67
#الأسد ♌
يوم لشراكات مالية ومهنية بس هدي ..
يوم لتبدا شراكة او توقع عقد وحاول تكون هادي وبدي منك تبعدلي اول شي عن المواجهات والأهم فيه انك عم تكتشف ناس على حقيقتها انتبه ومرقلي هاليوم لان الكل عم يكون ضدك وفترة وبتمر واذا عندك شراكة جديدة فوت فيها وكمل لكن بحذر ويمكن تمضي عقد ..
❤عاطفيا .. عندك كتير عصبية بهاليوم لكن فرصة لتتم ارتباط او شراكة مع شخص بتحبو وبترتحلو ونهاية علاقة واردة ..
■النسبة المئوية :
●مهنيا : %64 ●ماليا : %63 ●عاطفيا : %66 ●صحيا : %59
#العذراء ♍
عندك فرصة شغل وكتير التزامات وتعب فانتبه ..
حاول تنظم نهارك وكتير قصص عندك فحاول تسرع وبنفس الوقت تحاول ترتاح وكون حذر وخلص أمور شغلك بوقتا ولا تهمل الضروري منها بهاليوم وبالمجمل وضعك في ضغط ومسؤوليات بس منيح وكمان اذا مريض لاتخاف مرض مؤقت بس ريح حالك وراعي صحتك ..
❤عاطفيا .. حاول ماتعتب على حدا واترك الشريك للأيام ولحالو رح يفهمك وقرب وجهات النظر ..
■النسبة المئوية :
●مهنيا : %67 ●ماليا : %64 ●عاطفيا : %62 ●صحيا : %61
#الميزان ♎
يومك أفضل وفي حلول وحب ..
يومك بغير من وضعك بشكل ايجابي وعندك حلول عائلية وعم تقدر تصل بهاليوم ومن أفضل الايام لتفكر بطفل او تقضي اوقات حلوة و مشان هيك بدي منك تستغلو وتحسن وضعك فيه كمان الحظوظ عم تكون معك ومساعدة لتنجح وتصل وتستغل فرص مناسبة لنجاحك ..
❤عاطفيا .. بدي منك تتقرب من الشريك بهاليوم لان الحظ معك وحليان وجاذبيتك عالية ورجعة حب قديم عندك ..
■النسبة المئوية :
●مهنيا : %80 ●ماليا : %83 ●عاطفيا : %85 ●صحيا : %81
#العقرب ♏
عندك قصص بالبيت ويمكن مناسبة وشي عائلي ..
بدي منك تروق مع اهلك ويمكن عندك مناسبة او قصة عائلية خليك رايق وماتنفعل وانتبه من المقربين وماعم تعرف مين بدك ترضي والكل متوتر حاول تهدي الأجواء ودير بالك على صحة الأهل ويوم رح يمر بس حاول تخفف حساسيتك وكمان في شي بخص سكن او عقار عندك ..
❤عاطفيا .. بدي منك تركز على حبك وماتخلي وضعك يأثر على علاقتك بالشريك بهي الفترة ..
■النسبة المئوية :
●مهنيا : %64 ●ماليا : %62 ●عاطفيا : %67 ●صحيا : %60
#القوس ♐
عندك لقاءات حلوة ويوم في نجاح بالتواصل ..
انت بوضع أفضل وعندك يوم جيد نسبيا وتطورات كتيرة وحلول بمجال الاوراق والدراسة وقادر تقنع ويكون الك طلة مميزة وحضور كمان فيك تسافر او تتلقى اتصالات كتير يعني انت محور العلاقات بهاليوم كمان عندك قصة بتخص موبايل او سيارة اذا عندك وانتبه من الحوادث ..
❤عاطفيا .. يوم منيح وكتير في تواصل حلو مع الشريك بهيك يوم ولقاء بيسعدك ..
■النسبة المئوية :
●مهنيا : %74 ●ماليا : %75 ●عاطفيا : %70 ●صحيا : %72
#الجدي ♑
عندك قصة مالية وبتخص علاقات وشغل ..
يوم لتحصل فيه على مال وتبدا شغل جديد وبتفكر بموضوع بخص ممتلكاتك وعم تحتاج مال وكتير عندك قصص لازم تعيد حسابها ويومك عم يكون لتفكر بشو الك وشو عليك من التزامات مالية يمكن تكون بحاجة ويمكن لازم تدفع لشخص وناطر مبلغ مالي وحلول ..
❤عاطفيا .. الوضع العاطفي عندك عم يكون متقلب وماعم تعرف تاخد قرار بدي منك تروق وفي هدية ممكن تجيك ..
■النسبة المئوية :
●مهنيا : %74 ●ماليا : %82 ●عاطفيا : %70 ●صحيا : %73
#الدلو ♒
عندك طاقة وحضور مميز وناطر مال بهاليوم ..
يوم لحلول وانفراجات عندك وكلك طاقة وعم تكون مشرق ومميز وبتطلع من تعبك وعندك يوم مميز بحظ وانطلاقة جديدة جواتك الأمور جيدة لاتخاف وفكر كيف تغير بأمورك اليوم تخلص من الماضي وفكر ببكرا بخطوات جديدة واهدافك رح تكون قدامك وعندك ناس معك ..
❤عاطفيا .. جاذبيتك عالية بهاليوم وعم تكون مليان طاقة حاول تفكر بحب جديد او تحسن علاقتك بالشريك ..
■النسبة المئوية :
●مهنيا : %92 ●ماليا : %84 ●عاطفيا : %87 ●صحيا : %81
#الحوت ♓
مرق يومك ولاتواجه ولاتتسرع بشي ..
كتير ضغط فوق راسك ومو مرتاح بشي وماعم يخدمك هاد اليوم مشان هيك بدي تهدي وماتخاف يوم ورح يمر وترجع فيه أمورك افضل بكتير يمكن اليوم تتأجل فيه أمورك وتحسا مسكرة بوجهك وشاكك بكتير ناس طبيعي هاد الشي لاتخاف يوم ويمر وكل شي رح يتغير بالاول عندك ..
❤عاطفيا .. حاول تكون حذر بمشاعرك لان مو الكل بيستاهلو حبك وتأكد من مشاعر الشريك بالأول وانتبه تنهي علاقة ..
■النسبة المئوية :
●مهنيا : %61 ●ماليا : %63 ●عاطفيا : %60 ●صحيا : %59
