رصد نيوز
القمر بكرا بكمل ببرج الجوزاء ♊
#الحمل ♈
اتصالات حلوة وحلول ونجاح بيومك ..
عندك اتصالات وناس كتير بتشوفها وكتير أمور ببالك وعم تشغلك قصة بتخص اخ عندك ويوم بعزز حركتك ونجاحك وبتكون قادر تقلب الأمور لصالحك وبتحل مشكلة وفرصة لتتحرك لتسافر وتكون مميز بحضورك ودراسيا يوم مميز ويمكن سيارة او موبايل عندك وانتبه من الحوادث ..
❤عاطفيا .. لاتكبر المشاكل واليوم لتحكي الشريك وتصل لحلول مرضية الك ..
■النسبة المئوية :
●مهنيا : %72 ●ماليا : %71 ●عاطفيا : %77 ●صحيا : %68
#الثور ♉
يوم في مال وفكرة لشغل جديد وتحسن مهني ..
استغل هيك يوم لتحصل على المال انت بوضع شوي متقلب ويومك ببلش بكسل وبتحب تنام وترتاح وصار لازم تلاقي حل هاليوم ممكن تحصل على مصاري وتحسن وضعك بس انتبه كمان لمصروفك الزايد ممكن تحصل هاليوم على فكرة لبداية مشروع جديد بموارد أفضل ..
❤عاطفيا .. انت بدك استقرار والشريك ماعم يسأل حاول تقرب وجهات النظر وتلاقي حل ..
■النسبة المئوية :
●مهنيا : %68 ●ماليا : %70 ●عاطفيا : %73 ●صحيا : %75
#الجوزاء ♊
تغييرات عائلية ومهنية لصالحك بهاليوم ..
بتقدر تحسم امورك وعم تتحسن الأوضاع أكتر بهاليوم وعم تجتاز أيام صعبة وعم ترجع مكانتك وتسيطر وكل شي كان صعب بينحل وعم تطلع من وضعك وترجع ثقة الناس فيك عندك فرصة لتحل مشاكلك وتغير كل شي لمصلحتك وتبدا من جديد ويكون في مال عندك ..
❤عاطفيا .. خبر حلو رح تسمعو وممكن تتلقى اعتذار على موقف صار ورح تحس انو الأمور أفضل مع الشريك ..
■النسبة المئوية :
●مهنيا : %91 ●ماليا : %84 ●عاطفيا : %87 ●صحيا : %80
#السرطان ♋
بتدايق بسرعة بس ماتخاف يوم وبمر فهدي ..
عندك حساسية عالية ومزاجية ومو مرتاح لحدا ويبدو انك تعبت من تعامل الناس لكن ماتخاف يوم وبمر يمكن في شي مدايقك والأمور مسكرة بوجهك ضغط كبير وتعب والناس متغيرة معك حاول تبعد عن اي شي ممكن يأذيك ولاتحاول تحسم شي وانتبه لصحتك هاليوم ..
❤عاطفيا .. مشكلة بتكبر مع الشريك وبتفقد الامل بالحلول وبتحس انو ماعاد في رجعة ..
■النسبة المئوية :
●مهنيا : %66 ●ماليا : %61 ●عاطفيا : %62 ●صحيا : %65
#الأسد ♌
يوم لتشوف ناس بتحبا وتنعزم او تعزم كمان ..
يوم في اجواء اجتماعية حلوة وتفائل بيومك انت مشرق وعم تعطي انطباع حلو عنك ويوم انت فيه ملفت بحضورك وكتير عزايم وجو من اللقاءات رح تعيشو هاليوم رح تحس بدعم الناس الك ومساعدتها استفيد من هالشي وحاول تعزز علاقاتك وتطلب مساعدة مالية ..
❤عاطفيا .. العيون عليك مشرق وعم تكون محبوب وممكن صداقة تتحول لحب بس انت تجنب الأشخاص يلي بوجهين ..
■النسبة المئوية :
●مهنيا : %76 ●ماليا : %69 ●عاطفيا : %74 ●صحيا : %70
#العذراء ♍
يوم مهم بلقاءات وقصص بتخص شغل ..
حاول تستغل ظروفك واليوم مهم بلقاءات بناس الها قيمتها فخليك جاهز وبدي منك تستخدم شطارتك وهاليوم لازم تكون حاضر وكون دقيق ولاتتأخر لأن يوم عم يحاول فيه بعض الناس تشويه سمعتك بالعمل فانتبه حتى مايأثر عليك ورتب امورك وخاصة اذا عندك امتحان..
❤عاطفيا .. انت بحاجة لحدا ينسيك حياتك ويحبك عنجد وهالشي قادم بس كون رومنسي شوي بتعاملك ..
■النسبة المئوية :
●مهنيا : %72 ●ماليا : %66 ●عاطفيا : %63 ●صحيا : %69
#الميزان ♎
تطورات بتحسن وضعك وبتعرف ناس جديدة ..
عم تتعرف على أشخاص جدد وانت بيوم مميز وعم يكون عندك لقاءت جديدة وكمان فرص وعم ترتاح هاليوم نسبيا وعم تفكر بالسفر كتير وعم تتلقى اتصالات من ناس بعاد او مابتعرفها لاول مرة بتحكيك وعم يكون في شغل جديد لالك فحاول تكون مستعد لهالشي ..
❤عاطفيا .. عم ترجع ثقتك بحالك والحبيب عم يحكيك وتعيش اوقات رومنسية معو ..
■النسبة المئوية :
●مهنيا : %85 ●ماليا : %83 ●عاطفيا : %80 ●صحيا : %78
#العقرب ♏
عم ترتاح وتفكر بقصة مالية وتلاقي حلول ..
بدي منك تتحرك لتحسن الوضع عندك لان بلشت أمورك ترجع وانت بحالة اريح وعم تستعيد طاقتك تدريجيا وبتشعر بشوية راحة ابحث عن حلول للمشاكل يلي صارت بدي منك تحاول تضبط ميزانيتك وماتصرف كتير وتفكر بصحتك دايما ولازم تخلص من قصص البيت ..
❤عاطفيا .. انت بحاجة للراحة والتفكير قبل ماترجع لعلاقتك لان تعبتك كتير ..
■النسبة المئوية :
●مهنيا : %66 ●ماليا : %73 ●عاطفيا : %67 ●صحيا : %70
#القوس ♐
امور بتخص شراكة وشغل وعقود بهاليوم ..
لازم تكون هادي وتفكر بدبلماسية واستغل هاليوم لتدرس شراكتك مع حدا وخاصة اذا عم يستغلك وفي مواجهة وقصة بتخليك تنفعل كتير فحاول تروق ولازم تعرف تتصرف بالمواقف الصعبة وتحاول تستوعب الناس وبدي منك تعزز شراكاتك وبهدوء تام انتبه من المواجهات ..
❤عاطفيا .. لا تعمل شي اليوم لأن رح ينحط اللوم عليك فحاول قدر الامكان تهدي الأمور مع الشريك وممكن البعض يتم خطبة ..
■النسبة المئوية :
●مهنيا : %65 ●ماليا : %63 ●عاطفيا : %62 ●صحيا : %60
#الجدي ♑
خلص شغلك بوقتو وانتبهلي لصحتك ..
يوم بيحملك كتير قصص وبداية شغل او مسؤولية جديدة هاليوم فحاول تعرف تتصرف لأن عندك يوم حافل وشغل فبدي منك تنظم امورك وتخلص الضروري منها و صحتك لاتهملها لان في عندك عارض صحي ممكن تمر فيه ويمكن تبدا شغل جديد او تغير شغلك بهاليوم ..
❤عاطفيا .. كتير من الأمور بحاجة لحل بعلاقتك مع الشريك ولازم تكون حاسم بوضعك العاطفي ..
■النسبة المئوية :
●مهنيا : %67 ●ماليا : %62 ●عاطفيا : %66 ●صحيا : %59
#الدلو ♒
حظك جيد والأمور بتدعمك بهاليوم ..
استغل الظروف هاليوم ماليا وبفرص وحظ ويوم مريح فبتلاقي عالم بتحبا معك وصار الوقت انك ترتاح يمكن صح تعبت بوضع عيلتك وصرت بحاجة أشخاص حدك وهاليوم رح تحس بالحظ رجع يدعمك واستقرار بوضعك وحتى في فرص جديدة قادمة وطفل جديد ..
❤عاطفيا .. فرصة اليوم لترجع حبك القديم او حتى تبدأ حب جديد الحظ بيدعمك .
■النسبة المئوية :
●مهنيا : %86 ●ماليا : %84 ●عاطفيا : %88 ●صحيا : %78
#الحوت ♓
بتاكل هم البيت وهدي مع المقربين ..
حاول تمرق هاليوم لأن عندك امور وتصليحات ببيتك وفي قصة عقارية او تغيير سكن ولازم تعرف تتعامل بهاليوم وبتكون بوضع حساس مع المقربين وبتشغلك هاليوم قصة بتخص عيلتك عم تزيد الوضع سوء عندك وعم يخلوك مو مرتاح من الوضع مابدي تخاف أو تكبرها وبتمرق..
❤عاطفيا .. لاتتخذ قرارات مصيرية بعلاقتك ولاتزعل على حبيب ماكان منيح معك ..
■النسبة المئوية :
●مهنيا : %66 ●ماليا : %62 ●عاطفيا : %67 ●صحيا : %60
