رصد نيوز
القمر بكرا مستمر ببرج القوس ♐
#الحمل ♈
يومك منيح وفي حلول وعلاقات جديدة..
عم تصل لحلول وعندك حضور حلو وعم تكون مميز بكل شي و متألق حاول تفكر بايجابية ورح تحصل على أوقات حلوة ممكن بمعارف جديدة وحتى تفكر تتعلم شي جديد وبتكون قريب من الكل اذا بدك ..
عاطفيا .. عم ترجع الامور مع الشريك افضل وتحسن بوضعك العاطفي وحب جديد ممكن ..
■النسبة المئوية :
●مهنيا : %84 ●ماليا : %85 ●عاطفيا : %83 ●صحيا : %80
#الثور ♉
عندك حظوظ مهنية ومالية هاليوم ..
بتقدر تغير بشغلك للأفضل ويوم في مال ولقاءات حلوة وعم يكون في حل للأوضاع عندك وعم ترجع وضعك لطبيعتو وفي عندك خطوات لتصالح وحلول لمشاكل مع المحيطين وفكر بامورك المالية ورتبها..
عاطفيا .. خليك ايجابي وبعد عن المشاكل لان في هدوء نسبي وتحسن بعلاقتك ..
■النسبة المئوية :
●مهنيا : %72 ●ماليا : %77 ●عاطفيا : %74 ●صحيا : %67
#الجوزاء ♊
توتر كبير وشراكات ناطرتك فهدي ..
كلو عم يضغطك وعندك توتر كبير جواتك من المحيطين فيك وعم تتشارك أمور مع شخص ويوم في كتير قصص ومواجهات مشان هيك انتبه من الانفعال وهدي قد مافيك ولاتفوت بمواجهات مع حدا ..
عاطفيا ..انتبهلي لعلاقتك مع الشريك لان ماعم تتحمل كلمة ودغري عم تعصب وفرصة لارتباط عند البعض ..
■النسبة المئوية :
●مهنيا : %63 ●ماليا : %62 ●عاطفيا : %66 ●صحيا : %64
#السرطان ♋
عندك فرص لشغل جديد وانتبه بعلاقاتك ..
انت تعبان وكتير قصص عندك ياها ويمكن عندك يوم لتبدا شغل ومسؤوليات جديدة وبكوت حافل ولازم تلحق الضروري منو مشان هيك خليك سريع وانتبه كمان لان لازمك راحة حتى تحافظ على صحتك ..
عاطفيا .. انت مقبل على فترة مميزة عاطفيا حاول تكون جاهز وتفكر بانك تبدا حب جديد اذا أعذب ..
■النسبة المئوية :
●مهنيا : %63 ●ماليا : %64 ●عاطفيا : %60 ●صحيا : %59
#الأسد ♌
عاطفتك أفضل وفي حلول ولقاءات حلوة ..
بتنحا مشاكل عندك وعم تحسن علاقاتك وتنبسط بهيك يوم وبدي منك تتفائل ولا تخاف لأن بهاليوم بعد تعب ومشاكل عم بكون وضعك أفضل بكتير وفرص عم تجيك استغلها وحاول تصلح الأوضاع مع عيلتك ..
عاطفيا .. كتير عندك جاذبية ووضعك العاطفي بيتحسن وممكن حب قديم يرجع يحكيك ..
■النسبة المئوية :
●مهنيا : %83 ●ماليا : %84 ●عاطفيا : %88 ●صحيا : %81
#العذراء ♍
بتنشغل بقصص بالبيت والأهل عندك ..
روق بيومك وحاول تهدي لأن عم يكون في شخص بحاجتك بالبيت والوضع بدو تصرف سليم وعم تكون متوتر ومو كتير مرتاح وعم تغير بمكان سكنك وعم تصرف مال بقصة عقارية او بتخص أهلك ..
عاطفيا .. بدي منك تبعد عن الأشخاص المزعجين ولاترد على حدا اذا بدك علاقتك تستمر ..
■النسبة المئوية :
●مهنيا : %65 ●ماليا : %62 ●عاطفيا : %66 ●صحيا : %59
#الميزان ♎
فرص لتتواصل وتنجح بلقاءات عندك ..
عندك حضور قوية ةمن الأيام الايجابية في كتير نشاطات عم تكون قادر توصل كلمتك للكل وفي لقاءات كتير واتصالات مع ناس مهمة بدي منك تستغل علاقاتك ومشاوير حلوة عم تقضيها مع الأهل والأصحاب ..
عاطفيا .. امورك العاطفية منيحة وفرصة بهاليوم لتلتقي الشريك وتقضو وقت حلو ..
■النسبة المئوية :
●مهنيا : %76 ●ماليا : %71 ●عاطفيا : %78 ●صحيا : %69
#العقرب ♏
قصص مالية بتتعبك وبدك حلول ..
حاول تنتبه وبدي منك تضب ايدك شوي وانتبه لأنك عم تصرف كتير وعم تعيد حساباتك وكان في تغييرات كتير الفترة الماضية وانتبه من مصاريف طارئة بتطلعلك وماتخاف قريبا بتفرج وبتحصل على مال ..
عاطفيا .. استغل يومك لتحسن علاقتك بالشريك وعندك عاطفة قوية بس في اهمال من الشريك ..
■النسبة المئوية :
●مهنيا : %68 ●ماليا : %80 ●عاطفيا : %72 ●صحيا : %75
#القوس ♐
من الأيام الحلوة بحظ وطاقة وعلاقات ..
بتقدر تحسن علاقاتك وانفراجات وحاول تتخلص من الأشخاص يلي بوجهين وعم تكون بطاقة اكبر وحضور أفضل وعم تثبت حالك بين محيطك وتحسن وضعك الاجتماعي ويكون نجمك قوي وقادر تصل ..
عاطفيا .. لاتفكر كتير اي شخص بعد عنك بيرجع بس بدها شوية وقت وعندك جاذبية بهاليوم ..
■النسبة المئوية :
●مهنيا : %92 ●ماليا : %85 ●عاطفيا : %87 ●صحيا : %83
#الجدي ♑
بتدايق من قصص وبالشغل ومو مرتاح ..
بتدايق من أشخاص عندك وحاول تهدي وماتقلق بس بدي منك صبر وشوية رواق لأن عم يكون يومك مخيب من كتير ناس حوليك وهالشي ماعم يرضيك يعني بتكون موعود بكتير امور وماعم تحصل ..
عاطفيا .. بدي منك تحاول ماتفوت بنقاشات مع الشريك وتروق معو بهاليوم ..
■النسبة المئوية :
●مهنيا : %64 ●ماليا : %60 ●عاطفيا : %66 ●صحيا : %59
#الدلو ♒
اجواء ايجابية وعلاقات وعزايم ويومك منيح ..
علاقاتك تمام وحضورك كتير حلو وعزيمة بهاليوم ولقاءات وعم يكون في شي بيجذب الكل الك وانت بوضع أفضل وعم يكون يومك حافل بالعلاقات الاجتماعية مع ناس واصحاب كتير وبالمجمل وضعك منيح ..
عاطفيا .. استغل جاذبيتك بهاليوم لتحصل على حب ممكن او تعزز علاقتك بالشريك ..
■النسبة المئوية :
●مهنيا : %77 ●ماليا : %78 ●عاطفيا : %75 ●صحيا : %70
#الحوت ♓
يومك في ناس مهمة وانتبه تخالف القوانين ..
بدي منك تكون جاهز وحاول ماتخالف القوانين هاليوم وفي توتر عندك وعم يكون يومك مهم وفي تغييرات وبتشوف ناس مهمة او لتعمل شي مصيري بدي منك تكون هادي وخاصة بتعاملك مع المسؤول عنك ..
عاطفيا .. تقلبات ناطرتك بعلاقاتك لكن بحاجة لشوية لين مع الشريك وهدوء ..
■النسبة المئوية :
●مهنيا : %67 ●ماليا : %72 ●عاطفيا : %66 ●صحيا : %74
