رصد نيوز
القمر ببرج الجوزاء ♊
#الحمل ♈
عندك تواصل وسفر ولقاءات وانتبه من الحوادث ..
عندك حركة وتواصل افضل وبدي منك تستغل نشاطك هاليوم وعم تكون مقنع بكلامك واستغل طاقتك وادفع بمصالحك وعندك القدرة تغير بس انتبه لموبايلك وانتبه من الحوادث وبيشغلك قصة بتخص اخ ..
عاطفيا .. لقاء حلو اليوم بانتظارك وحديث شيق اذا مرتبط واذا لا انتظر هالشي ..
■النسبة المئوية :
●مهنيا : %72 ●ماليا : %74 ●عاطفيا : %70 ●صحيا : %68
#الثور ♉
عندك مال وفرص جيدة بشغل ..
يومك جيد يعتبر مهنيا وماليا وعندك يوم بيدعمك لتحصل على مال لكن عم تصرف كتير واستغل اليوم لتكسب مصاري اذا بدك ناقش مشاريعك بهدوء لتصل لهدفك وحاول تكون دقيق بشغلك وفرصة مهمة ناطرتك ..
عاطفيا .. انت محتار بالعلاقة حاول تحدد موقفك وتبحث عن ثوابت واستقرار وممكن تجيك هدية ..
■النسبة المئوية :
●مهنيا : %69 ●ماليا : %80 ●عاطفيا : %74 ●صحيا : %71
#الجوزاء ♊
يوم لحلول عائلية وانفراجات وتحسن كبير ..
عم تكون أفضل بوضع البيت ويوم في تقلبات مهمة وبتحاول تحل المشاكل وقادر توصل وتسمع اخبار حلوة وأحداث بتغير وضعك للأفضل والامور رح تكون منيحة تفائل وبادر لأن عم تكون قادر تحل مشاكلك ..
عاطفيا .. خبر حلو ولقاء مميز وتحسن بالمعنويات اليوم فلا تخاف وكون واثق من حبك ..
■النسبة المئوية :
●مهنيا : %89 ●ماليا : %83 ●عاطفيا : %88 ●صحيا : %84
#السرطان ♋
عم تنزعج من كتير قصص وهدي بهاليوم ..
قصص بتزعجك وتأجيل متوقع ببعض القصص وماعم تعرف تستقر عم يكون عندك مضايقات وتعب بس لاتخاف رح تمر بس انتبه واصبر وخاصة عائليا وانتبهلي لصحتك وارتاح كمان وكون بعيد عن التشاؤم ..
عاطفيا ..ممكن خيبة امل جديدة عم تمر فيها وقلق من القادم لاتحكم بسرعة وانتظر بس هالفترة ..
■النسبة المئوية :
●مهنيا : %63 ●ماليا : %62 ●عاطفيا : %65 ●صحيا : %60
#الأسد ♌
عزايم ولقاءات ورفقة عندك بيومك ..
عم تكون بين كتير أصحاب ولقاءات بناس بتحبا وبهاليوم انت قادر تطلب مساعدة وتتلبى وعم تذدهر اليوم حياتك الاجتماعية اطلع ولاتضل لوحدك شوف رفقاتك وقضي اوقات حلوة وبتعزم او بتنعزم ..
عاطفيا .. فرصة لتكون مع الحبيب اليوم وتجاوز المشاكل يلي عم تخرب العلاقة ..
■النسبة المئوية :
●مهنيا : %76 ●ماليا : %75 ●عاطفيا : %80 ●صحيا : %74
#العذراء ♍
يومك مهم وناس مستواها عالي بتشوفها ..
انت بيوم مصيري وخليك منتبه منيح واستغل الفرص وحاول ماتهمل شي بدي منك ماتقلق وخليك دبلماسي واحتمال تتعرض لنقد انتبه وخاصة مع المسؤولين عنك وبكون الضو عليك وبتشوف ناس مهمة ..
عاطفيا .. عم تكون العين عليك من كتير أشخاص ولاتفوت علاقة اذا ماكنت واثق من حبك ..
■النسبة المئوية :
●مهنيا : %75 ●ماليا : %72 ●عاطفيا : %69 ●صحيا : %65
#الميزان ♎
عم تقدر تحل مشاكلك وتشوف ناس جديدة ..
يوم افضل وبيمنحك حلول وراحة واستغل طاقتك وتحسن كبير وممكن تطلع مشوار مع شخص غالي وممكن تكتر اللقاءات عندك وانتبهلي من الحوادث وفرصة للتعامل مع ناس غرباء وسفر واتصالات بهاليوم ..
عاطفيا .. من الأيام الداعمة ويلي بتلاقي حالك فيها عم ترجع شي من الرومنسية مع الشريك ..
■النسبة المئوية :
●مهنيا : %83 ●ماليا : %82 ●عاطفيا : %85 ●صحيا : %80
#العقرب ♏
عندك حلول ومال وراحة نسبية ومصالحات ..
عم ترتاح بعد كل الضغط بالأيام الماضية ويوم لحلول بقضية شاغلتك وعندك قصة مالية وفكر كيف تصلح الأمور وحسن علاقاتك وكمان دير بالك على مصروفك وبتقدر تصالح شخص وتتقرب من ناس بتحبا ..
عاطفيا .. المشاكل يلي كانت بينك وبين الحبيب حاول تحلها بهاليوم وقرب وجهات النظر
■النسبة المئوية :
●مهنيا : %67 ●ماليا : %71 ●عاطفيا : %70 ●صحيا : %75
#القوس ♐
انتبه وهدي وفكر بشراكة شغل على مهلكو..
عندك توتر من أكتر من قصة وجو البيت مشحون وبهاليوم بتتوتر بسرعة فلاتحاول تنفعل واهدى لأن توترك ممكن يسببلك المواجهات مع محيطك ابتعد عن الأشخاص المستفزة وفيك تتم شراكة او تعمل عقد ..
عاطفيا .. خليك قوي العلاقة بدها اخد وعطى ومو مرتاح و عم تنفعل من أقل كلمة وفرص لارتباط كمان ..
■النسبة المئوية :
●مهنيا : %63 ●ماليا : %60 ●عاطفيا : %64 ●صحيا : %69
#الجدي ♑
كتير التزامات ومسؤوليات عندك بهاليوم ..
عم يكون على عاتقك كتير أمور ولقاء بخص بداية شغل وانت قدام يوم لتثبت حالك المسؤوليات كتيرة واستعمل قدراتك لتخلص ودير بالك على صحتك اليوم وخليك منظم حتى لو مشغول كتير بس انت قدها ..
عاطفيا .. طريقة تعامل الشريك عم تزيد العلاقة توتر حاول تساير شوي لتنحل ..
■النسبة المئوية :
●مهنيا : %69 ●ماليا : %60 ●عاطفيا : %64 ●صحيا : %58
#الدلو ♒
بتتحسن أمورك العاطفية والعائلية بهاليوم ..
بلشت تحس بطاقة وحظ وبتتحسن أوضاعك فتفائل واستمتع فيه وفي حلول عائلية وكمان في اخبار بتسعدك وانت قادر على اتمام امورك وبتحل قصة طفل او انجاب وفرصة لتحصل على افضل النتائج ..
عاطفيا .. حب ورومنسية عم يعطوك اوقات كتير حلوة انت بحاجتها لتعزز علاقتك وارتباط عند البعض ..
■النسبة المئوية :
●مهنيا : %85 ●ماليا : %82 ●عاطفيا : %89 ●صحيا : %80
#الحوت ♓
روق بالبيت وانتبه عائليا وعقاريا ولا تعصب ..
يوم في مواجهات بالبيت بدي منك تكون هادي وانتبه من الحساسية الزايدة كمان دير بالك على اهلك وصحتك وممكن احد افراد عيلتك بحاجة لمساعدة وتغييرات ممكنة وقصة عقارية فخليك رايق ..
عاطفيا .. لازم يكون الشريك سند الك بهيك يوم وانتبه من اي مشكلة بهاليوم تنهي علاقتك ..
■النسبة المئوية :
●مهنيا : %66 ●ماليا : %61 ●عاطفيا : %64 ●صحيا : %59
