رصد نيوز
القمر بكمل بكرا ببرج السرطان ♋
#الحمل ♈
هدي مع أهلك وبتخسر شخص مقرب فروق ..
وضع البيت زاعجك وتاعبك وانتبه من قصص عقارية وعائلية وداري صحتك وصحة أهلك هاليوم ولازم تكون حكيم ورايق لان في ضغط من المقربين وعندك توتر على صعيد العيلة وقلق حاول أنو تبقى منتبه لردة فعلك وانو تساعد في حل الأمور وبامكانك انو تكون حكيم لتمرق ..
❤️عاطفيا .. ما لازم أنو تقسو على الشريك ولازم يفهمك ويقدر ظروفك ويكون الحب بينكن مشاركة قدر الامكان ..
■النسبة المئوية :
●مهنيا : %63 ●ماليا : %69 ●عاطفيا : %62 ●صحيا : %67
#الثور ♉
بتشوف ناس وبتكتر حركتك واتصالاتك ..
يوم لتطلع تفوت وتشوف ناس وتتلقى اتصالات كتير وعندك قدرات كبير لتسحر الكل بكلامك وحضورك ويوم لتتحرر وبتكون أنشط وبتحس انك قادر تتحرك وتنجز وهاليوم فيه سفر قصير وبتكتر عندك الاتصالات بس انتبه من الحوادث كتير منيح ..
❤️عاطفيا .. اليوم كون رومنسيا وعزز علاقتك مع الشريك وعندك خطوات مهمة بعلاقتك..
■النسبة المئوية :
●مهنيا : %75 ●ماليا : %76 ●عاطفيا : %79 ●صحيا : %72
#الجوزاء ♊
يوم في مصاريف كتيرة ويمكن يجيك مال ..
حاول تنظم امورك المالية وقصة شغل بيدعمك هالفترة وعندك تحسن نسبي ويوم عم تبلش الأمور تميل فيه باتجاه هدوء نسبي وبدي ياك تنتبه لمصروفك وكرمك الزايد ما الو لزوم اليوم عم تصرف كتير وممكن تحصل على مبلغ مالي و الفرص افضل وملائمة والحظ مناسب ..
❤️عاطفيا .. ييحتاج منك الشريك الثقة لتبقى العلاقة بأمان وتتطور اكتر ..
■النسبة المئوية :
●مهنيا : %72 ●ماليا : %79 ●عاطفيا : %73 ●صحيا : %63
#السرطان ♋
استغل يومك وحل مشاكلك وغير وضعك ..
انت أفضل وكل شي بيتحسن ويوم طاقتو ايجابية الك وحاليا صار عندك بداية جديدة استغلها وحاول الوصول للي بدك ياه ورح تحصل على الدعم المطلوب بكل المجالات وافتح صفحة جديدة وغير كل شي لصالحك يوم عم تستعيد فيه ثقة المحيط فيك وتحسن وضعك ..
❤️عاطفيا .. يوم حلو عاطفيا بيحملك سحر خاص فيك وقدرة على جذب الكل لإلك ..
■النسبة المئوية :
●مهنيا : %92 ●ماليا : %87 ●عاطفيا : %89 ●صحيا : %81
#الأسد ♌
هدي بيومك وفكر كيف تحل مشكلة ..
مو مرتاح وعندك قصة شراكة مالية شاغلتك وبتتعب من الناس وخاص قصص المقربين بتشغلك وموضوع صحي او حادث فهدي بعلاقاتك وفي تأجيل وانت ما عم تعرف ليش عم يصير هيك معك حاول تروق وانتبه لصحتك اليوم حتى يمر بسلام ولا تخاف بمر وبتكون افضل قريبا ..
❤️عاطفيا .. انت بحاجة لفترة من الراحة لقلبك حاول ما تعاند الشريك هاليوم حتى ماتخسرو ..
■النسبة المئوية :
●مهنيا : %64 ●ماليا : %59 ●عاطفيا : %68 ●صحيا : %60
#العذراء ♍
يوم في رفقة حلوة ولقاءات وعزايم ..
كتير ناس معك وبتحبك وعندك لقاءات حلوة ناطرتك ويوم عم تكون فيه ملفت للنظر والكتير من القصص الاجتماعية عم تنتظر منك المشاركة اليوم رح تقابل ناس كتير ورفقات الك عبر عن قدراتك ولاتبقى لحالك وتفاعل مع الأصدقاء حتى ماتفوت بحالة اكتئاب او وحدة ..
❤️عاطفيا .. الخيارات الكتيرة مابتعني انك مرتاح عندك توتر داخلي وفي شي ناقصك ..
■النسبة المئوية :
●مهنيا : %74 ●ماليا : %82 ●عاطفيا : %72 ●صحيا : %69
#الميزان ♎
انت تحت الضو وممكن ترقية او شغل جديد ..
عندك احداث مهمة وانت بيوم لاختبار ومصيري وكون جاهز لأي قصة بالشغل وعندك الكتير من الاعمال يلي بتحتاج منك الدقة والانتباه كون على قدر المسؤولية وتصرف بحكمة وحافظ على شغلك وانتبه من مخالفة القوانين وتعامل بحذر حتى ماتتعرض للمشاكل ..
❤️عاطفيا .. لاتتسرع بالحكم على العلاقة ويمكن عدم فهم الشريك او اهمالو بسبب ظروف خاصة فيه ..
■النسبة المئوية :
●مهنيا : %73 ●ماليا : %70 ●عاطفيا : %65 ●صحيا : %68
#العقرب ♏
ناس جديدة سفر ونجاح بيومك وتغيير ..
فيك تغير وضعك وعم تتحرك وتكون بوضع أفضل وبتعيش يوم جيد وعم تحصل على نجاحات ودعم وفي فرص للسفر والحديث مع اشخاص من خارج البلد والنجاح في الدراسات العليا بعد فترة اثرت عليك كتير وتعبتك لكن باي خطوة رح تعملها لازم تكون دقيق لتصل ..
❤️عاطفيا .. يوم بيحمل الك الكتير من الحلول والتقرب من الحبيب اذا بدك ..
■النسبة المئوية :
●مهنيا : %82 ●ماليا : %84 ●عاطفيا : %88 ●صحيا : %81
#القوس ♐
عندك حلول مالية ومصالحات هاليوم ..
بتقدر تقرب المسافة مع المحيطين وعندك قصة بيت أو ميراث او شراكة مالية وعم تتجاوز الوضع السيء يلي كان ويوم افضل انتبه فيه لنفقاتك المتزايدة وحاول انو تنتبه ماليا وعم تكون مرتاح نسبيا بعد التوتر يلي مريت فيه ويوم منيح وانت افضل فلا تقلق وتفائل بالقادم ..
❤️عاطفيا .. لاتفكر بطريقة سلبية وكون ايجابي لتعيد العلاقة مع الشريك لوضعها الطبيعي ..
■النسبة المئوية :
●مهنيا : %66 ●ماليا : %76 ●عاطفيا : %70 ●صحيا : %64
#الجدي ♑
هدي بعلاقاتك ولاتتسرع باي قرار ..
عندك مواجهات هدي فيها وعم تدخل بقصة شراكة وعم تقدر تتحرك باتجاه شخص مناسب ليكون معك بشغل وبدي منك بهاليوم تحاول انو تعزز من شراكاتك لأن الوضع ابدا مو متحمل وكون دبلماسي وابتعد عن الاستفزاز بكلامك حتى لا توقع بالمشاكل وعم تنخفض الطاقة عندك ..
❤️عاطفيا .. يوم بيحملك فرصة للارتباط اذا بدك وحاول لاتكبر المشاكل مع الشريك لان المرتبطين متوترة علاقتن هاليوم ..
■النسبة المئوية :
●مهنيا : %65 ●ماليا : %63 ●عاطفيا : %67 ●صحيا : %61
#الدلو ♒
شغل كتير ومسؤوليات وناس مهمة وصحة ..
بين استلامك لمسؤوليات شغل جديد والتزامك بالسرعة لتخلص حاول تتصرف صح وعم يكون يوم بدو منك ترتيب وسرعة وفي عندك تعب وشغل كثير عم ينتظرك انت بحاجة للانجاز بسرعة ركز على الضروري واترك وقت للراحة وانتبه لصحتك قدر الأمكان ..
❤️عاطفيا .. لاتكتر من العتب على الشريك وحاول أنو تقوي ثقتك فيه حتى تكون اوضاعك العاطفية منيحة ..
■النسبة المئوية :
●مهنيا : %67 ●ماليا : %66 ●عاطفيا : %64 ●صحيا : %58
#الحوت ♓
اوقات عاطفية الأفضل وحظ معك مالي ..
عندك مال وناس بتحبا بهاليوم زالطاقة عندك عالية وعم تحصل على فرص شغل بعد تعب من كتير كلام من المقربين والعيلة وقصص صحية وانت بيوم بيحمل الك الدعم والفرص المناسبة للتقدم بيدعمك الحظ وبتحصل على النجاح ويمكن يجيك مبلغ مالي فخليك متفائل ..
❤️عاطفيا .. اجواء رومنسية مميزة حاول انو تلاقي الطريق لقلب الشريك وحب جديد اذا كنت عازب او رجعة حب ماضي ..
■النسبة المئوية :
●مهنيا : %86 ●ماليا : %84 ●عاطفيا : %88 ●صحيا : %82
